تقرير عن ماحدث معي في السفارة الامريكية اليوم ( الاحد 11/1/16 ) بالتفصيل الممل

ألف مبرووك على الإنتهآء من هالمشوآر وعقبآل مآتآخذ شهآدة المآستر إن شآء الله ..
أخ إيآد أنا عندي سؤال عن الشهادة الثآنوية لازم تكون معاي ضمن الأوراق؟؟(انا بكالوريوس طبعا) ..
لأن أصل الشهادة عند الوزارة .. وماعندي صورة لهآ ..وما العمل اذا كآنت مطلوبة ؟

الله يوفقك يا اخوي ويوفقنا
وحبيت اسال عن كشف الحساب لازم يكون بالانجليزي وانا طلب من المكتب اللي يصلح اوراقي اجيب خبره لان لي اكثر من سنه عاطل وقالوا عادي تجيبها من اي مؤسسه انك كنت شغال عندهم هل لازم يكون مصدق من الغرفه التجاريه

انا اخذت الـ i-20 الاصلي و ترا مارحت بقبول الجامعه اصلا لانه ماوصلني لكن لما اعطيتها اوراق تخرجي من جامعه ابو عزة بجدة ما اعطيتها الشهادة و كشف الدرجات .. الا اعطيتها بعد التوصيات الي سويتها من دكاترة التسويق

الاوراق المطلوبة :
1 - جواز السفر : حتي لو كان عندك 2 او 3 جيبهم معاك ، و اذا انت موسوس مثلي نط للجوازات و خذ منهم برنت بالسفريات كلها ، و الاهم من هذا كله الجواز الاصلي الجديد ( اخر واحد ) لانه بياخذوه و بيطبعوا عليه الفيزة و يردة لك .

2 - صفحة طلب التأشيرة او اسمها صفحة DS - 160 و يكون رمز الباركود واضح فيها و صورتك بعد واضحة

3- وصل السداد تبع سامبا ( الي سددت فيه مبلغ 532 ريال )

4 - صور شخصية : وهذه نوعين
أ - للرجال : لابد تكون الصور مكشوفة الراس ووجهك مقابل للكاميرا .. يعني بالعربي بدون شماغ الله لا يهينك و سواء لبست جنز ولا ثوب ولا حتي بجامة SUPERMAN ماتفرق .
ب - للسيدات : يضهر الوجه بالكامل ( الجبهه - الحنك - الخدين ) و الباقي مو مشكلة حتي لو تبي تلبس الحجاب اهم شي هل مناطق تكون باينة وواضحة .

5 - اسمتارة الـ I-20 من المدرسة/المعهد : و انا لاحظت انه مكتوب في مجموعة اوراق اعطاني هي المكتب و مطبوعة من موقع السفارة العبارة التالية ( يكتب على الاصل الاسم و التوقيع و التاريخ و يرفق مع الطالب ) و السطر الي تحته ( نسخة من I-20 مع جميع الصفحات للطالب و المافقين ) يعني بالعامية ، جيب الورق كامل و الاصلية .

6 - وصل رسوم السيفيك : وهذه دفعها لي المكتب عن طريق الفيزة تبعهم ، و تكون صفحة وحده مكتوب براسها SIVIS

7 - شهادة الدرجات الرسمية : وهذه يا الحبيب سلمك الله ، مثلا احنا طلاب جامعه ابو عزة ، شهاداتنا تكون نصها بالعربي و نصها بالانجليزي ، فهذه مقبولة و عادي تمشي امورها ، مدري عن طلاب الجامعات الاخرى ولا الثنويات وش وضعهم .

.......................

ولا تنسى تجيب مجموعة الاوراق الي تطبعها من الموقع في اول صفحة مكتوب ( صفحة بياناتي ) لان فيها موعد المقابلة و التاريخ و الساعة لانهم بيطلبوك هي عند البوابة .


اهم شي لا تترك مجال للحظ او غيره لانه انت لما تروح و اوراقك كاملة بتسكتهم و تجبرهم يعطوك الفيزة ، غير كذا بتقول لك فيزتك مرفوضة او روح جيب الاوراق و ارسلها لنا عن طريق فيدكس .. و انواع الخسائر .
راجع اوراقك قبل ما تطلع من بيتك و قبل لا تدخل السفارة ، و راجعها مره و 2 و 10 علشان لا تنسى شي

و الله يوفقك

نعم اذكر لها البلدان الي زرتها في السنوات الاخيرة ، قول البلد ولا تهتم بالمشاكل بين امريكا و البلد هذه .. انت طالب فيزة مو رايح تجاهد فيها ، وخذ جوازاتك القديمة معك و اذا ماهي فيه روح للجوازات و خذ منهم برنت بالسفريات الي بجوازاك او جوازاتك القديمة و اضن لازم تترجمه لانه بالعربي بيكون .. بس


مو لازم يكون عندك اشتراك بفيدكس .. فالموضوع اسهل مما تتوقع ، هم بياخذوا الجواز علشان لما يقرروا يطبعوا الفيزة عليه ما يجلسوا يتعبوا وهم يراسلوك و يقولوا لك يرحم امك جيب جوازك نطبع عليه الفيزة .. هذه الفكرة فقط
و انا بعد ما اعرف للفيدكس ولا غيره و بتعامل مع ارامكس فقط ..

نصيحتي لك و لكل الاخوان .. خذ الـ 125 تفاريق يعني لا تاخذ 150 او 130 لانه والله ثم والله لا يخليك تنتضر احيان بالنص ساعة او الساعة علشان مافي صرف .. وتراه مابيخرج و يجيب لك صرف .. فمن البداية لا تغلط و تجيب معاك فلوس ( مقفولة ) خذها صرف يعني ( 100 و 20 ريال و 5 ريال ) . و لما تعبي الابليكيشن عبية ببياناتك الصحيحة .


الله يبارك فيك و عقبالك في القريب العاجل بإذن الله ولا تنساني من دعواتك يا استاضي

الفليبيني اضن انه كان يسبني كم سبة كذا بالفلبيني لانه نفسة شينة ، ولما جيته اصلا طنشتة و رحت للفلبيني الي بعده قام قال لي " انت مو شايفني ولا انا مو عاجبك " بالانجليزي طبعا و رما لي كم سبة بالفليبيني طبعا انا بلعت العافية لاني مقدر افتح فمي عليه و بصراحة مافيا تصير مشكلة كبيرة لانه الامن فلبنيين و خويانة و مابي اضر فيزتي ..
على العموم .. عبي اسمك و كل بياناتك بالانجليزي ولا هو بيقول لك وش الفراغات الي تملاها و يقول لك اقرب فرع لك بعد ، انا قلت له اقرب فرع لي ( الخالدية ) لاني ساكن بشمال جدة و بيني و بين هل فرع 10 دقائق بالسيارة*

اووه والله زين من 9 ل12

انا من 8 لين 12 ونص

عموما الله يوفقك وان شاء الله ترفع راس اهلك وبلدك

اذا انت مخلص ثانوية و دخلت جامعه و تخرجت منها .. لا لاتجيب الثانوية ابدا فقط بيكتفوا انهم يسألوك عنها ووين درس و متى تخرجت ( احفظ التواريخ ) انا قلت لها التواريخ باليوم و الشهر و السنة .. قالت لي " وااااو انت فاكر" قمت اكبر عليها في قلبي << خايف يصير دلخ ههههه

اما اذا انت طالب ثانوية و رايح تدرس بكلريوس مدري والله وش الطلبات ووش الاجراءات .. مابي افتي عليك

ايه اكيد لازم يكون بالانجليزي لان كل الموظفين مابيتكلموا عربي الا فصحى و مكسر بعد .. فخلص عمرك و خليه بالانجليزي .. اما عن جهت العمل ، يارجال روح شوف احد اقاربك ولا اصحابك و خذ منه ورقة و صدقها و انتهى الموضوع .. و على فكرة التصديق مو مطلوب في بعض الاوراق مثل تعريف الراتب للشخص الي بيتحمل مصاريفك ، لكن انت صدقها علشان تفتك ولا يقولوا لك صدقها و ارسلها لنا بالبريد .

فرقت على ساعة ! بس الضاهر انك حبيتي السفارة و صرتي تخرجي بهدوء هههه
شكرا لك يا سيدتي على الدعوة ، و ان شاء الله لكن مثلها

مشكور اخوي عالموضوع وربي يوفقك ويسهل أمورك

وأحب ان اوضح لمن سيدرس بكالوريوس بأنه لابد من ترجمة شهادة الثانوية العامة في إحدى المكاتب المعتمدة للترجمة وتصديقها

موفقين

^^^^^

شكرا لك بس هل تقصد انه اي مكتب ترجمة مثل محلات الترجمه المعتمده الي بحي الجامعه بجدة او مكاتب محددة من قبل السفارة ؟

انا عندي في ترجمه الشهادة تبع تعريف الراتب رحت لمكتب في حي الجامعه و بعدها رحت للغرفة التجارية و صدقتها و رحت لوزارة الخارجية وكنت ابي اصدقها بس قالوا انه صاحب الورقة لازم يحضر

يعطيك الف عافية اخوي إياد,
تمنياتي للجميع بالتوفيق