المشاركة الأصلية كتبت بواسطة alhaime
نصيحة
حاول إنك تأجل الدراسة
وتروح الوظيفة
وتشوف كيف وضعها
يمكن بعدين تقرر ترجع للبعثة
ولا تنسى الإستخارة
سؤال: هل الوظيفة معيد؟؟؟؟ إذا كذا فيمديك ترتب وضعك مع القسم
نصيحة في محلها .. وأنا تقريبا هذا اللي في بالي .
لكن ودي اعرف من الآن فيما لو ارتحت في الوظيفة ان شاء الله وش اسوي مع الوزارة .
بالنسبة للإستخارة هذي مقدمة على كل شي .
والوظيفة في شركة تتميز بالاستقرار الوظيفي ,, شبه حكومية .
المشاركة الأصلية كتبت بواسطة MA7MED
المشكله انك اصدرت القرار
لو اجلت من قبل الاصدار مافي مشكله
قبل الاصدار انت مرشح للابتعاث لكن بعد الاصدار انت مبتعث رسميا
يعني انتبه بتروح عليك الفرصه خلاص
واذا الوظيفه مضمونه وتأمن مستقبلك اتوكل على الله
كلنا مصيرنا نرجع و ندور على الوظايف وانت بتختصر على نفسك
بالتوفيق
والله صدقت ... انا هذا اللي مضيق صدري أن الخبر وصلني بعد ما اصدرت القرار , وحتى ان الوزارة كاسرين خاطري طلعت القرار وامر الاركاب والتذكرة وبالنهاية باسحب عليهم .
وش قصدك , هل بما اني اصدرت القرار خلاص ما اقدر اقدم على البرنامج مستقبلاً .
من ناحية الوظيفة ,, والله ماشاورت احد وقالي البعثة الكل يقولي الوظيفة .
وانا شخصيا اعرف واحد راجع بنفس تخصصي له الآن بالضبط 4 شهور مالقى شي , أنا لو ارجع واجلس شهرين بس يمكن تجيني جلطة , ولاحظ الى الان ماجات الاعداد اللي عليها الكلام .
المشاركة الأصلية كتبت بواسطة bader231
والله انا من رايي انك تقارن بين وضعك لو توظفت وبين وضعك إذا رجعت بعد 5سنوات أو أقل
إذا الوظيفة ماتبتعثك للخارج لإكمال الدراسة فأنا اشور عليك أنك تتركها وتواصل دراستك .
طبعاً هذا حسب تخصصك الدراسي
أنا وظيفتي ولله الحمد حالياً مرموقة جداً(وظيفة صحية)وراتبها عالي خصوصاً بعد زيادة ابو متعب لرواتب ........
لكن بصراحة أنا يمكن أسحب على الوظيفة لأني أبغى اختصر الوقت
لو جلست بالوظيفة ما راح يبتعثوني الإ بعد 3 سنوات وما تدري وش راح يصير بعد هالمده
عشان كذا لعبت عالمضمون
قبل كل شيء أستخر والله يكتب لك الخير
بكل بساطة وضعي بعد 3 سنوات احوس على الشركات ادور وظيفة , وبصراحة ما انصحك ابدا تسحب على الوظيفة لأنك من موظف لـ مبتعث مستقبله مجهول , وبالعكس اطلع عن طريق الشركة ولو بعد مدة اطول اضمن لك .
من ناحية شركتي ماتطلع مبتعثين خاصة في تخصصي .. بس اصلاً مهما كانت الشركة مو معقول من اول ما ادخلها وانا بجلس افكر بالابتعاث لابد اجلس فترة لاتقل عن 5 سنوات وبعدين افكر .
انا أحس انكم مافهمتوني ,, انا ماحطيت الموضوع على اساس اني محتار ,, انا الحمد لله استخرت وقررت , انا اسأل بالنسبة لـ الإلغاء وبالنسبة للفيزا بالذات . 
MR FINANCE March 13th, 2010, 07:55 PM
7 " 
LinkBack URL
About LinkBacks
March 13th, 2010, 10:16 AM
السلام عليكم ...حقيقة الأمر وبدون أي مقدمات سببي لـ الإلغاء هي (الوظيفة) .
نعم أتت متأخرة جداً ,, تخيلوا أن موعد سفري في 23 مارس والدراسة تبدأ في 29 مارس .
اصدرت الفيزا وأصدرت قرار الإبتعاث والتذكرة , وقبل عدة أيام حصلت على وظيفة يفصلني عنها الكشف الطبي أقصد انها مضمونة 100% ولامجال للشك فيها .
فكرت في التأجيل وراسلت المعهد ولامشكلة في التأجيل لغاية شهر 6 او 7 , وطبعاً قرار الابتعاث صالح لـ 3 اشهر من تاريخ الاصدار وهذه مشكلة اخرى .
ولكني أعتقد ان مسألة التأجيل مصيرها في النهاية الإلغاء .
لذلك أولاً : ماذا أفعل تجاه وزارة التعليم العالي إن كنت اريد الإلغاء .
ثانياً : بخصوص الفيزا بما أنها دراسية ومربوطة برقم سيفيس محدد ,, لو مستقبلاً اردت الدخول لأمريكا لنفرض بعد سنتين هل تعتبر الفيزا ملغاه أو هناك اجراء متبع بخصوص هذا الموضوع .