الاستفسارات الخاصة بـ المرافقين - [ المرحلة العاشرة ] ( 10 )

حسب النظام
يجب أن لا تزيد المسافة بين المؤسسة التعليمية للمبتعث الرئيس والمؤسسة التعليمية للمرافق الدارس عن 60 ميلاً لمرحلة اللغة و 80 ميلاً لدرجة البكالوريوس و 120 ميلاً للماجستير والدكتوراه .

ربما الملحقية تمشي

السلام عليكم ورحمة الله وبركاته

حابة اعرف مافيه اي طريقة ثانية اقدم لاخوي على معهد بضمان من الوزارة قبل اسافر؟
او لو وصلت وطلبت له الضمان من الوزارة هل ممكن انه يلتحق بنفس الفصل اللي ادرس فيه او لا لو بقدم له قبل باسبوعين؟

سلام عليكم

سويت لاخوي وكالة من موقع الوزارة يعني الكترونية تنفع

مع العلم انة الوالد متوفي واخوي الكبير غير موجود
واخوي اللي بيروح معاي ٢٠ سنه عمرة .

وَ عليكم آلسلآم وَ رحمـــة آلله وَ بركآتة ..
حيآكـ آلله ..

لآبد تعرفي إن كلمة إلحآق .. فقط للدآرسين على آلحسآب آلخآص ..
آلمرآفق تتكفل آلملحقية بكآمل درآسته ..

آلوزآرة لآ تٌسلم للمرآفق ضمآن مآلي لغرض آلقبول قبل آلسفر لبلد آلإبتعآث ..
عليكـ بإحضآر شهآدة بنكية خآصه له ..

موفقه ,,

انا راح يكون مرافقي زوجي وابني ماهي الفيزه الي يحصلون عليها علمنا انا ع كندا انشالله ارجو افادتي

جزاك الله خير وماقصرت عالرد
بس كان قصدي بيلتحق انه يدرس معاي بنفس الترم .. يعني لو ماحصل وطلعت له شهادة من هنا لو رحت هناك واخذت الضمان من الوزارة بيجي له قبول لنفس الترم معي؟

الشهادة البنكية مطلوبة في كل الأحوال لاستخراج فيزة المرافق !
لاثبات قدرته على تحمل تكاليف الدراسة والمعيشة ..
مثل ما قال حروف الله يعطيه العافية .. المرافق يستلم ضمانه الخاص بعد الوصول لدولة الابتعاث ولا يشمله ضمان المبتعثة ..
بخصوص التحاقه بنفس الترم معك .. ممكن جداً اذا كان المعهد تجاري ..
لأنه لا يوجد deadline معين للالتحاق بها .. ( القبول يكون شهري وفي بعض المعاهد أسبوعي )
اطّلعي على موقع المعهد المرغوب للتأكد ..

لا طبعاً ماتنفع لازم ولي أمرك يوكل مرافقك
اذا اخوكِ في مدينة ثانية مثلاً .. ارسلي له صورة من هوية مرافقك لاستخراج الوكالة من أقرب كاتب عدل .. ويرسلها لك عن طريق أي شركة شحن ..
اذا الأخ ولي الأمر مش موجود واستحالة يوفر صك الوكالة ..
قدمي صك حصر الإرث + صك إعالة المرافق لكِ بغرض المرافقة للابتعاث ( شروط صك الاعالة : إحضار شاهدين ومزكيين )
وبالتوفيق ..

شوف هذي هي الوكالة وبيروح بكرا يصدقها من كاتب العدل

اقرى نص الوكاله يمشي ولا برضوا لا ؟؟؟

يا اختي كيف تعملين بنفسك وكالة لمرافقك .. تنص على مرافقتك ؟
هذه اجراءات خاصة بولي الأمر شرعاً ( الأب , الأخ , العم , الزوج .. ومن يقوم بمقامهم )
حتى لو تمت هذه الوكالة ( وهذا مستحيل ) لأنك لستِ صاحبة عقار أو تجارة أو أي شيء آخر مسجل باسمك ..
لابد من وجود سبب قوي ومقنع للغاية يمنع ولي الأمر من استخراج الوكالة لكِ ..
لا تنسي انك ستقدمين صك حصر الإرث وفيه مثبت وجود أخوكِ الأكبر ( ولي الأمر ) !
+ لم اعرف حتى الآن وضع ولي الأمر حتى أجيبك بدقّة
لكن اتبعي احدى الطريقتين التي ذكرتهما لكِ في الرد السابق هي الصحيحة في كل الأحوال ..