تقرير هذا ما حصل معي بقنصلية الظهران - 20/9/2011

السلام عليكم ورحمة الله وبركاته


بعد المعاناه والقلق بسبب تأخر الاي توني اللي وصلني قبل الموعد بيومين , اجريت المقابله امس بقنصلية الظهران ولله الحمد عدت بسلام

بذكر اهم التفاصيل اللي صارت :

في البدايه صفيت بالطابور وكان قدامي اربع او خمس , تقريبا انتظرت بالطابور عشر دقايق او اقل
بعدها اشارت لي الموظفه من الشباك وجيت عندها واخذت الجواز ودخلت غرفة التفتيش
التفتيش عادي جدا قالولي طلع كل شي بجيبك وحطه بالكيس طلعت مفتاحي ومحفظتي ونزلت حزامي وحطيتهم بالكيس
وبعدها طلعت وتوجهت الى صالة الانتظار واخذت رقم .

جلست تقريبا ربع ساعه ونادت على موظفه ثانيه طلبت مني الجواز والاي توني وايصال سامبا
لفتهم مع بعض وربطتهم بسير مطاط وطلبت الكونفرميشن حق فورم DS-160 اشرت على الباركود بالجهاز ثم رجعته لي
ثم قالتلي اجلس واستنى رقمك عالشاشه وعب هالاستبيان .

انتظرت شوي والا رقمي طلع عالشاشه رحت للشباك سلمت الجواز والايتوني ووصل سامبا
واخذ بصماتي ثم قالي رحت امريكا قبل كذا .. جاوبت لا قال اوكي استنى الحين لما ينادون اسمك .

هنا عاد انلطعت شوي تقريبا ساعه وقلت استغل هالوقت اعبي فيه الاستبيان
اللي كان عباره عن اسئله عاديه عن الدراسه بالخارج وعبيته بروقان لانهم مطولين على ما ينادون اسمي
بعد كذا استنيت الين ما نادو اسمي جيت للشباك اخذوا بصمة اصبع السبابه لليدين وبلش يسألني :

رحت لامريكا قبل كذا ؟ لا

الى اي ولايه انت ذاهب ؟ ما اسم الجامعه ؟ جاوبت

قالي ايه سنه تخرجت من الثانويه ؟ جاوبت عام 2005

قال : هل درست في جامعه ؟

جاوبت : درست دبلوم بمعهد نيوهورايزن لمدة ست اشهر
وبعدها تكيت سنه كامله وبعدها درست في كلية الجبيل الصناعيه وتخرجت منها قبل اشهر

قالي هل تخرجت ؟ قلت نعم

هل تحمل معك شهادة التخرج ؟ نعم واعطيته الشهاده شيك عليها ورجعها لي

من سيتكفل بمصاريف دراستك ؟ جاوبت الوالد

طلب مني الشهاده البنكيه وكشف الحساب شيكهم ورجعهم

بعدها سأل وين سافرت خلال الخمس سنوات الاخيره ؟ جاوبت

هل رحت للدول التاليه سوريا , ايران , العراق .......... الخ ؟ لا

انتظرت شوي الا قالي فيزتك مقبوله وبتوصلك عن قريب روح سدد فيدكس


الطريف بالمقابله ان اللي قابلني واحد نيتف اميركان وكان يتكلم عربي وانا قلتله من اول سؤال اني اتكلم انقلش مافي مشاكل
سفطني وظل يسأل بالعربي وانا اجاوب بالانقلش خخخخخخخ



اخيرا .. احب اطمن كل اللي مواعيدهم قريبه ان الوضع ايزي جدا
بس جهزوا اوراقكم وتأكدوا منها وخلوكم هادين وواثقين وقت المقابله .




بالتوفيق للجميع ,