اغراض السفر على الخطوط الامارتية .. اسئلة ؟؟؟؟

نفسسسسسس الاسئله

وكم المسموح بالوزن بالخطوط الاماراتيه واذا فيه زايد بكم الكيلوو يطلع؟؟

المسموح 23 كيلو لكل شخص شنتطين
وبالطائرة معك شنطة 7 كيلووو

اماني متى مسافرة ان شاء الله

انا اذ لقت حجز 30 مايووو

تحياتي

ايوه بخصوص انك تشحني عن طريق فيديكس عادي او ارامكس >>>>> بس خلي لمن توصلي هناك بعون الله
وخلي اهلك يشحنوها لمن تتاكدي من عنوانك
بالتوفيق

وعليكم السلام ورحمة الله وبركاتـــه

ماشاءالله عليكي ناويـه تاخدين البشـكة :d ،


شوفي ياستي زي ماقالت الأخت الكريـمة manal 2011 بخصوص العفش ،

بخصوص أغراضك الأخرى اللي حابه تاخديها معاكي بصراحة عن نفسي أفضل بإنك تشيليها معاكي مرة وحدة عالطيارة !!


واتريحين بالك من تكاليف الفيديكس وغير الفيديكس !

وعلى قولتهم " تعب ساعة ولا تعب وهم اسبوع ! "

طيب نجي للسؤال الكويس ، كيف نشيلها معانا في الطيارة والمسموح فيه شنطتين وكل شنطة 23 كجم ؟؟

يصير تدفعين لطيران الإمارات تكلفة شحن شنطة أو شنطتين زيـادة : ) ،

طبعا كل شي بحسابو ،

يعني يصير تقدرين تضيفين شنطة 3 و 4 للشنطتين اللي معاكي لكن بشرط دفع قيمة الشنطتين الزايـدة ،

يمديكي تسددين قيمة الإضافة عن طريق النت أو عن طريق المطار ،

الأفضل عن طريق النت ! ، طيب ليه ؟

لأنو أرخص ،

يعني عندك عن طريق النت حتنحسب قيمة الشنطة الزايدة 140 دولار أي " 526 ريال " تقريبا ،

بينما لو دفعتي في المطار راح تنحسب عليكي الشنطة بـــ 175 دولار ! أي " 657.5 ريال" تقريبا ،


ويصير ان شاءالله تريحين بالك من تكاليف الشحن لأنو راح تكون أغلى من السعر الموجود في الطيران ،




بخصوص الجهاز بصراحة معاناه !!

المشكلة اللي زي حالتي ومتعودين على المكتبي مدري ايش راح يعمـلو !!

عن نفسي أشوف أفضل حل لكي كالتالي :

1- ادا بتشترين لابتوب يصير اشتريلك جهاز كفي " آيفون ، جلسكي ، ........ "

2- ادا حتشترين آيباد أحس بإنو يفي بغرض اللاب ! .


ودي تفاصيل الشحن والتكاليف وأبعاد الشنط عن طريق طيران الإمارات من جدة إلى دالاس من موقع الشركة :


هنـــــــــــــــــــــــــا


برضو شيكي على الرابط الجاي على أساس تعرفين قوانين طيران الإمارات وتعرفين ايش اللي لكي وايش اللي عليكي واتكونين على بصيرة :

هنـــــــــــــــا



يسر الله أمرك وأمر كل مسلم ومسلمـه يــــارب

احد يعرف كيف اضيف الاميال ببطاقه سكاي وردز؟؟

سبحان الله دوبني كنت أدور على رابط التسجيل فيها والحمدلله لقيتو : ) ،


دوبني دخلت أشيك على الموقع ، شوفي الاقتباس التالي :


المصدر : هنـــــــــــــا

اشكرك على التوضيح .. انا ناوية بس اجهز الأغراض عشان ما يتعبوا بعدي يصير اذا اتربت اموري بعون الله ااستقريت اديهم عنوان السكن ويرسلوها ليا


جزاك الله بكل خير ...........

الله يسعدك ويفتحها بوجهك فين ما تروح ويرزقك من واسع فضله


ادري اني مرة وصلتها معاك وطفشتك انت وباقي الأعضاء .. كل شوي وانا فاتحة موضوع فيه 11953 مليون سؤال ... >>> مدري كيف خلوني مشرف .. الله يعين الادارة عليا <<<


بس والله هذي اول مرة في حياتي اسافر .. يعني الشي اللي كنت متعودة عليه سنين عمري كلها رح يتغير وما اعتقد اني بسهولة رح اتأقلم مع الوضع الجديد >>> يارب اعيننا وسهل أمرنا ...



بخصوص (( البشكة حقتي )) فمن جد ناوية باذن الله اشيلها كولها معايا مثل ماذكرت >> لو تاجرت بيها برة رح اصير مليونيرة << بس مو هذا هدفي ....


كل مافي الموضوع اني حاطة في بالي شغلة وحدة بس :

>> يا ارجع بشهادة زي العالم والناس واستخدمها بما يرضي الله .. او اني اندفن برة ومحد يدري عني للأبد .... مررررة موحابة بعد كل هذا التعب اللي تعبوه اهلي معايا واللي تعبتوا انا مع نفسي ارجع ويديني فاضية <<

>>> بحاول استعين بالله واجتهد وربي يكتب لنا اللي فيه الخير ويجعل نيتنا خالصة لوجهه الكريم ...



جبت كل اللي احتاجه من السعودية عشان برررة ما احتاج الف في الأسواق اخاف يعجبني الوضع واصير اقضي يومي كله بررة وانسى الدراسة .... فالأفضل ليا اخذ اغراضي معايا ....



>>> حلوانو قيمة الشنطة الوحدة 526 .. صحيح محتاجة الفلوس بس على قولتك " تعب ساعة ولا تعب وهم اسبوع ! "


>>> حاليا عندي خطة شريرة افكر بيها .: اخوية مسموح له ياخذ معاه شنطتين وبما انه رح يجلس مابين اسبوع - شهر ما رح يحتاج اغراض كتير زيي ...

فأحتل الشنطتين تبعه واعبيها بالخير اللي رزقني هو ربي << وان احتجت كمان وماكفت (( بحكم اني شايلة براميل بترول ماشاء الله )) زدت شنطة بـــ 500 .....



>>>>>>>>> مررة شكرا على الروابط .. الكلام اللي فيها مهم وفادني كتير .............





>> بس اش قصة سكاي واردز ؟؟؟ اول مرة اسمع عنه .. حسب ما فهمت انه مفيد في تخفيض اسعار الرحلات اذا كان الشخص بيسافر على حسابه >>> صح كلامي ولا فهمت اغلط ؟؟؟؟



جزاك الله ووالديك بقصور مبنية في الفردوس الأعلى من الجنة ....

ويسعدكي في الدنيا والآخرة يـــارب

الملتقى وضع لتبادل المعلومات والإفادات ،

من حقك ومن حق الأخوان والأخوات يطرحون التساءلات : )


لا تشيلين هم بإذن الله الأمور حتمشي بسهالة وبعد فترة راح تقولين يالله كيف كنت شايله هم والحمدلله الآن عرفت الإجراءات والنظام وعرفت أشياء ماكنت أعرفها ،


لا تخلين هدفكي فقط في مجالك وفي إنك ترجعين بالشهادة فقط !


طوري وحسني من شخصيتكي وساعدي واتركي بصمـة حلوة ورائعة على أساس ان شاءالله لما تجين راجعة يقولون فعلا إنو فلانة كانت قدوة وعلمتنا أشياء كنا نجهلها أو كنا نفهمها غلط ،


برضو الواحد يحاول قدر المستطاع " يسعى إلى الكمال " !!


والمعروف بأن الكمال صفة يتفرد بها المولى سبحانه وتعالى ولن يصل إليها أي بشر كان ،


لكن الإنسان " يسعى " ويعمل ويجتهد والباقي على رب العباد عز وجل ،


بخصوص الأغراض لو شلتي البيت معاكي شيل صدقيني راح تروحين هناك وتشترين واتقضين :d ، وراح تتذكرين كلامي ان شاءالله ،


بخصوص قيمة الشنطة بصراحة أفضل بكثير من قيمة الشحن بالفيديكس وغير الفيديكس ،

خصوصا إن التكلفة راح تطلع عليكي أكبر من قيمة الشنطة ،


خطتكي صراحــة جدا كويســة ،

لكن أهم شي خدي الخبر الأكيد من الأخ الكريم ،


بخصوص سكاي واردز ،

تقدرين تقولي زي " فرسان " اللي في الخطوط السعودية ،

يعني زي الباقات " فئات " تعطي العميل مزايا على حسب الفئة اللي مسجل فيها ،

طبعا لها عدة مزايا مثلا " خصم لفنادق وأماكن تسوق " وغيرها من المزايا " أولوية في قائمة الإنتظار "

شوفي الصفحـــة :

هنـــــــــــا


اللهم آميـــــن ويجزاكي الفرودس الأعلى مع من أحببتي يارب وجميع المسلمين والمسمات