السفارة الأمريكية.. اذا كان المرافق عمره أقل من 18 سنة

طيب أختي حتى لوكان عمرها 17 وكيف الوضع مع الوزارة

بالنسبة للتقديم هل لابد أني اقدم معاها في السفارة او يكفي يروح محرمها ويعطيهم اثبات زواجنا
ارجوا التوضيح .

انا على فكرة ماعندي فيزا عندي جواز أمريكي ومابعد أتزوج

تحياتي

عندك جواز امريكي .. ما ينفع تقدملها فيزة F2

انا زوجي عنده جواز امريكي وتعبت مع السفارة والوزارة من جد تمرمطت بس الحمدلله ربك فرجها

<------- (ما صارت مشرفة الا من بعد المرمطة والخبرة )
... اخر شي جيت بفيزا F1 ولمن جيت هنا امريكا قالولي كيف زوجك عنده جواز وتجي F1 ما يدوكي اصلا !!!! قلتلهم ماادري اسالوا سفارتكم.. هذا مو شغلي .. ودحين طلعتلي قرين كارد وريحت راسي...

وتجربتي هذي دايما بقولها للناس اللي معاهم جوازات امريكية وبيسألوا عن المرافقين ... عشان الناس الجدد الي ما عندهم خلفية يستفيدوا!!


** اذا زوجتك ما تبغى تدرس
ممكن تجيبها بفيزة سياحة ولها حق انها تجلس 3 شهور او 6 شهور متواصلة (ماني متأكدة اي بالزبط ) وبعدها لازم تطلع برى امريكا وممكن ترجع اليوم اللي بعده عادي طالما ان فيزتها سارية المدة..

أو

ممكن تقدملها قرين كارد من السعودية واجراءاتها اسهل بكثير من امريكا ... بس مااعرف كيف مع الوزارة لان الوزارة قالتلي ما نديكي بعثة اذا جاية بفيزة هجرة ... ولمن جيت امريكا وسألت الملحقية قالولي نحنا ما نهتم بأي فيزة انتي جاية F1 او قرين كارد ما تفرق معانا !! وخد من الكلام اللي ما تدري تاخد من مين والا من مين!!



**اذا تبغى تدرس

ممكن تسوي زيي F1 وبعدها تطلعلها قرين كارد اذا تبغو..

أو

تباشر باجراءات القرين كارد من السفارة الامريكية بالسعودية


اانا دحين الحمدلله عندي بعثة وعندي قرين كارد ... وكله بفضل ربنا ..

ألف شكر لك .. فعلا أحس أنك أنقذتيني ووفرتي علي وقت كثير لأني سبق أني عانيت حتى أطلع الجواز الأمريكي ... قصة طويلة ماودي أفتح بابها

على العموم زرجتي راح تدرس لغة فقط.. لكن ممكن توضحي لي كيف أطلع لها F1 وهي مرافقة مش المفروض أطلع لها F2 وبالنسبة للقرين كارد هل أقدر أقدم عليه عند السفارة الأمريكية؟؟

والسفارة هل يسمحون أني أطلع لها F1 اذا عرفوا انها متزوجه أمريكي؟؟؟

أرجوا أنك تتحمليني وتذكرين لي الخطوات من الصفر

وكيف الأوضاع مع الوزارة

تحياتي لك

زوجتك بس ناوية تدرس لغة بدون جامعة؟!!!!

يعني فيزة الطالب حتأهلها انها تجلس قانونية بالبلد لين ما تخلص اللغة وبعدها لازم ترجع السعودية اول ما ينتهي الاي توني حقها والا تواجدها حيصير غير قانوني وفيها مشاكل هادي!!!

قولي كم ناوي تجلس في البلد؟!!! سنة سنتن؟؟ والا اربع واكتر؟؟!

------------------------------------------------------------------------------------------------

بالنسبة للــ F2 ما تطلع الا اذا كان اللي معاها حامل فيزة F1 ... وانتا ما تقدر تطلع F1 بحكم انك مواطن .. فمستحيل تطلعلها F2 !!! هذا قانون البلد

-----------------------------------------------------------------------------------------------

انا لمن عبيت الابلكيشن كتبت انه زوجي امريكي وطلعلولي فيزة الطالب عادي .. بس لمن جيت هنا وقدمت على القرين كارد .. المحامية قالتلي كيف اعطوكي فيزة طالب !!! المفروض ما يعطوكي لانك متزوجة امريكي !!!! يعني المفروض تقدمي على فيزة هجرة او قرين كارد غير كدا ما يعطوا!!! وكما أشرت سابقا انه انا اعطوني والظاهر انه فيه شخص ثاني نفس الحالة برضوا اعطوا زوجته فيزة F1

-----------------------------------------------------------------------------------------------

القرين كارد يمديك تطلعها من السفارة الامريكية واجراءاتها زي ما قالتلي المحامية اسهل من امريكا ... لانو انتا عارف ما عندنا في السعودية تجي بنت تدفع لولد فلوس عشان يوهموا الحكومة انهم متزوجين ويطلعلها قرين كارد بينما تحصل كتير في امريكا !! هذا برضو كلام المحامية اللي ماسكة قضيتي هنا في امريكا والله اعلم

----------------------------------------------------------------------------------------------
الوزارة ماادري كيف بس نحنا في حالتنا واحد من الوزارة قال انه ما يديني بعثة الا اذا معاية فيزة F1 او F2 .. والملحقية زي ما قلتلك قالوا ما يهمنا باي فيزة انتي جاية طالما انك قانونية في امريكا!!!

** قابلنا واحد سعودي مطلع القرين كارد من السفارة الامريكية بالسعودية وكان جاي على امريكا !! واللي فهمته من كلامه انه استخراجها كان عادي .. يعني ما تعبوا كتير فيها

----------------------------------------------------------


** اخيرا اخي انا مااجبرك انك تاخد كلامي انا بعطيك تجاربي واللي صارلي وانتا اعمل اللي تبغاه


بالتوفيق

شكرا جدا لتعاونك

من خلال تجولي الانترنت اتضح ان القرين كارد تاخذ وقت طويل من 6 شهور الى سنة فالحل ان زوجتي تطلب بفيزا طالبة F1 لكن السؤال هنا ان لابد يكون معاها محرم؟؟؟

كيف اخذتي فيزا طالب بدون محرم؟؟

بالنسبة لي انا ناوي اظل من سنتين الى سنتين ونص.

تحياتي

انتا محرمها!!! عادي زوجها مبتعث وهي مبتعثة!!!!

انا زوجي مبتعث وانا مبتعثة حاليا... بس الحل هنا اذا زوجتك ما عندها بعثة ... اذا انتا بامريكا تكلم الملحقية الثقافية بواشنطن تاخد ورقة ضمان مالي انه هما اللي بيتكفلوا بدراستها وتعبي ابلكيشنز تلقاه في الموقع عشان يدرسوها اللغة ( لانه اذا حتطلعلها F1 لازم تدرس فل تايم والا تعتبر مخالفة للقوانين وبتتعرض للعقوبة)..

وبعدين من السعودية تعدي عالوزارة وتديهم الضمان والاوراق اللي يحتاجوها وحيرسلوا اسمها للسفارة وبعدها تروح السفارة وتديهم الضمان ....عشان يصدرولها الفيزا

طيب هل فيه حل ثاني؟؟؟

انا عندي حلين

الحل الاول: انا افكر الان اني اقدم لزوجتي القرين كارد واقدم لها بعد فيزا سياحية واذا طلع القرين كارد اقدمه للوزارة واجرب حظي فهل الطريقه هاذي تنفع او لا؟؟

الحل الثاني: اني اطلع لزوجتي ضمان مالي من البنك من حسابي وتقدم فيه على السفارة واذا رحت الملحقية بواشنطن احول البعثة بضمان مالي الوزارة لكن السؤال هل راح يعترضون اذا كان عمرها اقل من 18؟؟؟

ماأدري هل الحلين ينفعون او لا؟؟؟

واعذريني اذا كثرت كلام

ألف شكر لتعاونك

تحياتي

يعني قصدك تقدملها فيزة سياحة وبعدين من امريكا تقدملها قرين كارد؟!!!! اممممم ماادري كيف الاجراءات بالزبط من فيزة سياحة الى قرين كارد ... اذا انتو اقارب .. حتحتاجوا لمحامي/ة شاطر عشان يمسك قضيتكم حق اميقراشن ... لانو ممنوع زواج الاقارب في كتير من الولايات ....

تقدم على فيزتين من السعودية في وقت واحد .. ماينفع !!!
لكن تجي بفيزا وحدة امريكا وبعدها تقدم على قرين كارد ينفع !!


فيه نوع من انواع الفيزا بيقدموا عليها الناس المواطنين اللي أهاليهم عايشين برى .. بس الوضع برضو ممكن يطول وياخد فترة !!! والظاهر اسمها i-130 والظاهر انها انها للناس اللي بيستقروا في امريكا لكن مو متأكدة..


** اذا قررت تقدم على قرين كارد قولي .. عشان اقولك ايش اللي لازم تعملوها بحيث انها تفضل قانونية وما تتعرض للطرد

*** انا اقترح عليك تروح السفارة ايا كانت جدة/ الرياض/ الشرقية وتدخل بجوازك وتتكلم مع اي احد مسؤول وايش افضل فيزة تقدمها لزوجتك خصوصا انكم ناويين تجلسوا بس سنتين لا اكثر!!... حتى لو كانت السفارة مرة زحمة بما انك حامل الجواز الامريكي لك الاولوية في الدخول بدل الانتظار سرى مع الناس ...


بالنسبة لعمر زوجتك .. الملحقية ما حيقولولك شي دام انك جايب الاوراق القانونية اللي تثبت انكم مرتبطين .. وافضل انك تسأل قسم خدمات الطلاب المبتعثين لانهم ادرى بالاوراق المطلوبة.. اذا ممكن انتا تسافر امريكا وبعدها زوجتك تلحقك .. بس لازم يكون لها احد من اهلها يروح الوزارة ويسلم الاوراق اللي بترسلها لها وبكدا يصير تقدم عالسفارة بضمان الملحقية .. او ممكن تسوي طريقك برضو سليمة..

*** حط في بالك الملحقية حيصرفوا عليها مصاريف دراسة اللغة .. هذا من الملحقية مو من الوزارة وهذا يعني انه ما عندها بعثة وزوجتك بتتعامل معاملة المرافقة من قبل الوزارة يعني حينزلها راتب مرافق وليس راتب مبتعث.. ولمن تخلص اللغة وتبغى تكمل دراستها .. تقدملها طلب الحاق بالبعثة من قبل 4 شهور او على كيفك عن طريق الملحقية والملحقية حترسل اسمها للوزارة عشان يضموها للبعثة .. وبعدها حتصير مبتعثة وحينزلها راتب مبتعث زيها زيك