August 2nd, 2010, 04:33 PM
السلام عليكم ورحمة الله وبركاته
صباحكم ورد
يوم الأحد 20 شعبان / الموافق 1 اوغست
رحلتي بالتفاصيل للسفارة الأمريكية بالرياض
بعد ماكانوا يخوفونا من السفارة .. أحس اني ماخفت إلا من شيئين بحياتي " النمنم - والسفارة الأمريكية " هههههههههههههههه
الساعة 7:50 وصلت السفارة
كان فيه طابور قبل الدخول للسفارة وطبعا بالشمس
بعدها شباكين واحد (لغير المهاجرين) والشباك الثاني (للمواطنين الأمريكان)
وصلنا للشباك عشان يتأكد من ورقة الموعد ومن كل الأوراق قبل الدخول
بعد 5 دقايق جا دورنا .. سألني عن وصل سامبا
و قلت له ماسددت رسوم التأشيرات << على بالي تتسدد بالسفارة وهذا الكلام جبته من المنتدى 
قال لا ممنوع ماتدخلون لازم تسددون رسوم التأشيرات قال لنا برى حي السفارات فيه بنك سامبا 
ورجعت انا وبابا لأن السيارة كانت بعيد بالمواقف أخذنا تاكسي ورحنا ندور أقرب بنك سامبا قال لنا مافي إلا هولندي
نزل بابا الصراف وسحب منه لأن البنوك ماراح تفتح قبل 9 ونص و توهقنا لأن موعدي الساعة 8
رجعنا للسفارة مره ثانية صارت الساعة 8:10 وقال لنا في مكتب سفريات ممكن يسدد لكم رسوم الفيزا
وصف لنا الطريق بساحة الكندي يعني نروح له مشي ورحنا نمشي بذا الشمس وصلنا مكتب وقال لنا بـ 580 لكل فيزا ومكتب ثاني قال لنا 600
وبعد 10 دقايق خلصنا ورجعنا مره ثالثة للسفارة والحمد لله دخلنا كانت الساعة 8:30
وانا شوي وابكي 
اقول لبابا خلاص الموعد راح علي وهو يقول اركدي ماصار شي عادي بيدخلونا أول مادخلنا تفتيش كأني بالمطار كل شي معك لازم يدخل بالجهاز وبعدها دخلنا للسفارة أخيرا على الساعة 8:35
أخذنا رقم وجلسنا ننتظر دورنا والساعة 9:50 وصل الدور ودخلنا غرفة انتظار ثانية يعني ترا قرّب دوركم استعدوا
وجانا واحد هو نفس الخشه اللي نشوفها بموقع السفارة هههههههههههه حتى بالاستديوهات اشوف خشته
قال طلعوا الجواز وصفحة التأكيد ووصل تسديد الفيزا بس
أول مايطلع رقمك وتروح للشباك تعطيهم الجواز وهاذي الورقتين
الساعة 10:05 جا رقمنا بشباك 5 للتدقيق و اعطيناها المطلوب
اللي سوته قصت الباركود في صفحة التأكيد ولصقته على الجواز ومررت الجواز على الجهاز
وطلعت كرت ختمت عليه 3 مرات ودبسته بالأوراق واخذت بصمات الأصابع على الجهاز
وبعدها قالت انتظروا المقابلة 
بابا يقول لي والبرنت وكشف الحساب ليه ماطلبوها ؟؟
عاد انا نفذت شروط السفارة بحذافيرها وجبت كل المطلوب .. مالت عليهم تعبت بابا على الفاضي
المهم انتظرنا بصالة الإنتظار ورجع ينادي الأرقام من جديد وجا دورنا بعد ساعة و 10 دقايق
خلاص طفيت وتعبت وجاني النوم ويوم وصل رقمنا عند شباك 11 الحمد لله مو 13 < متعقده من الأشقر
رحنا الساعة 11:20 للقنصله 
<< عشانها حرمه هههههههههههههههه طلبت مني الآي توني اعطيتها الأصل بس شافته ورجعته << الظاهر عشان تشوف موعد الدراسة متى !!
وطبعا خذت الجواز ووصل تسديد الفيزا
قالت لي خذي السماعة بسولف معك شوي ممكن ؟؟
قلت لها طيب طيب لا تصيحين ههههههههههههههههه
سألتني ليه رايحه أمريكا ؟؟ ... للدراسة
وش بتدرسين ؟؟ ... لغة
وبعد اللغة وش بتدرسين بكالريوس وإلا ماستر ؟؟ ... يمكن ماستر << مسويه اني مو مهتمه بالدراسة هناك واتغلى عليهم
على أي ولاية ؟؟ .. ويسكنسن
مين اللي بيدفع تكاليف الدراسة ؟؟ .. برنامج الملك عبد الله "ووريتها بطاقة الملتقى" << ضرورية لا تنسوها
مين بيرافقك ؟؟ .. بابا
كم بيجلس هناك ؟؟ كم عمره ؟؟
قالت فيزتك مقبولة وبتوصلك بعد اسبوعين
عطتني كرت فيه رقم اروح فيه لفيدكس عشان يرسلون لي الفيزا على أقرب فرع لنا بجده
بابا طلب جوازه لأنه بيسافر واعطته الجواز + ورقة صفرا وقالت له متى ماخلصت من سفرتك ارسله لنا وبعدها اذا خلصنا من الفيزا بنرسله لك
يوم خلصنا وخرجنا من السفارة قال ليتني مخلي الجواز عندهم يمكن مااسافر ههههههههههههههههه
اعطاني جوازه والورقة الصفرا .. وش رايكم أرسلها للسفارة ؟؟ أبوووك يالنذالة
والحمد لله عدت المقابلة على خير 
اذا عندكم أي استفسار .. انا بالخدمة !!
.. // نصيحة للجميع // ..
تسديد رسوم الفيزا لازم قبل الموعد تخلصونها
والحضور للسفارة بدري عشان ماتتأخرون
الله ييسر لكم كل اموركم و موفقين بإذن الله
: تحياتي للجميع :
¨°o.O( نـهـى )O.o°¨
LinkBack URL
About LinkBacks
August 2nd, 2010, 04:33 PM
وش بتدرسين ؟؟ ... لغة
وبعد اللغة وش بتدرسين بكالريوس وإلا ماستر ؟؟ ... يمكن ماستر << مسويه اني مو مهتمه بالدراسة هناك واتغلى عليهم
على أي ولاية ؟؟ .. ويسكنسن
مين اللي بيدفع تكاليف الدراسة ؟؟ .. برنامج الملك عبد الله "ووريتها بطاقة الملتقى" << ضرورية لا تنسوها
مين بيرافقك ؟؟ .. بابا
كم بيجلس هناك ؟؟ كم عمره ؟؟