[فجأه ! صيفــي و دراستي بلنــدن! ]

السلام عليكم ورحمة الله وبركاته

"يا جماعه إللى ما بيرد السلام بطنشه ترا " <-- تكفى يا شيخ خخخخخ

المهم يا جماعه انا بطرح لكم تجربتي السنه إللى فاتت في لندن ..
رحت هناك ودرست بالمعهد شهرين .. طبعا كانت تجربه مميزه وممتعه وشيقه
وفيها اكشنات على شوية دراما <-- بس يا لوست !
وحاب انى اسرد لكم بعض المواقف مع قليل من النصائح باليمون <-- تأثير فتافيت مع الوالده !
وان شاء الله انكم تستفيدو يا مبعثين المرحله الخامسه إللى بنسافر بعد كمن شهر بس ..
لأنى فعلا غلطت اغلاط .. وكانت فادحه للغايه !! =| ..


"تصويري الشخصي للندن آي"

المهم يا جماعه في يومن من الايام .. كنت منبطح في غرفتي ومخليها ونسه وماسنجر وحياة اي شاب سعودي كويس
ولا امى داخله عليا وتقولى يالله بعد شهر انت رايح بيريطانيا <-- مع لكنة امى الجميله !
طيب كيف ليش مين ؟؟ قلت بس ظبط وضعك !!
المهم ومرت الايام .. وفعلا خلصت الجامعه وبدأت امور الاجراءات .. رحت قصيت التذكره من مكتب بي ام آي
لانه ارخص وربي الخطوط الله يصلحهم التذكره مغط لين خلاص !! " طبعا اخترت Bmi " لانها شركه بريطانيه .. ومافي رحلات دايريكت على لندن إلا من الخطوط السعوديه و بي آم آي .. او انى اطلع ترانزيت .. فكانت مناسبه من السعر بالنسبة ليا ارخص حتى من الترانزيت ! صادفت ناس كتير من كندا طالعين ترانزيت على هاذي الشركه
واغلبهم مبتعثين والسبب انهم يروحو بالشركه دي لانها ارخص وتعرفو الوزاره ما توفر إلا تذكره بالسنه فأحيانا ناس تظطر ترجع البلد مرتين او ثلاثه فيدفعو حق التذاكر ويركبو ترانزيت على لندن ...
طبعا الفيزا البريطانيه
مرره كنت شايل همها لكن طلعت من جنبها بسيطه وما تأخد وقت ..
اتذكر عبيت الابلكيشن إللى فعلا يحتاج صبر ! .. واخذت اوراق قبول المعهد عن طريق واحد هناك زبطني وارسل القبول فاكس .. وعشان انا طالع على حسابي فلازم كشف حساب حق ثلاثة اشهر والتذكره وموعد الرحله ورحت للمكتب حق التأشيرات
والله وانا داخل المكتب تفتيش وامة هناك وزحمه ولا قالتى بنت تشتغل هناك انت لوحدك قلت يس <-- متهيئ من بدري
قالت روح صالة الرجال ما فيها احد خخخ !! "العبره هنا يا جماعه ركزو فين صالة العوائل وصالة الرجال لا تتحمسو "
والله اروح عند واحد اعطاني رقم وقعدت استنى وجا دوري عبيت الاوراق ودفعت الفلوس ورحت صوروني واخذو بصماتي .. وتوكلت على الله وكان انذاك يوم الربوع يوم السبت ولا تأشيرتي وصلت ولله الحمد ورحت استلمتها الحمدلله .. وبس قعدت ازبط اموري وحياتي ورحت قضيييت ادويه واندومي وتونه <--!
وجا يوم رحلتى وكان موعد الحضور الساعه 11 .. والإقلاع 1:30 الليل .. والله مسوي ذيب
وادق على خويي يلااا ازقلني المطار وجاني الساعه 8 وودعت امى واهلى وانطلقت .. وكان يومها يوم خميس
وامة محمد ما حبكت يخرجو إلا يوم سفري !! وزحممممه ليين خلاص .. ووصلت المطار على 11 بالظبط
واجي ماغط بدخل !! ولا موظف هناك يقولى خلاص انتهى وقت الدخول يا راجل ما يصير تكفى !!
ترا اذا رجعت لأمي بتلطم .. !! ومعاي سوداني ومو راضي يدخلنا .. ولا شويا السوداني قاال آآي انا اوريكي
ويطلع جوازه ويصكه في وجه الموظف والعسكر إللى معاه !! ولا كلهم وخرو ودخل جيت بسوي نفس الحركه
ولا قلى معليش مقدر ادخلك .. قلت طيب خوينا السوداني .. قلي هذاك بريطاني !! وقسم تحطمت
قلت لسى انا في بقاع الوطن وتمارس علي العنصريه اجل لا سافرت إيش بيصير فيا واقابلك ذاك الذيب العسكري
قااالى هي انت وش عندك " انا عيوني مدمعه" قلت كيت وكيت وكيت ومو راضي يدخلني .. قالى اقوول ادخل ما عندك احد .. يدخل الاجنبي وما يدخل والله قلت ونعوم ودخلت ولله الحمد !
العبره هنا يا جماعه .. قبل الرحله بـ 4 ساعات على الأقل تكون متواجد في المطار ويستحسن اكثر .. جيب البي اس بي .. البلاك بيري .. لاب توب اي شي ونس نفسك بس لا توقع في ورطتي وتحس بشعوري انذاك "
والله واصف في طابور البوردينغ ..وقدامي السوداني لا بارك الله في ابليسه !! وفي واحد من خوياني اعرفه ماسك كاونتر بي آم آي .. المهم جا دوري قطعت البوردينغ وخويكم معاه شنطتين وحده ملابس ووحده مقاضي خخخخ
ولا الموظف هناك خليه يدفع على الكيلو مدري كم ريال وصلت الحسبه 1000 يا ولد مدري كيف ما يجي ..
جاني خويي قالى معاك فلوس قلت ايوه قالى سوي انك بتدفع وبرجعها لك عشان قدام الناس قلت تم خذ ..
والله بالفعل اخذ فلوسي وانا رايح للطياره رجعلى اياها !! تذكرو هذا الموقف لانه في مطار هيثرو مغطووني هناك صح على الاوزان الزايده !! وانا راجع
المهم لأننا اخر ناس ومن تفتيش لتفتيش وزحمه المطار افغاان على اندونوسيات على اشكال والوان وانا مسوي واصل مع خويي من اي زحمه يزبطني .. والله وفتشووني وذهبت إلى الطائه بس صادرو ولاعاتي ..
وركبت الباص .. وطلعت الطياره ولله الحمد
" موقف وانا بأنتظر الباص ولا موظف من الشركه إللى مو راضي يدخلني جاني وقالى انا آسف اوامر الشركه وسامحني ما كان قصدي .. رمقته بنظره وقلت له بيين معدنك يا ولد بلدي "

العبره يا جماعه !! لا تتأخرو لا تتأخرو لا تتأخرو ابدن ابدن !! عشان لا تطبح في دي المواقف وتحوج نفسك للي يسوي وإللى ما يسوي ..


ولنا عوده مع الطياره وصديقي المسلم البريطاني .. وخويتنا السكرانه ودراستي في المعهد وجو الدراسه وهل استفدت فعلا او لأ !!!