pittsburgh ,PA تجمع اهل بيتسبرغ بنسلفانيا

...ان شاء الله لي عوده بمعلومات تفيدكم
بس عذرا هذا الجهاز ماعندي كيبورد عربي والحاله صعبه فب الكتابه...
بس لي عوده،،

ونحن في انتظارك..
واذا علي الكيبورد فعادي يااما انجليزي / انجليزي او انجليزي /عربي( اللي هو كتابه بالانجليزي بس النطق بالعربي )

..............................................



وفي فندق تاني تلاقوه بالملف اسمه days inn او شي كداا برضو يعتبر نفس مستواه وكوويس وحلوو
تلاقوه في الملف..
..............................................

السكن برضو في الدليل الي حطيت رابطه في الاول..
بس رح اقول معلوماتي عنهم.

اقرب واحد هو في الداون تاون اسمو واشنطن بلازا دا موقعه
http://www.washingtonplaza.com/
السكن دا عباره عن مبنى كبيييير فيه شقق بعضها مفروش وبعضها لا
الاسعار تتراوح بين الالف والاف وخمسمسه يعتبر غالي طبعا ..غرفه وصاله
وممكن توصل 3 الاف اذا غرفتين..وفيه مفروش وغير مفروش حسب الطلب ..والسعار تفرق طبعا ..كلها تلاقيها بالموقع.
مميزات:
فيه باص تبع نفس السكن يجيبك عالمعهد يوميا وكمان يودي مناطق تانيه اذا حابه تتمشي وتقضي مثلا ..اعرف بنات كانو ساكنين فيه ومرتاحين..
عيوب:
موقعه من وجهه نظري ..صجه وزحمه الداون تاون بجانب انه ايام الويكند كل شي يقفل بالداون تاون وماتقدر تشتري اي شي لازم تروح تقضي من مناطق تانيه..
والامان مو مرا لان معروف منطقه الداون تاون مو آمنه
لكن المبنى عليه سكيورتي والسكن نفسه ماعليه من دي الناحيه.
..............................................
السكن التاني اسمو كاريج بارك ابارتمنت Carriage park apts
دا الويب سايت
http://www.carriageparkapts.com/s/homepage

بصراحه مرا امان وحلوو وهادي لانو برا الداون تاون وموقف الباص عند مدخل السكن ..طبعا كل باص له جدول بمواعيد ثاابته وعالدقيقه تلاقيه عندك وينزلك منطقه في الداون تاون قريبه عال اي ال اس .لكن لو معهدك دوكين او بتسبرغ تاخد باص تاني من نفس المنطقه الي بالداون تاون توديك على المناطق التانيه,الموضوع سهل لانو يكون معاك الجدولين وتنسق بين الوقت ,والباصات كل 10 دقايق عندك .
.بروضو في الرجعه ينزلك عند السكن على طول.
المميزات:
هادئ .وفيع كم عائله سعوديه
الموقف قريب عند مدخل السكن بالضبط.. اجاره معقول يعني غرفتين وصاله ومطبخ حوالي 800
عيوب:
فيه هنود مرا كتير ..بس ترى لايغركم مو الهنود الي نشوفهم عندنا بالسعوديه..لا شي تاني تطور تنس بالعصر ..وجولف بالمغرب ..وسكواتش عالعشاا ... لووول
..............................................
بالنسبه للباص: تدفعو دولارين رايح ودولارين جي ,, وممكن تطلعو بطاقه اشتراك في الباص سنويا بحوالي 70 دولار وتركبو كل الباصات على كيفك طووول المده حقت الاشتراك .. .وكل باص له جدول .وعالدقيقه يجي ..

..............................................


السكن التالث اسمو الكرين فليج دا برضو مسؤلينو نفس حق السكن دا الي فوق وطريقتو نفسها برضو ..
الويب سايت http://www.cranevillageapts.com/s/homepage
مميزات:
زي الكاريج مررا..ودا ملياااااان سعودييين اكتر شي احس<<مدري ميزه ولا عيب ..
الاجار زي الكاريج مقارب جداا
اعتقد انه اقرب عالداون تاون من الكاريج..بس مو مرا فرق كلهم يعتبرو نفس المنطقه.
لو تحطوهم بقوقل ايرث تشوفم بالضبط .
العيوب:
بعد موقف الباصات شوياا عن السكن ..مسافه بسيطه يقدر الواحد يمشي عادي يعني.
..............................................
في سكن كمان اسمو نسيتو والله تقريبا ساوث كرست او شي زي كدا ( برضو في الدليل) والشقق ارخص شي حوالي 600 بس المنطقه مو حلوة وماحسيتها امان والحاره كلها كدا قديمه شوياا..
..............................................
وفي اسمع سكن تاني جديد .نيفيل وود .مو متاكده ناسيه ممكن تلاقوه بالملف ماعرف بس اسمع انه ابعد ..بس جديد ونظيف ..<<ماعندي لااسف معلومات عنه لاني ماعرف احد ساكن فيه ابدا .بس كلام سمعته من بعض البنات ..
ممكن تسالو اعضاء النادي وتستفسرو يمكن في شي جديد اوافضل..
..............................................


ان شاء الله تعجبكم المدينه وتنبسطو فيهاا.. ربي يوفقكم ياارب..
دعواتكم ..

يعطيك الف عافيه ..اما اذا علي الشابوره والشاي اذا وصلت راح اجيبهم معاي ههههه
وكل مازادت القرقره زادت الفايده هههه عاد احنا نبغي احد قرقرته كثيره ههههه

Carriage park apts بس عندي سؤال عنه ..
كم تقريبا المسافه منه الي الداون تاون ؟؟ وهل فيه اشياء قريبه منه اقصد لو ابغي اروح مشي لسوبر ماركت او محل كوفي << مدمنه قهوه هههه
والا لازم كل شي مواصلات ؟؟
وبصراحه انتي خطيره ومعلومات مرره حلوه شكرا الف شكرا

وعندي سؤال اخير هذه الشقق هل توفر رياضات ( جمع رياضه ) مثل هايكنغ (المشي او السيكل ) يعني مثل هذه الاشياء اولا ؟

هلا و غلا بالجميع...
إن شاء الله يارب الله يكرمنا و نكون فيها على تاريخ قبل 21 سبتمر 2010
جاني قبول المعهد و انتظر موعد السفارة الأمريكية بالظهران و إن شاء الله يجيني قبول الجامعة بس ادعولي.

_____________

عندي معلومااااات هائلة عن هالمدينة...
وكلها ممتازة و مبشرة بالخير...
لسة الأربعاء اللي طاف كنت مع صديقي توه جاي من هناك و كان يكلمني عنها...
و عندي كاتالوج مرفق مع الاي تونتي جميل عن المدينة و السكن و كل شي ملخص و رائع.
بس الوقت مايسعفني الان...لذلك اسجل حضور بالموضوع مع الشكر لصاحبته و إن شاء الله أرجع لكم بعد ثلاث أيام...

دمتم بود..
أخوكم

:: إلى المفضلة ::

جميل...
حتى أنا إن شاء الله راح أبدأ بسبتمر 21 بمعهد ELS

___________

صحيح كل شي تبغى تروحه قريب و تساهيل إن شاء الله لا تشيل هم التوصيل و السيارة لانه ايزي لابعد الحدود و عادي.

أنا بعد مكتبي الحلو اختار لي ELS في point park university!!
صديقي لسة مكلمه من هناك يقولي تعاملهم لطيف جدا خاصة مديرتهم اسمها "جويس"
و ضروري إذا كنت بتسكن مع عايلة تكلم "جويس" قبل ما تروح بشهر...

بس المشكلة -على حسب كلام صديقي- طريقتهم بالتدريس للانجليزي...
لكن غير كذا كل شي اوك و لاتخاف.

أنا بصراحة الجميع مدحوا مدح كثير بمعهد جامعة بيتسبرغ اللي هو ILE
و حقيقي أنا نفسي فيه بس مافي وقت أغير الان علشان اغتنم الفرصة لتخليص اجراءات الفيزا من السفارة بالظهران فاستعملت الاي تونتي تبعهم الان و القنصلية في أمريكا و النادي ببتسبرغ نصحوني أغير لما أوصل...والله كريم.

و الله يسهل علينا إن شاء الله.

مشكور ماقصرت د.سعودي..
كلمنا عن المدينه بما ان صديقك موجود هناك ..
اي معلومه صغيره تراها تفيد ..

يا أصدقاء السلام عليكم ,,

كيف غلاء المدينة ؟

المسافه ماتعتبر مرا بعيده ..يعني بالباص تقريبا ربع ساعه على حسب لانو تعرفي الباص من منطقه القرين تري ياخد نفق اسمه fort pitt tunnel
بس شويا زحمه لان كل العالم تاخد نفس النفق. يعني الواحد يطلع بدري حبتين وخلاص عاادي جداا
ومنطقه القرين تري كل شي عندك ...وانا زيك برضو القهوه لازم الصبح هههههههه اطمنك قرريبه وعندك اكثر من سوير ماركت وفي الوول مارت برضو مسافه مو بعيده وبرضو الباص الي عند مدخل السكن يوديكي ..طبعا تاخدي الباص مو الي طالع الداون تاون لا العكس الي نازل وتستنيه في الجهه المقابله من الشارع عند السكن برضوو.
في سوبر ماركن ممكن تروحيه مشي بس مو قريب يعني يمكن مشي ربع ساعه مو متاكده بس تقريبياا.
والسكن ايوا فيه صاله رياضه اجهزه صغيره نسبياا .وفي مسبح كمان بس ماعرف اذا فيه شي تاني او لا..

وعادي اذا عندك اي استفسار لاتترددي وان شاء الله بساعد بالي اقدر عليه..

الله يعيك الف عافيه ..
بصراحه لو بدونك كان ماعرفنا شي
طيب اذا مافي اي مانع ممكن اعرف انتي وين ساكنه ؟ لو تقيميينه فكم تعطينه من 10 ؟
هل المنطقه امان ؟؟وهل يقل ام يكثر فيها الاجانب الاوروبيين ؟
مشكوره