الأعضاء الإشتراك و التسجيل

نسيت كلمه المرور
الملتقيات
ADs

يعني اشرد من البيت مثلاً مثلاُ .....؟! ( قصة كوميدية)

يعني اشرد من البيت مثلاً مثلاُ .....؟! ( قصة كوميدية)


NOTICE

تنبيه: هذا الموضوع قديم. تم طرحه قبل 5159 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية بودلير
    بودلير

    مبتعث مستجد Freshman Member

    بودلير الولايات المتحدة الأمريكية

    بودلير , أنثى. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى PSYSHOLOGY , بجامعة --
    • --
    • PSYSHOLOGY
    • أنثى
    • --, --
    • السعودية
    • Aug 2010
    المزيدl

    November 27th, 2010, 12:23 PM

    November 27th, 2010, 12:23 PM

    منزلي كأي منزل سعودي مكون من عائلة متواضعه تحب الإنسداح امام التي في والهذره الي تنتهي بمشاحنه طفيفه وتكبر مع كل صرخه من احد الأطراف ( حتى يتدخل أحد الأفراد الي متمدد على الأريكه ليفارع بينهم ) وكأي فتاه سعوديه دخلت الجامعه (بالملعونه وأختها لأكمال الدراسه ) تقطن مع هذه الأسره الظريفه الكلاسيكية <-لآحظوا كني مو بنتهم .. نشأت وترعرت على العلم وحب العلم والكفاح من أجل العلم ودرء المفاسد ( الي هم صحباتي وهياط البنات ) <-آكبر مهايطية

    في يوم جميل وفي ذروة الظهر وفي زقزقة الغربان الي جنب بيتنا <-مزرعه ذي موب بيت .. قفز أحد الأخوه وهو منبطح يقرأ جريدة عكاظ ( يقال أنه مثقف يعني) وقام يصرخ بودلللللللللير ..بووووووودلييييرروه وتبن .. وانا كنت في الـ room امام التسريحة أمغط شعري وأسمع الرآديو ومسويه البنت الكيوت <-لآحد يسمعك بسسس يالكيوت ..




    هاه وش تبي تصارخ ؟! ، تعالي أقري وش كاتبين عكاظ يقولون فيه بعثات ورى ماتسجلين فيها وتروحين عمريكا ؟! ، أقول بس بس انثبر أنطقها عدل وبعدين تكلم ، أسمعي يالهبله هالحين مو آخر ترم لك شدي حيلك وسجلي والله انك لو قعدتي لآ نزوجك الشايب الي قدامنا تراه يدورله على عروس ( يحسبني بقول لا الأخ ) ، والله بتزوجوني آيآه يالبييييييييه ، يآحيوانه تبينه صدز؟؟؟؟؟ ، ايه وش فيها مو رجال ولا مو رجال يعني وبعدين عنده قروش واجده وانا أولى فيها من الغريب وأتزوجه واجيب لي ورع يورثه وياااسلاااام سلم والله وناسه ، ( وكاعادة الشعب السعودي عند الغضب يفلق من أمامه بأي شيء بجانبه وكان من حظي التعيس "" التوصيله "" ) ، الشرهه موب عليك على الي يعطيك وجه هيا أقلبي خشتك عني لا أسويلك 12 غرزه هالحين .. ( وركضت بودلير ليس لأنها ضربها لالالالالالالالا بل لأنه جرحها ولم يهيأها نفسياً للضرب كما عادته بتهديدها أولاٌ ومن ثم مسك قميصها من كتفها وكأنه يعد 1 2 3 وبسم الللللله ) ..

    ذهبت بودلير الى غرفتها وكانت تبكي بحرقه وتكلم نفسها ( ليش يضربني ؟ انا حيوانه عنده ؟ لين متى بتحمل ؟ انا لازم اشرد من البيت ؟ ولا اتزوج وأفتك !! ) وكتفكير فتاه سعوديه ماعندها غير تتزوج أول واحد يجيها أو تفكر انها تشرد ولكن الخوف والتفكير انه فيه ضرب أكثر لو لقيوها أهلها ( لأنها ماحتشرد الا عند الجيران ) ، وبينما تفكر بودلير جاه ابليس وقعد يوزها ويقولها : أسمعي يالهبله ، ( لحظه يا أبليس هالحين ورى ما تحترمني تبيني اسمع كلامك وتقول مثل اخوي هبله وماهبله ) ، طيب اسمعي يابوبو ( بوبو في عينك كلب عندك انا !! ) أقول أسمعي لآ أعطيك كف هالحين ( جني سعودي ) آسمممممعي انتي اسمعي كلام أخوك ومشيه خط وأطلعي عمريكا ويوم تطلعين خذي الجنسيه الأمريكيه وخذيلك عريس امريكي وسوي حفله ولا تعزمين هلتس عششششان تعلمينهم الأدب ..




    طبعاً أختنا بالله ماصدقت على الله وأنطلقت برا لأخوها ولقيته مازال منبطح على الجريده قاعد يقرا الأخبار الرياضيه ومن زود الحماس كانت انبطاحته ماخذه نص الصاله قالت بودلير بعد ما جفت دموعها : ياخوي العزيز يافلدة تسبدي خلاص انا موافقه ، وقالها أخوها خلاص بتسافرين وتشيلين اخوك الحمار عبودي ( نسيت اعرفكم بعبودي الي هو أخو بودلير والأصغر منها ..أنسان مقطوع عن الخدمه Forever ) ، وشووو عبودي !! ، ايه خليه يدرس بدل ماهو مبهذلنا هنيا هو اصحابه الـ **** ، خلاص خلاص بروح الله يكون بالعون : (



    مرت الأيام والشهور وتخرجت بودلير وكانت فرحانه بشهادة البكالوريوس وجا وقت التقديم الالكتروني في موقع الوزارة وكان أخوها الكبير متكفل بكل شي وهو الي قدملها وحط رقم جواله لأنه عارف انه اخته يالله الخراج وكل ماجا بجوالها رساله قالت ( لعنبوهم ذول الاتصالات طفشوني برسايلهم الدعايه كسبتي كومارو كسبتي 100000 ألف وتمسحهم وأخوها خاف تجيها رساله من الوزارة ولا من مكتب تجسير تقول لاااحووول حتى الوزارة بينصبون علي ويقولون لي كسبتي بعثه !! ) .. هو عارف بمأساة أخته والوكاد انه قال افتك من غباءها ثلاث سنين ههههه ..




    وجا يوم التدقيق وكلم بودلير انها تتجهزلأنه موعدها الساعه ثلاث الظهر، تجهزت أختنا بالله ووداها فندق الميرديان، طبعاُ بودلير أول مره تشوف فندق وقامت تقول : يووووووووووووه مره حلوو يووووه يآخوي شوف البنات كيف كاشخااات ، قام أخوها وكان وده انه بالبيت عشان يفلقها بالي قباله قالها : بودلير اختي حبيبتي انزلي دام النفس عليك طيبه وخليك من الدلاخه الزايده وأذا فيه اي شي دقي علي ، قالت بودلير طيب يآخوي .. ودخلت الفندق وكانت خايفه ، الوضع كان مربك وموترها ولكن توكلت على الله ولقيت من يساعدها من الموظفات والحمدلله عدت الأمور على خير ، خرجت بطلتنا من الفندق لقيت أخوها متمدده على الكرسي ( أيضاً كعادة بعض المواطنين حفظهم الله ) قامت قالتله : Come on my brother to go ، قالها اطلعي لا اتوطاك هالحين قدام الفندق ، وركبت بودلير السياره وكانت فرحانه حييييييل والدننيا ماهي شايلتها من الوناسه وقامت تحكي أخوها وتسولف له وهو مبسوط انه أخته ماجابت العيد داخل .. وعدت الأيام الى ما جاها القبول النهائي ..





    مبرووووووووك بودلير انقبلتي ..






    هااه ... قل قصم .. الله يخليك احلف وناااااااااااااسه يارب لك الحمد عاشووو عاشووو ، يالله يابودلير ياخيتي استعدي ورانا اجراءات الفيزا وقبول تجسير(طبعا كلمة تجسير وتحتها لا تعليق ) ونبي ندخلك تدرسين انجلش هالفترة ابيك تستعدين عشان ان شاء الله تسافرين بأقرب فرصه ، طبعا بودلير مبسوطه وماهي قادره تتكلم تتخيل عرسها في امريكا مع طوني <- ناويه على طوني السافله من الحين




    ومر الوقت وبودلير تحلم وتتتتحلم ووتتخيل شكلها وبدأت الصورة تكتمل قدام عينها وهي تناقش رسالة الماجستير والدكتوراه ان شاء الله ، وتدخل المنتديات وتكتب دكتوره ان شاء الله ، وتكلم نفسها بالمرايه ( هلوسة ذي ) وتقول انا دكتوره انا دكتوره <- فيه صحه نفسيه بإمريكا ترى يلحقون عليك هههه ...

    ولكن للأسف كان أخوها عبودي شاد حيله هو واصحابه ، سهر ولعب ويجي تالي الليل واخوها الكبير تعب وهو يعقل فيه ولكن لا حياة لمن تنادي ، وقام يسمع اخبار من اصحابه فلان طلع مع اخته امريكا ورجع يشرب مخدرات ، فلان طلع مع اخته ماليزيا ورجع تاجر مخدرات ، فلان مدري وش صارله !! ومدري فلانه وش صار لها !! وبدأ يندم انه اقنع بودلير بالسفر والدراسه وهيا كانت ماهي مفتحه عينها ع الموضوع وكان طموحها تتزوج الشايب الي عنده عمارات ، وقال لازم اقنعها انها تترك البعثه عشان اخوها ماينفع يطلع ويخاف عليه !!


    جلس مع اخته في الغرفه وطبعا بودلير مو عارفه وش السالفه وقالها انا بصراحه افكر انك ماتطلعين امريكا !! وتقعدين هنا وصدقيني صدقيني هذا خير لك ، قالت ووجها فيه كل علامات الدهشه : هااااااااااااه وش تقول انت ، قالها الي سمعتيه !! قالت : طييييـ. .. ( قطع كلامها وكاعادة الرجل الشرقي في النقاش ) ، أقول شيلي فكرة السفر من راسك ... وخرج من الغرفه .


    طبعاً بودلير جلست على سريرها ماهي عارفه تبكي ولا تضحك ولا تفرح ولا تحزن بهالسهوله !! بهالبساطه !! لهالدرجه مشاعري رخيصه !! لهالدرجه ماهمهم حلمي !! طيب ليه يعشموني !! وليه يخلوني ارسم أحلامي بالقلم والمسطره من بعد ما كانت بالمرسام وسهل اني امحيها !! ليش يرموني في وسط البحر ويقولون لي لا تسبحين ..!! لللللللللللللللللللللللللللللللليييييييييييييييييي يييييييييييييه ...

    قامت تبكي من كل قلبها واخوها منبطح بالصاله على جريدة عكاظ وهيا بالغرفه تبكيSpoke the same وتقول ياليتني ولللللللد ياليتني ولد كان طلعت لوحدي ! سافرت لوحدي ! كان فكروا بمستقبلي ! كان انا الحين اخرج وارجع براحتي ! ياليتني ولد ياليييييييييييت ..

    جاها ابليس وقلها : انا ما قولتلك اشردي ياهبله !! هيا طبخن طبختيه يالرفله اكليه ...


    وندعو لبطلتنا بالرحمه والمغفره وان الله يوسع مدخلها لأني شاكه انها انتحرت ههههههههه



    مايستفاد من هذه القصة :

    1- سبحان الله الواحد مايدري ربي وش كاتب له وعسى ان تحبوا شياءً وهو شر لكم وعسى ان تكرهوا شيئاً وهو خير لكم .. = )

    2- أعتذر عن ذكر والتدقيق على كلمة الشعب السعودي فهذا يحصل بكل البلدان وهو " انعدام الحوار الجيد بين الأهل " ولكن لشدة حبي لهذا الوطن انتقده بضحكة حتى يتقبل الانتقاد بضحكة أيضا ..

    3- لابد أن نقدر مشاعر أخوتنا حتى وأن كانت تافهه بالنسبة لنا فلربما كانت بالنسبة له عظيمه

    4- لا نستهون بجرح الأخرين وحتى أن أردنا مصلحة من امامنا فعلينا ايصال المعلومه مغلفة التلطيف والتهذيب الشديد ( لأنه الخبر ما يسر الي قدامك وانا خيتك )

    5- أنتقاء الألفاظ وخصوصاً بين الأهل فبعض الكلمات تأثر سلبا على الغير دون أن نشعر ..

    6- لا نفرض تجارب الغير علينا ونققل من قدراتنا واهميتنا مو شرط واحد من الناس فشل أو ضاع وصار من قوم المخدرات والشرب أسأل الله السلامه لنا ولكم ، يعني هذي فرضيه انه حنا بنكون زيهم يمكن العكس ، يمكن انا ولا انت ولا اخوي ولا اختك بيكون من افضل الطلاب على مستوى امريكا موب السعوديه بس ، لازم نحسن الظن بالله وبأنفسنا لأنه الله عز وجل قال " انا عند ظن عبدي بي " ..

    7- أعتذر عن الإطاله وأشكر لكم قراءاتكم ومروركم الكريم

    8- كل أحداث هذه القصة خيالية ولا تمت للواقع بصلة <- حاسه كني اصور فيلم وثائقي هههههه

    9- بس كذا ازود نقاط ههههه <- برا ياهبله
  3. ههههههههههههههههههههههههه

    الصراحة جيييييدة و الله
    تناسق الاحداث و الوقائع رووعة .. بجد شخصتي البيت السعودي قدامي
    <<< مو كل البيوت طبعا بس هذا الغالب خخخ
    الا انصحك تكملين ماستر في القصص و الا الكتابة والا اي شئ ينمي لك هالموهبة

    و بالتوفيق ان شاء الله
    الصورة الرمزية turki822 turki822

    November 27th, 2010, 12:42 PM

    7 "
  7. هههههههههههههههههه

    خطيييييييييييييييره وقليل خطيره هونتي عليا الله يهون عليكي جلست اضحك ضحك

    استمري على طول حتابع كتابتك

    وبالنسبه لطوني حلم الفتيات السعوديات الغلبانات يا جعله يتحقق بس ههههههههههه

    تحياتي لكي
    الصورة الرمزية loloah loloah

    November 27th, 2010, 01:02 PM

    7 "
« حكمه حمااااار؟؟!!!!! | اسفة استفسار بسيط ... »
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.