مأساة مقابلتي في الظهران امس 15-3

تنبيه: هذا الموضوع قديم. تم طرحه قبل 5449 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

الطرقي-1-
مبتعث مستجد Freshman Member

الولايات المتحدة الأمريكية
الطرقي-1- , ذكر. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى هندسة , بجامعة البترول
البترول

هندسة

ذكر
الظهرن, الشرقية

السعودية

Oct 2009
المزيدl
March 16th, 2010, 01:24 PM
March 16th, 2010, 01:24 PM

السلام عليكم

احبايي اعضاء منتدى مبتعث

انقل اليكم قصة مقابلتي البارحة للوناسة ..... حتى تطلع الفيزا

واي استفسار انا جاهز

قبل ما نبدأ لالالالالا تدققون في الاملاء و التعبير لانه رايح فيها
ثانيا الذيب و النكبة =ربعي

جهزت اموري من يوم الثلاثاء الماضي باقي فقط السيفيز ما دفعته لان يبيلك طابعة دورنا طابعة ما في الا الشركة وكل يوم بكرة الى ان جا الموعد يوم الاثنين رحت الدوام الصبح وحاولت ادفع لكن في مشكلة بالفيزا كلمت الذيب قال تعال عندي فيزا ثانية, 10 ونص انا عنده في مقهى الاسطورة في حي الدوحة جنب القنصلية جرب بالفيزا القديمة قال قفلت من كثرت ما حاولت و الذيب يحط الفيزا الثانية و نطبع الورقة واتوكل على الله جري

دخلت القنصلية الساعة 11 وخمس دقايق اربع بوابات و تفتيش دخلت القاعة عطوني رقم 61 وقاعد انتظر و اتفرج على الحظور تعرفون ما في شغل و يمكن نلقى واحد نعرفه

نادتني السودانية الي ترتب الاوراق النفس خايسة وين جوازك ,160 ,20,تاكيد الموعد ؟

قلت ما ادري هذي كل الاوراق الي عندي خذي الي تبين

قالت ورقة 160 مو موجودة دخل كل اوراقك واذا جا دورك عند الشباك بيعطونك موعد على بكرة او بعدة

قلتها انا موظف جاي من بعيد ياليت تسمحين اروح اطبعها من الدوحة واجي لانها موجوده على الايميل يعني نص ساعة

بعدها هدت على تقول متكلم عليهاا احنا كلنا موظفين وتعبانيين و...............و.......... وهذه اهم ورقة ...... ومكتوب في الموقع...... طبعا كل العالم درت اني اتهزء ......... انتظر تاخذ الموعد على بكرة او بعدة.........

سكت غصبا ما علي واقول شكرا

شوي تنادين السودانية من عند الشباك تقول خذ هذي الورقه الخضرا و روح جيب الورقة و تعال بسرعة الساعة وحدة نقفل رحت اركض و قبل ما اطلع من القنصلية ذكرت اني كاتب البار كود في ورقة صغيرة عندي

رجعت اركض اسألها ممكن ينفع ولكن مشت
وينها؟

سألت الهندي العسكري وينها قال تعال ندق عليها قلت بيض الله وجهك

يدق عليها ما ترد مرة... ثانية ..ثالثة.. قال مشت و الحل قال " أي دونت نو " وهز راسة

رحت لاطيب وحدة في الشبابيك وشكل عمرها 28 سنة من اصل هندي وتميلحت شوي وسألتها............. ...............قالت عطني الرقم والاسم ورقم البعثة واستريح قلت ابشري من عيوني قالت الله يخلي لك عيونك

انتظرت دقيقة,, 5,, ,,10,,ربع ساعة

تناديني قلت سمي قالت ابشرك طبعت الورقة وعطني اللحين باقي اوراقك عطيتها و بصمت قالت استرح بينادونك قلت ابشري و الا الساعة 12 ونص

ينادون على الارقام 30 و انا 61 اخر واحد!! رحت للهندي اساله عن ماكن للصلاة قال الخايس مافي مكان الا برى القنصلية قعدت قلت ان شاء الله اخلص و اروح اصلي

وبعد نص ساعة الرقم 40 زهقت لا جوال و لا شي رحت للهندي قلت له عطني فرشة ابي اصلي على الزرع قال "نت الاود" قلت ابطلع برا اصلي ثم اجي قال رح قلت من فوق خشمك

طلعت وصلت عند البوابة الاخيرة قالتلي سودانية لالالا تتأخر لان البوابة تقفل قلت ابشري من غير نفس رحت للعريقي "محطة بانزين قريبه " صليت الظهر ورجعت بسرعة

طبعا تفتيش مثل الاول يوم وصلت اتذكر اوراقي ما جبتها وارجع السيارة اجيب الاوراق و ايضا تفتيش دخلت جلست انتظر و الا توها جاية السودانية من بعد الغدا وتشوفني قاعد انتظر وانا كأني ما اشوف

شوي والا اسمع واحد ينادي بالميكرفون بأسمي الكامل شباك 4 رحت والا السودانية قالت ليش تنتظر قلت ما قصرت المزيونة طبعت لي الاوراق وضبطت اموري قالت اااااي

رجعت انتظر رقم 61 شباك 3 نقزت الى الامريكية عمرها في الاربعين قالت وين رايح ؟و ليش من وين تخرجت الجامعة؟ و ين تشتغل ؟ ؟ جاوبت

بعدين قالت رحت اليمن ؟ مع مين ؟ ليش ؟ وين رحت باليمن ؟ جاوبت
سالتني رحت سوريا بعد قلت نعم وش الدول الي مارحتها القريبه قلت عمان لانها مافيها براد ولا مطر و هذا الي انا ابحث عنة في اغلب رحلاتي قالت ديرتك حر مثل هنا" ديرتي كليفورنيا" تبسمت قلت اكيد افضل ما اتوقع في ديرة مثلنا قالت اتمنى لك سفرا سعيدا خذ الورقة وروح الى فديكس قلتلها ما اخذتي صورة شخصية قالت جيب وحدة تشكرت ورحت عند فديكس اعطيتهم عنوان ودفعت 65

طلعت على الساعة 2:10 دقايق اشوف الذيب داق على .......ادق علية وينك قال انا في استيك هاوس الحق النكبة عازمنا وعلى طول دزيت لمهم

وكان غدا انتقام

انصح
ترحون في المقابلةعند الامريكية ولا تروحون عند الامريكي لان نفسة خايسة
الي جاي بتكسي لازم ياخذ رقمة لان منطقة القنصلية ما فيها تكاسي
جيب معاك قصة او رواية تتسلى عليها
وسع صدرك واركب سدرك.........المقابلة جدا سهاله و لكن طويلة
على البركه اخوي
وعقبال الفيزا باذن الله
موفق
عــود
March 16th, 2010, 01:37 PM
7 "
ههههههههههههههههههههههههههههههه اما انت حايس عمرك حوس ,,,

مبروك خيووو ,,, وعقبال ماتوصلك بعد

مع احترامي لك
شفايف
March 16th, 2010, 01:59 PM
7 "
ههههههههههههههههههههههههههههههههههههههه

والله إنك تحفة
alhaime
March 16th, 2010, 02:12 PM
7 "
مبروك انا موعدي كمان في الظهران بس ابغى اسالك يدققوا مع المرافقين او لا

لانه كثير قالولي طلعيه كمرافق مو طالب عشان لايدققوا على معدله وضمانه

ياريت تنصحني

وعقبال فيزتك
maabat
March 16th, 2010, 02:33 PM
7 "
ههههههههههه

لا من جد مأسااااه ... السودانيه دي اكرها ولسانها متبري منها

اهم شي اخوي ان عدت امورك على خير

انا كمان كنت عند الهنديه شباك 4 بعدين الامريكيه شباك 3 الامريكيه هيا الي فيهم ومحترمه

الله يسهلنا يااااارب

بس محد جاوب على سؤالي

اماالسودانيه ازمه قالت لاخويا انت فيزا f2 لانك مرافق ومارضيت تخليه f1

وانا قلقانه مره لو اخد فيزا f2 كيف يقدر يخليها f1 ؟؟؟
Mandoleen
March 16th, 2010, 02:39 PM
7 "
يعطيك العافيه على التفصيييييييييل والحوسه الي مريت فيها طبيعي جدا الله يسهلها عليك وتبشرنا بالفيزا

هذا وانا موصيك بطولة البال ربك ستر ومشت الامور

بس وش لك بالسيكيورتي الهندي ؟؟

خلني اضحك شوي قاعد اتخيل شكلك هناك هههههههههههههههه وش لك بالطلااايب لكن مجبور

خويك الكبه ماقلت لنا قصته ليه سميته النكبه
مفهي
March 16th, 2010, 07:03 PM
7 "
هههههههههههههههههههههههههههههههه

لا يكون انت صاحب الدقن وحركات بالنطلون والقميص السماوي

والله قلت ان عندك واسطة لانهم نادونك والرقم على الشاشة 54
هههههههههههههههههههههههههههههههههههههههههههههه

قابلتك برا راجع تاكدت من قوة الواسطة طالع وراجع على راحته

وفعلا عند الباب الاول شفتك راجع الى السياره
هعهعهعهعهعهعهع

اثرك سويت حفلة في القنصلية

الله يوفقك ضحكتني وانا طفشاااااااااااااااااااااااان
bandartq
March 16th, 2010, 08:03 PM
7 "
ههههه

كنت اسمع الكلام اللي يدور بينكم ,, للأسف متشددة أكثر من اللزوم
بس الحمدلله , الله سهلها عليك

بالتوفيق
وعقبال الفيزا يارب
naser1
March 16th, 2010, 08:50 PM
7 "
هههههههههههههههههه
مت من الضحك والله
انا لاحظت انه صوتها عالي فعلا
بس لا الحمد لله كانت السودانيه راضيه علي انا و زوجي ههههههههههه شكله عاجبها كانها كانت تعاكس فيه
برجعلها اوريها شغلها ههههههههههه
على فكره انا كمان في 15 مارش مقابلتي بس الصبح الساعه 9
والساعه 10 و نص انا خارجه من القنصليه و الله يا انهم انواع الفله الصراحه وقمه في الاحترام اما الهديه قالتلك يخليلك عيونك ؟؟؟؟؟؟؟؟؟؟؟؟؟؟
مدري ايش قلها زوجي ردت عليه بالانجلش حسيتها ما تفهم عربي المهم حمد لله احنا تبصيمنا واوراقنا كانت عندها و المقابله عند الامريكيه بس شكلها قريب من الفلبين او زي اهل الاسكيمو بصراحه
و لله انها سهال حتى العجوز كان طيب بس يمكن انت عشان على اخر الدوام
......................................
الوحيد اتهور الهندي ابو ريحة باط <<< اسفه على الكلمه بس قهرني
الهندي اي عند البوابه الي يدخلنا القنصليه غبي و قهرني و ريحته فايحه يتفلسف عليه مصدق نفسه امريكي هههههههه
حتى الاكسنت حق في الباي باي يا عمي
ولا الحبشيه الي عند الباب و جع في شكلها ملسونه اوووووووووووف نست كانها محجبه استغفر الله ياربي لا تكون مسلمه و انا اغتبتها
بس و الله سهاااااااااااااااااااااااااله احسنوا الظن بالله
اذا في اي احد عنده سؤال يراسلني على الخاص عشان يوصلني المسج و انا ادخل هنا على مبتعث و ارد عليه
R.J
March 17th, 2010, 02:22 AM
7 "