مخاوف وصعوبات السفاره الأمريكيه

شباب

وش سالفة الأوراق الملونة؟؟ واحد يقول ورقة حمرا وواحد بيضا والثاني خضرا!!!


موعدي الأحد بعد يومين ودقيتوا بدني بالألوان هذي!!!!!!

حبايبي ان عندي استفسار.. بأشغلكم معي لو سمحتولي...
عندي جوازين قبل اللي معاي .لازم اجيبها لاني اتوقع اني مااحصلها واذاماقدرت لازم اجيب برنت من الجوازات..ولو رحت بجوازي الحالي يمشي الحال مع انه جديد ماكمل سنه ولا فيه الا سفره واحده..القاهره..
*واذابغيت اسوي موعد الافضل ,الرياض والا الظهران,,علما باني ساكن الشرقيه..اقصد الاسهل في الاجراات الظهران او الرياض...
*اسمع الشباب يقولون كشف حساب اخر 6شهور.طيب انا عندي شهاده بنكيه بمبلغ كبير والا اجيب كشف حساب....
اسف للاطاله....

اخووااني انا سبق وحطيت الموضوع ومالقيت اجوبه الا شووية فحبيته احطه عند الاختصاص
اخوااني انا يوم ميلادي مكتوب في شهادة التخرج ناقص يوم واحد عن الي موجود بالجوااز هل راح يأثر في شي في السفارة
وش الحلول اخوواني...
امنى منكم الافادة

اهم شيء ما يعطوك السفاره ورقه بيضاء لان معناها رفض الفيزا . والاوراق الملونه كما سميتها
معناها كمثال الورقه: الزرقاء يعني باقي اجراءات لاوراقك يعني اوراقك ليست مكتمله

والورقه الخضراء يعني قبلت الفيزه
واتمنى لك التوفيق في موعدك وتبشرنا انك اخذت الورقه الخضراء

جااوبوووني تكفووون

اخي الكريم : حاول انك تلاقي جوازاتك وتجيبهم معاك في حال تعذر ذلك جيب برنت من الجوازات
واذا سالوك قول لهم انك ما لقيتهم بالبيت يعني قول الصراحه لكن لاتقول انسرقوا ابدا

اما عن الموعد فكله واحد لان الاجراءات وحده في المكانين . الرياض يتميز ان مواعيدهم قريبه
اما كشف الحساب فما هو معناه ان عندك رصيد هم يهمهم انه يكون فيه حركه لانه يعتبر عنوان اضافي لك يعني المقصود كشف الحساب .

ولا اعتقد انهم راح يطلبوه منك لكن للاحتياط جيبه معاك

ولذكرى هذا الموضوع المميز من الاخت تيقن جعله الله في ميزان حسناتها ووفقها نحاول ان نقول ما نعرفه ولايبخل الاخوان الاخرين في المشاركه

بالتوفيق

الاخ سمار

السفاره يهمها مطابقة كل شيء مع جواز السفر اجعل بياناتك للسفاره مطابق لجواز السفر
يعني حط اللي بجواز السفر لو كان عندك مجال انك تعدل اللي بشهادة التخرج وتريح بالك اوكيه

بس لو الوقت ما يسعفك فحط بياناتك على ما في الجواز وتوكل على الله

wind soul

اقتباس:
المشاركة الأصلية كتبت بواسطة 7keem
شباب

وش سالفة الأوراق الملونة؟؟ واحد يقول ورقة حمرا وواحد بيضا والثاني خضرا!!!


موعدي الأحد بعد يومين ودقيتوا بدني بالألوان هذي!!!!!!

اهم شيء ما يعطوك السفاره ورقه بيضاء لان معناها رفض الفيزا . والاوراق الملونه كما سميتها
معناها كمثال الورقه: الزرقاء يعني باقي اجراءات لاوراقك يعني اوراقك ليست مكتمله

والورقه الخضراء يعني قبلت الفيزه
واتمنى لك التوفيق في موعدك وتبشرنا انك اخذت الورقه الخضراء


بيض الله وجهك .. وإن شاء الله الخبر يجي بكرى ... وعلى فكرة .. أنا ألحين في المطار أنتظر طيارة الدمام-الرياض وعلى أعصابي

,وبيض الله وجهك واتمنى لك كل التوفيق
تروح وترجع بالسلامه

بالتوفيق للجميع