اللي باقي ما خلص أوراقه في الإبتعاث وخايف تنلغي بعثتو

March 14th, 2012, 04:34 AM

السلام عليكم ورحمة الله وبركاته......

طبعاً حطيت هالموضوع لأسباب ألا وهي:-
1/ إعانة من لم ينتهي من أوراقه لإستكمال قرار إبتعاثه << بعضهم باقي ما جاب قبول معهد.
2/ محاولة إعطاء الحلول من الإخوان والأعضاء ذوي الخبرات في هذا المجال لتسهيل وتمهيد الطريق الأسهل والأسرع في أستكمال الأوراق لمن عجز عن استكمالها << وأنا منهم باقي ما كملت أوراقي ههههه.
3/ معاونة بعضنا البعض على حل مشاكلنا ونكون صف واحد ضد اليأس وتحطيم المعنويات وكسر حاجز كلمة " ما يمديني ولا راح تفوتني ولا الناس خلصوا وأنا باقي ما سويت شي ولا ودي أنام وأصحى وأنا ادرس في بلد الإبتعاث علطول هههه".

هذي هي الأسباب المبدأية من هذا الموضوع ولكن كموضوع مثل هذا لازم نقسم المساعدات لعدة أقسام يعني مثلاً اللي باقي ما جاب قبول يكون هناك عضو أنتم ترشحونه ليساعد من لا قبول لهم، وقسم ثاني حقين الفيزا وهكذا....الخ

طبعا أنا باقي ما جبت معهد حق لغة ليش؟؟
السبب الوزارة نفسها لأني قدمت على ست جامعات وست معاهد ولم يقبلوا لأني طالب دولي يعني مو امريكي وجميع الجامعات اللي قدمت عليها من نفس قائمة الجامعات الموصى بها عالعموم ما أبغى افتح ملف من المخطئ بس اللي أبغى أقوله أن اللي أوراقه باقي ما كملها لا ييأس ولا يهتم لأن إن شاء الله راح ندف بعض البعض لين نطلع إن شاء الله كلنا إلى بلد ابتعاثاتنا ونكمل حلم الطموح لدينا.

اوك ما أطول عليكم بس راح أبدأ معكم في الحلول اللي قريتها أنا في هذا المنتدى من ناحية اللي باقي ما جابوا قبول لغة:-
1/ متابعة موضوع جلب القبول عن طريق الملحقية الثقافية بامريكا للأخت بنت الرازي.
2/ عمل رسم أو مخطط للفترة المتوقعة لإنهاء جميع أوراقك وجعل مهمة واحدة في اليوم لو إن شاء الله تشييك على ما حدث من جديد وتنظيم وقتك في إنهاء أوراقك في أسرع وقت ممكن.
3/ عدم الخوف من إلغاء بعثتك لأن الدكتور ماجد الحربي قال بعد نهاية مواعيد السفارة الأمريكية راح يراسلون اللي ما أصدر قرار ابتعاث ايش سبب التأخير فا قال أنه راح يتفهم جميع الأسباب بس السبب الوحيد اللي لن يتغافل عنه أن المرشح جالس كذا بدون اي مبرر يعني لو تقول والله قبول الجامعة تأخر ولا أن موعد الدراسة متأخر ولا أي تصريفة يعني زيي أنا راح اقول انتم عطيتوني ست جامعات وطلعت كلها ما تقبل الطالب الدولي وبس.
4/ حاول أن تخصص فقط 5 دقائق ركعتين في الليل وأن تدعو الله بأن ييسر أمورك وأذكركم بقوله تعالى : (إن مع العسر يسر).


وآخر شي بقوله أنو أرجو من الإخوان التفاعل في هذا الموضوع عشان نخلص كلنا سوا ونسافر في وقت واحد ونركب طيارة وحدة << مسوي محترم ههههههه

وصلى الله على نبينا وحبيبنا محمد وعلى آله وصحبه أجمعين.

• نشر عبر تويتر
• نشر عبر فيسبوك
• نشر عبر جوجل