وبعدين معاكي يا دركسل .. فيلادلفيا اوف

اااااه بس لا تشيكيلي ابكيلك
و ربي نفس حالتك بس الفرق اني الحمدالله رب العالمين جاني القبول
و بعدها جاني الاحباط من المواضيع عن المدينه و الجامعه
ناس تذم و ناس تمدح و كلها مواضيع قديمه
و حاولت اني اتواصل مع طلاب هناك لكن محد راضي يعطي وجه
في الاخير استسلمت و قلت مو مهم مدام جاني القبول و اروح بنفسي استكشف المكان لانو اصلا ماعندي خيار ثاني !
كل الي ابغاه دحين اني الاقي سكن مناسب في مناطق امنه و مو بعيده عن الجامعه
تعرفي ايش جا في بالي في الاخير ؟
اراسل المشرفة على قسمي في الجامعه و اسالها كل الي ابغا اعرف عنو
لكن اني استنى حضررات الناس هنا يجاويو و ربي ما احصل خير شر !!!!!!
الحمدالله على كل حال بس !

dondy
الله يوفقك ياااااااااارب ..
انا احيانا اقول خلاص ببطل ادور شي هالجامعة لاني خلاص تعبت ..


بس اذا لقيت شي وعرفت شي جديد .. لا تنسااني ..

شكرا

ياأخوان جامعه دركسل جامعه قويه وحلوه

بس المشكله في المدينه مو في الجامعه

المدينه نوعا ما قديمه وغاليه شوي
يعني اقل سكن غرفتين ب1250
هذا غير المصاريف الثانيه
والغلا هذا على غير سنع يعني إذا كان عندك القدره انك تتحمل هالغلا روح لكلفورنيا اصرف او فلوريدا
لكن الحرم الجامعي حق دركسل مررررررررررره حلو
وفيه قريب الجامعه بنايه سكنيه أنا بصراحه عاجبني وكنت حابه اسكن فيها بس مالقيت إلا غرفه واحد وب1500

المدينه بصراحه فيها كل شي الزين والشين
يعني تبي مدينه كبيره وداون تاون زحمه فيه
تبي اماكن سكنيه هاديه فيه بس بعيده شوي عن جامعتكم

تبي مدينه تخوف في بعض المناطق ومو امنه وقديمه برضو فيه

يعني العيب مو في كلام الناس اللي بتكلمون عنها
لان اللي يمدح صادق واللي يذم صادق
هي طبيعه المدينه كذا فيها زين وشين

أنا عن نفسي احيانا اقول ابطلع منها اليوم قبل بكره واحيانا اقول والله المدينه حلوه

بس أنا أنصحكم إذا جاء قبول في دركسل شوفو ترتيب دركسل بين الجامعات بتخصصكم

إذا لقيت أنه ترتيبها عالي معناته ممكن تتحمل سلبيات المدينه علشان الجامعه

أما إذا لقيت والله ترتيبها نازل لا والله انا انصحك تشوف لك مدينه ثانيه وجامعه ثانيه

مشكورة دانه على المعلومات
حكاية انو نغير الجامعه هادي عن نفسي مستحييييل لانو ما صدقت انو فيه جامعه اعطتني وجه من غير الجي ار ايه الحمدالله !
بس ياريت تقوليلي كيف نظام الترتيبات حق السكن يالتفصيل الله يخليكي
يعني كيف احجز عندهم على اساس اول ما اوصل اروح من غير مرمطة فنادق !
طيب كيف نظام السكن الداخلي ؟
هل فيه امكانية لطلاب الماجستير ؟ و كم اسعارها و كيف احجزها ؟
اعرف ممكن اتواصل مع الجامعه بس قلت خليني اخد ارائكم في الاول !
او اسماء المناطق القريبه من الجامعه و امنه و في نفس الوقت افضل تكون من غير مواصلات عشان اوصل للجامعه !
اكره عمري لمن استنى الباص كل صباح !
طيب المصاريف يعني بتكون مجملها كم لواحد عزابي ؟
ابغا بس غرفه لوحدي بحمامها الخاص او شقه مشتركه مع اجانب غير سعوديين !
مع الوجبات و المصاريف الجانبيه يعني كم بيكون التوتال حوالي ؟؟؟ هل الراتب يكفي ؟؟؟
معليش استحمليني لاني تعبت و انا اسئل و ما الاقي جواب
و ربنا يوفقك و يجزاكي بالخير

أخوي مشكله السكن هنا انه لازم عقد اقل شي سنه أو سته شهور
طبعا فيه يمكن تلقى سكن لمده 3 شهور بس طبعا يرفعون السعر شوي علشانك 3 شهور

وبمأنك عزوبي يعني انشاءالله ماراح تتبهذل لأن الخيارات عندك واسعه

شوف انا بصراحه ماأدري انت في اي مبنى راح تكون في الكامبس حق دركسل لكن عموما دركسل ويوبن مبانيها متداخله تقريبا
أنا أشوف انه فيه طلاب يدرسون عندنا في يوبن وساكنين في الانترناشونال هاوس أو الاي هاوس أختصاره
هو نظامه زي نظام السكن الداخلي فيه اغلب طلاب يوبن ودركسل
وطبعا كلهم طلاب اجانب

أنا أنصحك تسكن فيه لمده شهر تشوف الوضع يعني اعجبك كمل ماأعجبك عادي تقدر تغير
على الاقل لين تعرف المنطقه لانه مهما أنا قلت لك ووصفت لك المنطقه
ماراح يكون زي لما أنت تشوف بنفسك
ويمكن أنا اللي يناسبني كبنت مايناسبك أنت
لانك أنت ولد والخيارات عندك مفتوحه أكثر
علشان كذا أنا أنصحك تسكن في هذا السكن أول شي احسن لك من الفنادق والخساير وثاني شي احسن لك من عقود الشقق لأنه عاده يكون فيها تأمين يكسر الظهر وفي حاله انه تبي تطلع قبل ماينتهي العقد يدفعونك غرامه

هذا رابط الانترناشونال هاوس
http://www.ihousephilly.org/index.html

أنت شوفه إذا اعجبك اسكن فيه وهو مو بعيد عن جامعتك

بالنسبه للامان لا تشيل هم بالذات منطقه الحرم الجامعي حق يوبن ودركسل أنشاءالله انها آمنه ومامنها خوف

بالنسبه كم أيجار الغرفه مع حمام والله بصراحه ماعندي فكره أكيده بس على حسب ماسمعت انها 850 بالشهر بس وشو الحلو أنها بدون فواتير لا كهرب ولا نت ولا مويه يعني تريح راسك اول شهر

والحلو بعد انه قريب من الاي هاوس فيه مسجد يصلون فيه الطلاب وفيه مطاعم عربيه وفيه بقاله عربيه برضو

هو اكثر شي غالي في فلادلفيا الايجار إذا انت لقيت مكان سعره كويس زي الاي هاوس فتطمن المكافاه راح تكفي

أتمنى لك التوفيق

عزيزتي دانة

الف شكر على على المعلومات المفيدة فعلا ..

طيب انا بايش تنصيحيني للعلم انا متزوجة وجاية مع زوجي وابني الصغير ( اقل من سنة ) ,,يعني وين اسكن .. اهم شي مكان امن وسعره مناسب .. اللي في الكامبس كم اسعارها تقريبا ؟؟

واذا كان بعيد هل في مواصلات ممتازة ممكن اعتمد عليها بدون سيارة ..

انتظر ردك .. واذا كان عندك اي فكره عن الحضانات هناك


شكرا ويعطيك العافية

أختي أنتي في اي جامعه أو أي معهد ؟؟

وهل أنتي مخططه تاخذين سياره أو لا؟؟

السلام عليكم ورحمة الله وبركاته

معلـــــــــــــــــيش اختي عندي كم سؤال لك؟
انتي كل الجامعات اللي قدمتي عليهم طلبتي منهم قبول مشروط؟ أنا سمعت ان من الصعب الجامعات تعطي قبول مشروط للتخصصات الصحية؟
ليه مثلا ما تدرسين اللغه وتاخذين اختبار GRE وبعدين تقدمين على كل الجامعات؟
عشان يكون لك فرصه أكبر والا أنا غلطانه؟؟

اعطيني رايك وابنتظارك والله يسهل أمورك


شكرا

السلام


اختي دانة والله لسه في السعودية ولا شميت ريحة امريكا ..

بس ادور على جامعة من الحين .. فياليت تعطيني رايك في فيلادلفيا وتجاوبيني على اسئلتي ..


اختي حرير .. كلامك صحيح.. وانا احيانا افكر بهذا الشي.. بس انا الحمد لله الانجليزي عندي زين.. فانا حاليا افكراقدم التوفل او الايلتس .. وان شاء الله اجيب الدرجة المطلوبة وبالتالي ابدأ دراسة البرنامج مباشرة ..

يعني بصراحة ما ودي اشغل بالي بعد بالـ GRE .. خاصة ان الجامعه سمعتها ممتازة .. بس انا مشكلتي في المدينة نفسها ..


وفعلا مثل ما قلتي الحصول على قبول مشروط مررة صعب للتخصصات الطبية لهذا دركسل هي الوحيدة اللي وافقت تعطيني قبول مشروط في تخصصي .. يمكن غيرها يعطي في تخصصات ثانيه ما عندي فكره ..


وسلامتكم