لو عرفت كل شيء لعذرت كل أحد

بعض من الأخوة يتكلم عن الوزارة بإسلوب يعكس سطحيه في التفكير!!!!
اكيد خانك التعبير
قصدك يتكلمون عن الوزارة بأسلوب يعكس مدى المعاناة التي تكبدوها

صدقت ياخوي ..
امتنعت عن المشاركه ببعض المواضيع لهذه الاسباب ..

حتى مكاتب القبول قسم بالله كل ماأروح لأستاذ طارق في مكتب ايجيك .. يعاملني احسن معامله .. ويقولي والله ودي مااوقف مستقبل ولا أحد فيكم .. وبجد اتمنى الكل يروح المحل ألي هو راضي فيه ..
وعلى فكره .. ترى قبولي مهو معروف متى وصوله .. ومع ذلك عاذره المكاتب والوزاره .. هما ماعندهم بس أنا عندهم غيري 8 ألاف طالب وطالبه ..

بس حبيت اقول للجميع .. أعلم أن كل تأخيره فيها خيره .. والله كاتب لك تروح امريكا ولا كندا ولا أي دوله بهاليوم الفلاني .. فأعمل بالاسباب واتوكل على الله ولا يكون أغلب كلامك هما وهما وهما وماهمك بهالدنيا غير نفسك .. ترى والله مهما عصبت وانفعلت أعلم أن رزقك لن يأخذه أحد غيرك ..

روقوا أعصابكم .. واستغلوا هالفتره ألي يبغي يشتغل يشتغل .. والي يبغى خبره في مجال تخصصه يروح يدور الخبره .. استغلوا كل ثانيه ولا تضيعوا أوقاتهم على الكلام والقيل والقال ..

وممكن ردي ماراح يعجب الاغلب ..
الله يوفق الجميع ويسهلها لكم ..

لا تنسوا بكره الاثنين صوموا وادعوا ربكم يفرج همكم ويسهلها لكم في كل نيه ..

أخي الكريم هل سبق وكانت لك معاملة في إحدى القطاعات الحكومية
من مجلس الوزراء حتى مصلحة الصرف الصحي؟!

طبعاً أنا أتكلم عن معاملة عادية بسيطة

أما عن المعاملات اللي فيها فلوس فحدث ولا حرج
عوائل تنتظر عشرات السنوات وتعاني أشد المعاناة لكي تستلم قرض عقاري بمبلغ 300 ألف ريال

والوزارة تسلم لك ما يقارب المليون ريال بلا مقابل لكي تكمل دراستك
وبدون أي معاناة فعلية بالعكس الوزراة متعاونة أشد التعاون في حل كل قضية

صح لسانك
والله انا اشاطرك الرأي من جد في عينة كبيرة من مجتمعنا سلبين لدرجة ماتتصورها
المشكلة ان هو ينتقد وفي نفس الوقت تلقاه شخص فاشل وغير منظم في حياته
عموما الله يوفقنا جميعا الى ما يحبه ويرضاه
ومن جد اقدم الشكر الكبير والاحترام لكل من قام على هذا البرنامج الناجح
وشكري يتواصل لك اخي صاحب الموضوع

برنامج الابتعاث نااااااجح100%
الادارارة القائمة على اداراته فاشلة200%
وزارة متخبطة في قرارتها >>>يعني لاتعرف يدك من رجولك عندهم
وحتى في الملتى الواحد قاطع مشوار علشان يستفيد ..
مو علشان كلمات مقتظبة..ممنوع,مايصير,لالالا,,اصحاب هالتخصصات كيف ابتعثوا..
مالمشكلة كل شي طالع من تحت يدكم ولاتدروا بالسالفة...
الله يهونها ونسافر

آخوي لآتقآرن الوزآره في آي قطآع آخر ..

نحن جلبنآ آعلى الدرجآت للحصول على بعثه والملك مآآقصر صرف ميزآنيه توآزي ميزآنية دول كبرى .. ومع ذلك جعلت في آيآدي كآن الله في عوننآ منهم ..

آخي الكثير من الاخوان لايملك قوت يومه ومع ذلك فعل كل شيء لكي يحضر دوره اقل مآيقل عنهآ فشلت .. انا لست ضدها لكن ضد الايادي التي سقطنآ فيهآ ..

ثم تاتي بين ليله وضحها تقول ان غدا محاضره لمدة تقل عن 3 ساعات وتبعد عنك 1500 كيلو لابد لك من الحضور وآلآ آلغيت بعثتك ..

والرجاء من وكيل الابتعاث وضع نظام صآرم من اول يوم تقديم حتى ركوب الطائره .. وليس كل مره ياتي شيء جديد مثل الدوره والمحاضره ..

في الاخير تذكر اخي انني من اهل الرياض وتبعد الوزاره عني هي ومكان المحاضره 10 دقائق ليس اكثر .. ولكن انا اتكلم من قول رسول الله صلى الله عليه وسلم ( حب لأخيك ما تحب لنفسك) وقوله ( اللهم من شق على أمتي فشق عليه ) ..

وآختلآف الرآي لآيفسد للود قضيه

^^^^^^^
كلام عين العقل
الوزارة عذبتنااااااااااااااااا سرررراااحه
الله يعدي كل شي على خيرررر

استغفر الله العلي العظيــم

بصراحة بدأت اشك في بعض المعرفات

انها ليست لمبتعثين مرو بعذاب الوزارة

راح اذكر السلبيات التي لااجد لها اي مبرر

1- الزام الدورة الالزامية وعدم توفرها بمدينة المبتعث ( عوائل تشتت بسبب هالدورة )
2- اعطاء مهمة احضار القبولات الى مكاتب وفرضها بالقوة على المبتعث ( المسألة تتعلق في عدم احترام الطالب السعودي وحقه في اختيار مكان دراسته وفق ضوابط تحددها الوزارة ,, بحياتي ماشفت فرض مكان الدراسة بالقوة الا عند هالوزارة حتى طالب الابتدائي يقدر يختار مدرسته حتى وان كانت خارج الحي)
3- تصريحات متضاربة وكاذبة والامثلة كثيرة اذكر منها( مكافات الدورة سمعناها - رابط خاص للمبتعثين بالسفارة الامريكية وماشفنا شيء - مفاجأة المبتعثين بضرورة الحضور خلال 24ساعة الى الرياض عشان مستر جون والا طارت البعثة !!!!! )


تتكلم عن شكر الوزارة لصرفها علينا
متناسيا ان البرنامج هو برنامج خادم الحرمين الشريفين وليس برنامج الوزارة
ابو متعب الله يحفظة هو من امر بهذا الشيء

الوزارة دورها سلبي

وعشان احطك بالصورة

الي قام بتظيم عملية التقديم على البرنامج وفرز الاسماء واختيار المبيتعثين هي شركة اوكلت لها المهمة
وليست الوزارة من قام بها

شتان بين مرحلة التقديم والتي اراها ناجحة والي صار بعدها من هسترة وسوء تنظيم

طبعاً الوزارة تخطيء ويتصور منها هذا
لكن مشكلتنا أننا نظن أن الوزارة وضعت لأجل تخدم شخص واحد وتقدم له كل شيء على طبق من ذهب
الأن الوزارة عندها ما يقارب 90 ألف مبتعث منتشرين في كل أنحاء العالم
وعندها الاشراف على كل الجامعات السعودية ومشاكلها

أنا أقدر أكتب قائمة من الاخطأ اللي صارت واللي تصير
وممكن أرفع هذه الملاحظات للمسؤولين في الوزارة بشكل ايجايبي
لا يكون الواحد منا ما يفكر الا بنفسه أما تسون لي اللي أبي ولا أنتم فاشلين 200٪