خمس شهور في مدينة فلادلفيا ( Phildelphia )

وعليكم السلام ورحمة الله وبركاته

هلا حياك أختي الشهر عليك مبارك

والحمد لله إني قدرت اقدم شي يفيد بالرغم أني ما قدمت إلا القليل

والله يا أختي اذا سؤالك عن جامعة بنسلفانيا فهي قوية وفيها تخصصات طبية وفيه بعد مستشفى قوي تابع لها ويصنف من أقوى المستشفيات وخصوصا مستشفى الأطفال فهذا يصنف عالمياً .

أما من نايحية تخصصك الدقيق فما عندي خبر لو تكتبينه لي وممكن أسألك وترى فيه معلومة مهمة في بعض الجامعات الأمريكية البعض من تخصصاتها ما يقبلون إلا من يحمل الجنسية الأمريكية فياليت تتأكدي منه.

أنا ما أقدر أفيدك إلا عن المدينة اللي أنا فيها بولاية بنسلفاينا اللي هي فيلادلفيا وهي مدنية فيها أكثر من جامعة ومعروفة بقوتها على مستوى أمريكا أما سؤالك عن ترتيبها بين الجامعات الأمريكية فهي في تخصص البزنس قبل شهرين تقريباً شفنا ترتيبها الأول على مستوى أمريكا أما من ناحية التخصصات الطبية ما اقدر والله افيدك فيها بشي.

ولكن فيه وحدة امريكية ساكنة معنا بنفس المجمع تدرس فيها الطب لو قدر اتشوفها ممكن أسألها لك.

أما المعهد التابع لجامعة بنسلفاينا اللي انا فيه UPENN فهو قوي جداً ومعروف وله سمعته القوية.

وقبوله سهل جداً كل اللي يبونه صورة جوازك واذا معاك مرافقين وضمانك المالي عشان يطلعون لك I20 وتقدمين فيه على السفارة وتنتهي كل إجراءاتك بإذن الله يعني ممكن توصلهم الاوراق الاثنين على بداية الدوام عندهم لان السبت والاحد اجازة والخميس وهي عندك بالسعودية مثل ما صار معي قدمت الاثنين ويوم الخميس اتصلوا علي UPS اللي بالرياض وقالوا عندنا ارسالية من امريكا باسمك تحب تجي تاخذها او يجيك المندوب.

وهو مثل ما ذكرت من قبل إن كل مستوى فيه سبع أسابيع دراسية وعلى ثمان مستويات.

ومن ناحية إني أتكلم ألنجليزية بطلاقة لا توني بدري عليها ولا بعد سنة يمكن أنا كنت متوقع اني ست أشهر وخلاص راح اكون أتكلم بطلاقة ولكن إنصدمت بالواقع.

فما أبغاك تأملين إنك خلاص راح تكوني خلال فترة بسيطة بلبل إنجليزي فيه وحدة سعودية متخرجة بكالوريوس أدب إنجليزي ولما جت وسوت تحديد مستوى حطوها بالخامس وفيه أطباء عندنا حطوها على السادسة والخامس.

فمقاييسهم تختلف عن مقاييسنا اللي تعودنا عليها بجامعاتنا ومعاهدنا.


وأتمنى إني قدرت أجاوب على استفساراتك وأعتذر لو ما قدرت اجاوبك على كل شي.

واللي تبينه أنا حاضر باللي أقدر عليه بإذن الله ما راح اقصر سواء معك او مع غيرك واللي ما أقدر عليه أتمنى تعذروني.




وبالله التوفيق،،





أخوك/
*عظيم الصمت*

الله يعطيك ألف عآفية

والله أبد مآ قصرت يآخوي

إن شآء الله يطلع لي قبول في ولآية بنسلفيآ وإذآ مآ صرت فيهآ بحآول أغير قبول الوزآرة لبنسلفيآ إن شآء الله

دعوآتك لنآ بالقبول النهآئي ومبآرك عليك الشهر

بالتوفيق يآرب ,

الله يوفقك معلومات مهمه ورائعه

السلام عليكم

كتبه الله في ميزان حسناتك.. مساعدتك لاخوانك واخواتك.. اثابك الله وسدد خطاك..

تحياتي

بالتوفيق للجميع يارب

ومبارك علينا وعليك يارب

والله يسهل امورك ولو تشتغلي عليها من الحين ترى أفضل لك أنا ترى ما كان قبولي هنا بس اني ولله الحمد

قدرت ارتب امروي قبل ما امشي لأني كنت في كندا وجاني القبول وكل شي منتهي بس اني حولت على امريكا وقالوا

لي انتظر يجيلك قبول جديد من المكاتب ولكني ما نتظرت صح انها مو سهلة بس هي ترجع على قوة اللي بيحركها لك

من البرنامج اذا بيقدر يجيب يسوي لك ضمان مالي على المعهد مباشرة واذا تبيني اعطيك اسمه ابشري.


وماسويت الا الواجب وانا اخوك.



وبالله التوفيق،،





أخوك/
*عظيم الصمت*

الله يجزاك خير ويوفقنا جميعاً


واتمنى أكون قدمت شي مفقيد



وبالله التوفيق،،




أخوك/
*عظيم الصمت*

وعليكم السلام ورحمة الله وبركاته


اللهم آمين جزاك الله خير اختي



وأتمنى أني أقدم مساعدة لأي شخص

وأتمنى أيضاً معذرتي على اللي ما اقدر عليه.




وبالله التوفيق،،






أخوك/
*عظيم الصمت*

والله كلمة شكراً مآ توفيك بس مآ بتعبك معي الحين لأن يقولوآ الوزآرة مآ تقبل بالقبولآت اللي نجيبهآ إحنآ

وإن شآء الله المسألة مسئلة وقت ولو إحتجت أدري فيك مآ بتقصر يالطيب ,

جزآك الله خير

والله براحتك

أنا قالوا لي نفس الكلام

ولكن اشتغلت عليه ورتبت اموري والحمد لله

لأني أنا انخدمت قبل ما أجي والحمد لله جيت وأموري جاهزة عشان كذا احب اقدم أي خدمة أقدر عليها لأي شخص.

وخلصت أموري بدون ما أجلس على أعصابي ما ادري وين بيصير قبولي فيه.

ومتى ما احتجتيني بتلاقيني متواجد لك او لأي انسان يحتاجني.




الله يكتب لك اللي فيه الخير..



وبالله التوفيق،،





أخوك/
*عظيم الصمت*

هل جامعتك فيها تخصصات سياسيه واذا فيه ياليت تسردها لي اذا عندك خلفيه عنها بصراحه حابه ادرس ياشؤون دوليه او ادارة سفارات ..؟؟

وهل بعد مانهي المعهد قبولي مضمون بالجامعه ..؟؟