>> دبروا اعماركم >> الضمانات المالية للسفـآرة الأمريكية

OAQ
لا تحلس مخي زيادة

الحين اروح للوزارة اقولهم عطوني رقم الجدول ؟ <<< طيب السفارة موب تقولون انها تقول لازم خطاب ؟؟!

وش تبي تسوي انت ؟ والا وش سويت نورنا الله ينور عليك

إخوي ...
إتبع الإجراءات التالية .. والي انا اتخذتهآ - والي مالقيت حلول غيرهآ -

1- توجهـ إلى وزارة التعليم العالي - فرع الغدير - وقم بإحضار مآيلي
أ- صورة من جواز سفرك
ب- صورة من الـ ( I-20 )
ج- رقم طلبك والذي يبدأ بـ KAS او KAB

2- بعد ذلك إذهب إلى صالة الحرمين .. مع الأوراق المذكورة اعلاه وخذ رقم وانتظر دورك

3- اذا وصلك الدور .. رح للموظف وقل له ابي ضمان مالي - لطلاب المرحلة الخامسة - .. إذا رفض !! وقال إن الأسآمي مرسلهـ قبل .. - إطلب منه بلطف - أن يرسل إسمك مره اخرى
بيطلب منك وقتهآ الأوراق المطلوبة فوووق .. ويقولك إنتظر شووي

4- بعد ماتخلص منتظر شوووي .. بينادي إسمك .. ويعطيك ورقة فيهآ رقم الإيميل الي ارسل اسمك فيه
وأتوقع إنه بكره بيكون الرقم 403 لو رحت .. لأني رحت اليوم وكان رقم الإيميل حقي 402

لان الجداول طريقتهآ كالتالي ...

كل يوم .. يجي مجموعة من المراجعين ..
على فرض جاء يوم السبت 30 مراجع وكلهم يبون ضمان مالي ..
في نهاية اليوم .. يتم رصد المراجعين الـ 30 .. وإرسال اسمائهم بإيميل للسفارة > ولنفترض رقم الإيميل الي ارسلوه 300

يوم الاحد بيكون اسامي المراجعين برضوا بجدول ويرسلونه للسفارة ويكون رقمه 301
والإثنين 302 ... والثلاثاء 303 ...
وكذآآآ يعني .. كل نهاية يوم يرسلون ايميل للسفارة .. الي هو الرقم الي يعطونك اياه ..

الأرقام بالأعلى للتوضيح فقط .. وتبيين كيفية عمل الضمان المالي

اتمنى وصلت المعلومة

طبعا بعد ماتآآخذ الرقم حق الإيميل تبعك ..

ويجي يوم موعدك ..

أنصحك تآخذ الاوراق المطلوبة للسفارة
بالإضافة لهالأوراق - الي من الممكن - تسآعدك في موضوع الضمان المالي > في حال صار فيه مشكلة

1- اي ورقة تم تسليمهآ لك اثناء إجتماع تدقيق الأوراق.. ويكون فيهآ اسمك ورقم الطلب والذي يبدأ بـ KAB او KAS
2- ادخل اسم المستخدم و كلمة المرور في موقع البرنآمج http://kas.mohe.gov.sa/kas5/ بعد ذلك قم بالضغط على خيار " طباعة الطلب " .. وخذ الورقة معك - إحتياطاً -
3- احتفظ برقم الإيميل الي يعطونك اياه وقت ماترآجع الوزارة .. لو سألوك قلهم هذا الرقم حق الـ " TABLE " تيبل "

مشكور شكلي بسوي نفس الي قلتلي ....

بس هل يداومون الخميس ؟! <<< تقولي بكرا ؟

ايضا سمعت انهم يداومون مسائي هل صحيح هالكلام ؟

معليش لا تزعل مني ياصاحب الموضوووع بس احس انك ضايع وضيعت خلق الله معاك مره تقول خويي قال مامشوه وشوي ارسلهم ومشوه وشوي قابلت واحد وقال ماينفع وشوي تقول سوو كذا وشوي تقول احد راح يقلنا اش سوا ....تصدق انك لحسة مخ

مرحبا ...
انا مقابلتي كانت امبارح والحمدلله كل شي تماام ويوم سالوني
عن الضمان المالي قلتلهم على حساب الوزاره ولانطقوا بحرف
والوضع سهالات ياجماعه ..
ربي يوفقكم جميعا ً

أنا أبي افهم شغلة، الحين الوزارة تقول خذوا مواعيد حتى لو ما استلمت القبول
يعني اروح للسفارة ما معي لا ضمان مالي ولا I-20 مو كنها صعبة شوي؟
يعني أنا موعدي 1-23 وإلى الآن ما جانبي القبول.

ايه اخوي .. تقدر تروح بدون قبول ولا ضمان ..

بعدين يآخذون الاوراق الباقية ..
واول مايجيك القبول ( الآي تويني ) .. ويجيك رقم الضمان المالي .. ترسله لهم مع الجواز .. على الفيديكس .. ويخلصون معاملتك بسرعة

اسهل من إنك تحجز بعد مايجيك القبول >> لأنه ببغالك كم شهر عشان تلقى موعد ..

يا اخواني بالله اللي يمكن يفيدني انا صيدلي من اليمن ومقيم بالسعودية وبفضل الله نسقت مع احدى الجامعات البريطانية ووعدوني بارسال القبول قريبا ( ماجستير صيدلة ) طبعا سادرس على حسابي الخاص .. اللي احب استفسر عنه التالي : 1 - هل يشترط وجود مبلغ في حسابي بالبنك كم هو وهل مبلغ 90 الف ريال سعودي تكفي ... 2 - هل استطيع التنسيق مع السفارة البريطانية في الرياض حتى ولو انا يمني ... ...3 - هل يمكنني التوفيق بين الدراسة والعمل حيث اني طلبت من الجامعة تسجيلي بنظام البارت تايم ,,, وهل توجد اعمال هناك بشكل موقت تفي بالمصاريف وتغطي في حالة عجزت عن اكمال الرسوم حيث والمبلغ الذي امتلكه كما قلت 90 الف ريال ....طبعا الماجستير حسب ما افادوني ممكن يكلف 50 الف جنيه استرليني الله يجزيكم الجنة

اهلا اخوي ...
والله مادري عن نظام السفارة البريطانية .. تقدر تكتب موضوع وتبين فيه مشكلتك
طبعا اذا على حسابك .. لآزم تجيب لهم شهادة بنكية وفيهآ رصيدك .. > بس مادري السفارة البريطانية كم تشرط من الرصيد ..
انا اقدر اجاوبك على السؤال الثاني .. الي هو هل تقدر تنسق مع السفارة البريطانية بالرياض .؟
طبعا تستطيع .. وأي مواطن من اي جنسية ويقيم في الرياض .. بإمكانه التنسيق مع اي سفارة يريد السفر إليهآ ..
وبالنسبة لتكاليف الماجستير .. طبعا على حسب الجامعة والتخصص