رفض اجازة مرافق

حبيت أستفسر بالنسبه لي أنا مرافق لزوجتي المبتعثه وحاب ألتحق بالبعثه ( أنا موظف قطاع خاص )

ولكن أحد الأخوان قالي أن الملحقيه ما توافق على إلحاقك بالبعثه إلا بخطاب من الأحوال أو التأمينات يثبت إنك غير موظف

وإستفساري الثاني لو عطوك جهة عملك إجازه سنه بدون راتب وأنت تبي تدرس بكالوريوس ( يعني أربع أو خمس سنين ) وش

الحل؟

اخوي العميد مساء الورد
اصلاً وزارة التعليم العالي ما يهمه تكون موظف بقطاع خاص، المهم ما تكون موظف بقطاع حكومي، يعني لو تقدم على بعثة وانت على رأس العمل بقطاع خاص ما يرفضونك عشانك موظف زي الموظف الحكومي.
وبالنسبة للضم للبعثة، وزير التعليم العالي اصدر قرار بضم المرافق مباشرة للبعثة.. فوسع صدرك وتوكل على الله، والأمور زينه ان شاء الله.. واقترح عليك بالنسبة لوظيفتك، اذا وافقوا على سنة ورحت انت وشفت الامور زينه وماشي بالدراسة ممكن تقدم استقالتك، لا تنسى ان راتبك انت وزوجتك حوالي 13000 ريال، يعني راتب جيد، وان شاء الله اذا رجعت بالشهادة بتلقى افضل من وظيفتك السابقة، وفي كل الاحوال استخر الله والله يدبرك على ما يصلح.

اي موظف حكومي يعطى اجازة لاتتعدى عشر سنوات بدون راتب طبعا

المهم مافيه شيء اسمه مافيه اجازة بحجة حاجة العمل ابدا

شخصيا اعرف معلمة لها ثلاث سنوات مقدمة على اجازة بدون راتب وليس لديها اسباب مقنعة لاجازة ومع ذلك وافقوا على طلبها

لاحظوا ان المعلمين اصعب في اخذ الاجازات

فكيف بموظف مرافق لزوجته في ابتعاث يرعاه الملك شخصياً ؟!!

السبب مقنع و وجيه ولايمكن رفضه ابدا واي شخص يقول غير ذلك خليه يطلع على لائحة الاجازات في نظام الخدمة المدنية ( المادة عشرون )

موظف الخدمة المدنية له إجازة من سنة إلى عشر سنين حسب لوائح الخدمة المدنية وهذا النص الصحيح

المادة العشرون:
يجوز بقرار من الوزير المختص منح الموظف لأسباب تقبلها الجهة أجازة إستثنائية بدون راتب لا تزيد مدتها على سنة خلال خمس سنوات سواء كانت لفترة متصلة أو لفترات متفرقة ولوزير الخدمة المدنية تمديدها لمدة أو لمدد لا تزيد على سنة أخرى، على أنه بالنسبة للموظفة السعودية التي ترغب في مرافقة زوجها أو من يعولها شرعاً إلى الخارج تمنح بقرار من الجهة
التي تتبعها إجازة إستثنائية بدون راتب وذلك بقدر مدة المرافقة و بحد اقصى لا يتجاوز عشر سنوات متصلة أو منفصلة طوال الحياة الوظيفية ، ويعامل زوج المبتعثة للدراسة في الخارج أو أحد محارمها الشرعيين إذا كان من موظفي الخدمة المدنية وفق هذه القواعد0

وايش المصلحة من المنع

الله واكبر يالعمل اللي مايعرفله الا المرافق

ليكون المرافق عبقرينو وانا مدري

ينضم للبعثة بس لازم يجيب خطاب من العمل انه ماخذ اجازه بدون راتب ويسلمه للملحقية...هذا شرط من شروط الالحاق بالبعثة يا استقاله او خطاب من جهة العمل يثبت اخذه لأجازة بدون راتب.

اللي أعرفه انه ما فيه شيء يلزم الادارة باعطاء الموظف الاجازة لكن انتم قدموا وحاولوا فيهم بشتى الطرق وعسى الله يسهلها لنا ولكم

وأختلف العلماء..............!!!!
بيني وبينكم المشكلة ماهي فينا إن كل واحد يقول وجهة نظره أو كلام الموظف.......
المشكلة الكبيره هي الحرص والحرص التام من المسئولين على جعل المواطن جاهل بالأنظمة.........!!