المعلم المرافق والاجازة الاستثنائية؟؟؟!!

انا معلم مثلك
كتبت خطاب موجه الى مدير تعليم منطقتي وارفقت معه قرار ابتعاث اختي وكذلك السجل المدني للوالد وخطاب موجه من مدير برنامج خادم الحرمين الدكتور الحربي
طبعا عندي انا اول مرة يجيهم مثل هالخطاب راحو يشاورون الوزارة واصلاهذا ماله داعي.. وافقت الوزارة وارسلت خطاب لهم تفهمهم النظام الدليل (على ان ادارات التعليم ضايعة مع احترامي)
بعد كذا اصدرو قرار منحي الاجازة وتسمى اجازة مرافقة لازم تكتبها في خطابك علشان تقدر تاخذ سنة بالراحة فما فوق ((انا اخذت 3 سنين ) ويحق لك تقطعها في اي وقت كن ان كتبت اجازة استثنائية ماهو معطينك الا سنة وبيطلعون عيونك أهم شي علاقتك بالمشرف لانه راس الحية
بموافقته تتضبط امورك وياليت تبكر لان اجراءاتهم الروتينية تطول وخلك وراهم
اي استفسار وانا اخوك اناحاظر
السلام عليكم

ايش الفرق بين الاجازه الاستثنائيه والمرافقه ؟

اخوي essa

لو سمحت بس بغيت اسألك كم خذت معك وقت اجراءات الاجازة لان زوجي معلم وخايفة نتأخر بسبب هالاجازة ؟
وابغى اسأل نفس اللي قبلي وش الفرق بين اجازة المرافقة والاستثنائي !!!؟

وشكرا لك مقدما

[quote=essa_t;943674]انا معلم مثلك
كتبت خطاب موجه الى مدير تعليم منطقتي وارفقت معه قرار ابتعاث اختي وكذلك السجل المدني للوالد وخطاب موجه من مدير برنامج خادم الحرمين الدكتور الحربي




اخوي مبروك على الاجازه
وانا زوجي مدرس رفضوا يعطوه اجازه
السؤال..كيف جبت الخطاب الموجه من مدير البرنامج الدكتور الحربي؟؟؟؟؟
اتمنى ترد علي بسرعه

اخوووي essa-t
ليه ماترد عليه؟؟؟؟؟؟؟؟؟؟؟؟؟؟؟؟؟؟؟

السلام عليكم ورحمة الله وبركاته أخوي كون انك تأخذ إجازه إستثنائية بعد ماتجيب من وزارة التعليم العالي خطاب انك مرافق لزوجتك مثلاً أو أختك وترفق معه قرار الابتعاث فالوزارة لابد إنها تعطيك إجازه إستثنائية بدون راتب وبدون خدمة ومدتها تكون مدة دراسة المبتعث الأساسي وخل معك صورة الاجازة الاستثنائيه عشان اذا تبي تلتحق في البعثه هناك أتوقع إنه لابد يكون معك صورة من الاجازة الاستثنائية اذا كنت موظف أتمنى أكون أفدتك وشكراً ...

مافية اجازة مرافقه فيه إجازه إستثنائية للمرافق مدتها مدة إجازة المبتعث الاصلي وفي أي وقت تقدر تقطع الاجازة .

السلام عليكم ورحمة الله
آسف آسف آسف على التأخير وشكرا لك اخوي( عيسى ) على تعقيبك الكريم
هناك على نظام وزارة الخدمة المادة عشرون ان اجازة المعلم الاستثنائية يجب ان لا تزيد عن 1 سنة فقط وعلى صلاحيه مدير التعليم بمنطقته, ولكن ان كان يرافق أحدا للدراسة فيحق له مدة دراسة المبتعث اللي راح يرافقة يعني اذا كان بيقعد 3 سنوات يعطونك 3 سنوات وتسمى برضه استثنائية لكن سميتها مرافقة لاظهار الفرق بينهما
أختي أم تالين :
لم اهملك وسامحيني لانشغالي بترتيب امور سفري
عندما اصدرت الاي توني لي ولاختي وقبول الجامعة ( ماستر) ذهبت به الى الوزارة ومعي الفيز وهناك قمت باصدار قرار الإبتعاث وأمر الإركاب وطلبت منهم خطاب موجه من الوزارة الى مقر عملي يفيد بانني سارافق اختي لدراسة الماستر بامريكا مدة 3 سنوات وختموا عليه وقع الدكتور ماجد ايضا عليه
وذهبت الى ادارة تعليمي وعطيتهم الخطاب مع صورة السجل و صورة قرار الابتعاث وكتبت خطاب انني ارغب باجازة امرافقه لشقيقتي للدراسة بالخارج مدتها كذا وكذا وبس ثم وافقوا ولا اشترطوا اول السنة والا آخرها ( ويمكن من حسن حظي ان فيه معلمين هالسنة زايدين عندنا) على الرغم من ان تخصصي ربما يعتبر قليل شوي ( لغة انجليزية ) في المنطقة

أختي المها:
استغرقت والله اسبوعين على الرغم من اني وراها وراها ماخليتها من ادراة التعليم لحد روحتها للوزارة ورجعتها
وتصدقين اني حتى سبقت بريده السلحفاة وجبتها لهم
لا وازيدك من الشعر بيت لما وصلت الادارة التعليمية قلت خلاص الحين كل شي مضبوط ماعاد الا توقيعهابس من مدير التعليم وخلاص
انتظرت وانتظرت يومين ثم اتصلت عليهم قالوا خلاص اوكي قلت طيب وين الخطاب ماجاني وبحكم ان لدي علاقات في الادارة اكتشفت انها مرمية على درج المدير من يومين ولا خلصها واروح اخلصها بنفسي وما طلعت الا وهي معي
انا قلت لك هلاكلام بس علشان يحرص الواحد على متابعة معاملته بجدية لان بصراحة عندنا ناس يرمونها في الدروج ولا يهتمون على الاطلاق

أي سؤال انا حاضر
وآسف على التأخير

شكراً لك اخوي essa_t على معلوماتك الأكثر من رائعة وأحب استفسر عن الإجازه أول ماقدمتها هل شيكو عليك في الادارة إن عليك التزامات مالية في بنك التسليف أو أي بنك آخر والله يعطيك العافية اخوي .