صديقتكم انتهت من التدقيق اليوم ولله الحمد >> تجربتي في التدقيق

September 2nd, 2012, 08:45 PM

اليوم ولله الحمد انتهيت من التدقيق الساعه 7 وكان ارتباكي كله ع الفاضي لان الوضع مرررررررررره بسيط ...

الاوراق اللي جبتها معي ( * استمارت الطلب * الهويه الوطنيه * موافقة ولي الامر * دفتر العايله * وثيقه التخرج بالعربي والانجلش * السجل الاكاديمي بالعربي والنجلش * جوازي * جواز المحرم * جواز بنتي >> مرافق * استمارت طلب الالتحاق بالجامعه الاجنبيه ) >> كلها لازم الاصل والصوره

في البدايه وصلت للفندق قبل الموعد بربع ساعه بعدين دخلت لقيت فيه اسماء ع الباب فدورت اسمي ولقيته واخذت الرقم اللي جمب اسمي وكان رقمه 177

بعد كذا مريت بثلاث مراحل :
1- رحت للاستقبال وسألوا عن اسمي وعطيتهم رقم اسمي ( 177 ) وحطت بجانب اسمي علامة صح ،، بعدين عطتني ملف اعبي فيه بياناتي من الامام والخلف واحط جوا الملف كل الاوراق المطلوبه ( الصور فقط ) ..

2- اتجهت للاستقبال الثاني واستنيت دوري ( كان زحمه ) وبعد ماجاء دوري اخذت الموظفه الملف وطلعت كل ورقه ( صوره ) وطلبت مني اطلع لها الاصل ،، ويعد ماخلصت كل اوراقي حطت على ملفي ورقه صغيره مثل الموجود على العصيرات او الالبان او المانديل ( رقم الكود ) >> عباره عن مربع فيه خطوط سوداء وتحتها رقم الطلب ...

3- اتجهت للاستقبال الاخير وهو التدقيق الاساسي ،، اخذت ملفي وطلبت مني استخرج لها الاصول ،، وكانت تدقق على كل شي ( معدلي - جوازاتي ساري المفعول او لا - الوثيقه مكتوب متخرج او لا - تختم على كل اوراقي >> الصور ) ومن هالقبيل ،، بعد كذا طبعت ورقه وختمتها وقالت لي : جيبيها في الملتقى بعد الترشيح النهائي >> لكن مايعني اني ترشحت وانتهيت ..


وبكذا انتهت الرحله بسلام ...

وعلى فكره سألت الموظفه عن صك الوكاله ( تختلف عن صك الولايه ) قالت : اذا كان ولي الامر مو المحرم لك بالبعثه ،، يطلع لك ولي الامر صك الوكاله لمحرمك من المحكمه بأي وقت بس قبل ماتركبين الطياره وتسافرين ..

وبالنسبه للتوصيات ماسألوا عنها نهائيا ،، ولا طلبوا ابدا ختم طبق الاصل ،،

لكن الوثيقه والسجل الاكاديمي لازم لازم لازم عربي وانجلش ،، لان فيه بنات ماجابوا انجلش او عربي فطلبوا منهم وقالوا انه شي ضروري ...

اتمنى للجميع التوفيق ............

• نشر عبر تويتر
• نشر عبر فيسبوك
• نشر عبر جوجل