هل المرافق/ المرافقة يحصل على ضمان مالي من الملحقية عند القدوم؟؟؟

يبدو أن الموضوع تشعب وصار مربك للأعضاء ..
بأخبركم بالموضوع بالتفصيل:

أول ما يستقبلونكم سواقين الملحقية بالمطار بيوصلونكم للفندق ويعطونكم ملف تعبونه وترفقون معه أوراق مكتوبة بالملف مثل الشهادات وقرار الإبتعاث والفيزا .. إلخ. وبيطلبون منكم تعبونها وتسلمونها لهم بنفس الليلة .. وبيواعدونكم من البكرة يجونكم الساعة 8 صباحا ياخذونكم للملحقية ..
من البكرة يوصلونكم للملحقية ويعطونكم ثلاث محاضرات تبدأ تقريبا الساعة 10 صباحا وتنتهي تقريبا الساعة 3 الظهر (والأخ اللي يسأل عن الوقت عشان رحلته يقدر يكلمهم يعطونه أوراقه ويمشي عادي بالوقت اللي يبي)

بعد المحاضرات بيسلمون الأوراق وبتكون كالتالي:

للمبتعث:

1- بطاقة الملحقية. اللي فيها رقم الطالب بالملحقية
2- ضمان مالي للمعهد.
3- بطاقة التأمين الصحي.
4- ورقة تعريف بالراتب.

للمرافق:

المرافق ما راح يعطونه شي. لكن إذا كان المرافق طالع بفيزا F2 هنا ما راح يحتاج أي ورقة وبيكون الضمان المالي للمبتعث مبين فيه أن الملحقية تتكفل برسوم الطالب الدراسية ورسوم مرافقيه.

أما إذا كان الطالب جايب قبول منفصل. وطالع بفيزا F1 هنا المعهد ما راح يقبل بالضمان المالي اللي مع المبتعث, لأن المرافق معه قبول مستقل, فيلزم إحضار ضمان مالي خاص فيه من الملحقية, فيقومون الملحقية بيوم المحاضرات يطلبون من المرافق صور من شهاداته وبعض الأوراق الأخرى: عشان يرفعونها للوزارة ويجيبون فيها أذن بالصرف عليه, وهالموضوع ياخذ أسبوع إلى 10 أيام لين يصدر الضمان المالي الخاص فيه (معي أخذ الأمر مثل ما قلت لكم 8 أيام, وأتصلت عليهم أمس وقالوا لي وافقت الوزارة بنوقعه ونرسله لك)
والسبب: أن المرافق لو رضى بقبول المرافق من البداية وأخذ فيزا F2 بيكون له دوام جزئي يعني المعهد راح يطلب رسوم للمرافق تساوي نصف قيمة قبول المبتعث. أما لو كان جايب قبول مستقل ومطلع فيزا F1 يعني أن المعهد يبغى عليه مثل رسوم المبتعث. وهنا الملحقية ملزومه تدفع نصف قيمة رسوم المبتعث للمرافق وتحتاج تجيب أذن من الوزارة لو كانت بتدفع رسوم للمرافق مثل رسوم المبتعث ..

بحالتي كانوا جايبين لزوجتي قبول بقيمة 25 ألف دولار, كدوام كامل, ومرفق مع القبول أنه فيه دوام جزئي لي بقيمة 12.5 ألف دولار .. فقمت انا راسلت المعهد وطلبت منهم قبول مستقل فصار بقيمة 25 ألف دولار ..
هنا الملحقية كانت ملزومة تدفع عني 12.5 ألف دولار لو كنت بقبول مرافق. لكن يوم صرت جايب قبول مستقل بقيمة 25 ألف دولار صاروا لازموا ياخذون الأذن من الوزارة بدفع المبلغ ..

أما التأمين الصحي للمرافق موجود بنفس بطاقة المبتعث من البداية. ومكافئة المرافق موجودة من البداية مع مكافئة المبتعث.
؟


أتمنى تكون وضحت الصورة الآن
وأتمنى لكم التوفيق

صباحكم الخير ..
اخواني الي سبقونا سؤال
هل ضروري شهادة الميلاد والتطعيم ام هي فقط ضروريه للأطفال ؟

طيب عندي سؤال...هل خطاب الاستقالة وحده يكفي؟؟؟

ايوه انا هذا قصدي بس كنت احسب انو خطاب لأنو هوا خطاب انو فلان الفلاني كان يشتغل من كده ل كده واخلاء طرف في نفس الوقت...
طيب بسألك متى نقدر نطلع البرنت....بعد الاستقالة بقد ايش؟؟ يعني قصدي عشان الحالة تتغير؟؟ اذا عندك فكره
ويعطيك العافية