اتـــــــــــــــــــــلانــتــــــــــــا atlanta

فينك يا باشا مهندس !!!!

اشكر المهندس على الموضوع الرائع جدا جدا

بصراحة كنت ابحث عن هذه المعلومات في اكثر من مكان ولقيت 80% من المعلومات اللي احتاجها هنا

انا مسافر قريب جدا الى اتلانتا ومحتاج بعض المعلومات الاضافية لو تكرمت

1- فندق قريب من Georgia state university : وقبل ما تجاوبني على هالسؤال لاحظت في الخريطة ان فيه شبكة قطارات قريبة من الجامعة ... هل القطارات متوفرة على جميع الاوقات ؟ واسعارها رخيصة ؟

2-حضوري راح يكون لفترة قصيرة جدا .. هل تفضل خطوط معينة على آخرى ؟

3- هل سمعت عن اختبار Gstep ؟ واذا سمعت او تعرف احد جرب الاختبار وش وضعه ؟

واكرر شكري لك .. وسواء رديت او مارديت الله يوفقك وين مارحت

مشكور أخوي ..

موضوع رائع صراحة ويوضح الكثير ..


لكن يا شباب في أحد منكم يدرس في georgia institute of technology
وتحديدا يدرس هندسة صناعية ..

إذا كان يوجد أحد فيا ليت يعلمنا عن الأوراق اللي نحتاجها للتقديم ع الجامعة ..
وهل القبول في صعب جدا ولا فيه أمل نحصل قبول ؟
وكيف الدراسة فيه؟

وأخيرا هل تقبل الجامعة شهادة الآيلتس ؟

توني والله العظيم اقرا ردودكم .. ذا المنتدى عجيب .. احيانا يرسلي رساله على ايميلي يقول فيه ردود واحيانا لا .. عموما اذا طولت عليكم ارسلو لي رساله على الخاص بس قلو فيه استفسارات على الموضوع لاني بصراحه ماقمت اثق برسايل الايميل من هالمتدى .. اذا تأخرت اكثر من 7 ايام ففي الغالب اني مانتبهت للاستفسار .. عموما ثواني اطلع على كل استفسار واجاوب بالي اعرفه..

اخوي عكس التيار الله يسهل عليك ويعينك يارب .. ومشكور على حرصك على افادة وتنوير الجميع..

اخوي الرصاصي.. ان شاء الله رحله ممتعه ..

اخوي سي ميزو .. انا جدا اسف على تأخير .. ويعلم الله اني توني اقرا استفسارك ولا فيه شيء نبهني عن طريق الايميل الي معودني كل اي استفسار يجي للموضوع يرسل لي رساله..
عموما اخوي الكريم .هذا موقعهم
Overview | The Language Institute at Georgia Tech

ودايما اذا تبحث عن اي معهد لغه اكتب بس في قوقل كلمتين English as second langauge
وبعدها اضف اسم الجامعه الي تبيها وعلى طول بتحصلها في اول رابط

وحتى كاتبين لك بالعربي على هالموقع
Georgia Institute of Technology - Language Institute

وان شاء الله اكون قدر اجبتك مع اني واثق انك محصل الاجابة منذ مبطي خخخخخخخ بس والله اسف مانتبهت .. واذا فيه استفسارات لا تتردد.. والله يوفقك يارب.. ولاتمسانا من دعواتك القلبيه وليست الكتابيه ..

هلا والله اخوي رائع .. الحمدلله انك حصلت لو شيء بسيط من الي تبغاه .. وانا والله طموحي يكون تحصل 100 % من المعلومات الي تبيها .. بس يالله مافيه شيء كامل الا وجه سبحانه ... ..

اول شيء مانصحك بفندق قريب من جورجيا ستيت .. لانه في الداون تاون .. وانا انبح حلقي وانا اصارخ وازاعق واكتب بالاحمر وشوي ادخل يدي وسط الشاشه وامعط شعوركم خخخخخ .. عموما حبيبي ابعد عن شيء اسمه داون تاون .. وانصحك تشاور جورجيا ستيت بخصوص هذا الشيء.. فهم عادة يتعاونون مع بعض الفنادق ويعطون سعر خاصه للطلاب .. بس انا الي انصحك فيه .. الشيء المجرب والي هو كالأتي ..

فندق همبتون ان
Hampton Inn - GA Tech
244 North Ave NW
Atlanta, GA 30313
+1 404-881-0881
Hilton.com


واذا تبي واحد فخم وموقعه حلو وماتفرق معك السعر فانصحك بهالفندق مره حلو.. وموقعه مناسب
Georgia Tech Hotel and Conference Center
800 Spring Street NW
Atlanta, GA 30308


واحسن موقع للبحث عن الفنادق .. هذا الموقعين بصراحه.. وكلاهما متشابه
BookingBuddy - Cheap Hotels - Compare Discount Hotel Rates
او
Cheap Hotel Rates - Book a Hotel Room - SmarterTravel.com

لانه يرتبط بكل الشركات الي تسوي عروض .. ويوفر عليك وقت بدال ماتدخل كل شركه وتسجل نفس المعلومات .. وبرضو ممتازه في البحث عن عروض طيران ..واجار سياره وغيره .. لان بصراحه قلق تقعد تحوس من بين الشركات وكل شوي تسجل بياناتك .. فهذي المواقع تسهل لك عملية البحث وتوفير الوقت..

وبخصوص القطارات .. اذا ماتغير علي النظام فخابرها يوقفونها في نص الليل على 1 مدري 12 ونس الليل .. ويفتحونها 5 الفجر .. واسعارها رخيصه بدولار و75 سنت .. للمشوار الواحد مهما يكون بعده ويشمل الباص بعد .. فلاتشيل هم المواصلات .. وجورجيا تك تعطي طلابها بطاقة مارتا (( باص وقطار)) ب 30 دولار في الشهر يروح زي مايبي ويركب زي مايبي ويابلااااش .. وشيك على جورجيا ستيت..

وبخصوص الاختبار الي تقول عنه .. لا والله ماسمعت عنه الا منك .. بس وقت ماسويت بحث وقريت عنه حصلت انه اختبار لغه انجليزيه مثل التوفل ويعطى فقط من قبل جامعة جورجيا ستيت.. معلومات عنه Admissions GSTEP

والله يجزاك خير على دعواتك الطيبه .. ولاتحرمنا منها .. ونبيها بالقلب تكفا..

اخوي احمد .. للاسف ماعرف احد والله .. بس فيه دكتور سعودي مدرس فيها .. الظاهر في الهندسة الكهربائيه على ماظن .. ماني متأكد وناسي والله اسمه .. والجامعه تبي الصراحه مره صعب قبولها .. بس انت جرب .. ان لقحت والا ماضرها النخل على ماقالو .. واذا جاك قبول منها لاتفرط فيها وانا اخوك .. تراها طموح الملااااايين .. وجامعه رااااائعه بكل ماتعنيه الكلمه وخصوصا في التكنولوجيا والهندسة .. زي مايقولون اخوانا المصريين .. تطلع رقاااله ..

مشكور حبيبنا أنس ع الرد..

والله يوفقك ,,

العفو اخوي محمد..

والله يوفقنا واياك ان شاء الله..

موضوع قد يهم البعض منكم:

لجميع الطلاب الذين يبحثون عن قبول جامعه.. هذه سبعة خطوات جدا مهمة اتباعها
http://www.mbt3th.us/vb/forum8/thread101356.html