LinkBack URL
About LinkBacks شباب انا احب مجال الجرافيكس والتصميم بس انا تخصصي في البكالوريس بعيد جدا عن هذا المجال ، ( تخصصي جيولوجيا ) ودي أدرس ماجستير في التصميم أقدر ولا لا ؟؟
7 " 
استفسار استفسار عن تخصص الجرافيكس
استفسار استفسار عن تخصص الجرافيكس
تنبيه: هذا الموضوع قديم. تم طرحه قبل 5544 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
-
- التخصصات هادي مقبولة من الوزارة ؟؟؟7 "
تحت اسم ايش ؟
شكرا - السلام عليكم ورحمة الله وبركاته...7 "
انا حبيت اقتبس ردك وارد عليه .. وازا عندك اي استفسار تاني ااتفضل ...
..
Introduction to Visual Communication
اكيد دي اول مادة حتتدرس لأنو باين من اسمها انها مقدمة عن الاتصال المرئي.. ودا ممكن يشتمل على ال تودي وال ثري دي حسب الجامعة او التخصص ..
أكيد من نفس المكان اللي اخدت منو دي المعلومات في تفصيل للأشياء اللي حتتدرس بالزبط..
Introduction to Digital Images
دي مقدمة للرسم الرقمي .. طبعا حيكون بالكمبيوتر وباستخدام احد برامج الرسم .. زي الفوتوشوب او كورال درو او اليستراتور .. وبرضو على حسب البرامج الموجودة في معامل الجامعة ..
Storyboarding for Film & Animation
هنا حيبدا الشغل الصح ... الستوري بورد للفيلم حيكون عبارة عن السيناريو تبع الفيلم بس كلو عن طريق رسم اليد ..
وازا سويت بحث في قوقل حتشوف كيف الطريقة ..
وطبعا يكون واضح فيها زوايا الكاميرا وحركاتها.. ولازم تكون مفهوومة بحيث ازا اعطيتها لأي شخص وقلتلو ايش هادي؟؟ يقولك المفهوم العام للفيلم ..
ودي تعتبر الخطوة الأولى الفيجوال اللي حيعتمد عليها الفيلم ..
وطبعا كل ماكانت واضحة ومفهومة كل ماكان الشغل أسهل بعدين ..
وفي دي الخطوة كمكان الواحد يعرف ازا كان فيلمه مناسب ولا خرابيط ولازم يغير السيناريوو ويعيد الستوري بورد..
واسم الستوري بورد مأخوذ منها اللي هية story القصة
وboard اللي هية اللوحة او السبورة ..
لأنو الفلم يكون زي القصص المصورة .. (بس من غير الكلام الكتيير ) مجرد رسومات موضحة فيها الفكرة وزاوية الكاميرا .. وممكن ملاحظات تحت كل رسمة .. والرسمة تكون داخل مربع اللي هوة الاطار ..
((طبعا الكلام فيها طوييييل مرررة مرررررة .... بس دي فكرة مختصرة وبسطة..)
Introduction to Webdesign
مقدمة عن تصميم صفحات الانترنت ... اعتقد انها واضحة
Desktop Publishing
2D Vector
هنا يعتمد على الرسم اليدوي او بالكمبيوتر .. بس يكون تو دي .. اللي هية الرسومات العادية .. باليد او الكمبيوتر باستخدام برامج الرسم
2D Animation
هنا كيف حتتحول الرسومات عشان تسير فيلم .. يعني ممكن تكون الرسومات المتتابعة زي افلام الكرتون كيف تسير؟؟
وعدد الرسومات في الثانية يفرق حسب نظام التلفزيون امريكي ولا بريطاني ... الخ
وممكن يكون زي الأنيماتك .. اللي هوة تتدخل كم صورة مع بعض عالكمبيوتر وتحركهم (زي تشارلي اند لولا .. مسلسل كرتوني بريطاني للأطفال.. )
3D Modeling
هنا حتدخل في عالم الثري دي .. وحتستخدم واحد من البرامج زي المايا او ثري دي ماكس او سوفت ايماج او سينما فور دي .... الخ
واول شي تتعلمه في دي البرامج يكون المودلنغ .. اللي هوة كيف تبني المجسم حقك ..
طبعا المجسم دا يكون أي شي .. انسان عادي ولا كرتوني ولا مونستر ولا اي شي بيت .. اشياء ,,, أيييييييي شي ..
ومن خلال المودلنغ حتتعرف على ادوات البرنامج .. .. وحتكون فكرة عن ايش هوة المودلنغ (على فكرة في الغرب في ناس بس شغلهم مودلنغ بس.... )
3D Animation
هادا لوحده تخصص, واللي يدرسه او يتقنه يسموه animator وانا اشوف انو دي الشغلة بالزااات سوقها مو عربي .. بس اللي يتقنها له مجاال وااااسع في شركات الافلام العالمية ..
المهم هنا غالبا حيكون زي اللقي قبله مبادئ وأساسيات .. .. وطبعا تحكمها أشياء كتير هنا زي الوقت والتباطئ والتسارع .. وشياااء كتيير مررة .. بس الملخص انك هنا تسوي الحركة للمودلنغ اللي سويتها ..
مثلا لو في المودلنج سويت انسان فوق .. هنا تتعلم كيف تخليه يمشي ولا ينطنط ..
Digital Image Editing & Manipulation
==>هنا بعد ماتخلص الشغل حقك ويبقالك تجميع الصور وتزبيطها .. مثلا لمن تغير في لون الخلفية ولا تخلي الفلك كله له طابع معين .. دا الشغل مجاله مرررة كبييير في الاعلانات والتلفزيون .. وطبعا دا مع اليي تحته تخصص لوحدهم ..
Digital Video Editing
دا نفس الكلام اللي فوقه .. بس الأول يهتم بالصور كل صورة لوحدها كيف تتعدل الألوان ... وكدا
ودا كيف الفيديو ككل .. يبدأ بالتعديلات الين الاخراج النهائي
The Human Form & Character Animation
هنا دراسة عن الانسان وطريقة حركته .. فيها دراسة لتشريح الانسان نظرية طبعا
وايش العظام الموجودة وحجمها وطريقة حركتها .. وكمان العضلات واماكن توزيعها وكيف تتأثر بحركة العظام .. الخ
Principles of Texture, Materials & Lightening
هنا حتكون الأساسيات للخامات والاكساء والاضاءات ..
يعني المودل لمن بنيته اول شي حيكون مودل من غير اي الوان ولا اضاءات ولا تكستشر ولااا اي شي يعني يكون ساااادة
التكستشر والماتيريال اللي همة الاكساء والخامات .. هية اللي تعطي المودل الشكل حقه يعني اي نتوءات والوان كلو يسير هنا .. وحتى الاضاءات كمان وطريقة الانعكاس والانكسار ..الخ
(وبرضو الكلام هنا كتييير مرررة ... )
Special Effects for Film
هنا المؤثؤات الخاصة بالأفلام .. وبرضو مجالها وااسع .. يعني ماادري ايش اللي يقصدوه بالزبط بس اكيد يكون واضح في نفس الموقع .. بس بشكل العام السبيشل افكتس ممكن يكون زي الانفجارات والأشياء دي ..
Internship
Major Elective : 1 Subject from 2
هنا الاشياء الاختيارية واحد من اتنين:
The Role of Sound in Animation
هنا الصوت وطريقة تركيبه والقواعد اللي تتحكم فيه .. وطبعا دا بعد كلو الكلام اللي فوق (وعلى فكرة هية مهي مرتبة بالتسلسل يعني بنفس طريقة العمل .. -
Advertising & Promotion -
هنا الاختيار التاني اللي يركز على الاعلانات ==> دا ممكن تحط كل اللي اتعلمته واستفدته هنا وتتطلع بنتيجة رااائعة _ان شالله _
بس الصوت ممكن يضيفلك شي جديد .. يعني كل واحد وميزته ولو كنت انا كنت اخترت الاتنين
=> حبيت افيدكم باللي اعرفه .. واتمنى من كل واحد استفاد انو يدعيلي الله يسهلي أموري كلها ..
- على حسب البلد اللي تبغا تدرس فيها .. وازا كنت مهتم بدا المجال وعندك محاولات ولو بسيطة ان شالله تقدر7 "
- على حسب الجامعة حاطته تحت أيت كلية .. بعض الأحيان تحت الفنون وبعض الاحيان تحت الحاسب الألي وبعض الاحيان تحت الهندسة او الهندسة الالكترونية...7 "
- توكل على الله وابدأ باللي تحبه او تفضله انت لان التخصص على الرغبه وليس باختيار الناس7 "
انت ادرس انجليزي بعدين راح تعرف الاتجاهات والتخصصات والاخوان ماقصروا بالردود
بالتوفيق
