ياشباب ويابنات وش الاشياء المهمة اللي لازم تكون معي فبل اطلع من السعودية؟؟

افا والله بس ...معقولة ياشباب مافي شي مهم ؟!!!!!


علينا ياشباب ؟؟؟

حسبتك متزوج بعلمك بشغلات الحريم بس دامك عزابي مدري والله عن أغراضكم
ايه جب ساعة الفجر
وبعد بندول وجب مدري صراحة لو ما أعرف
بس بالمطار دبر عمرك والزق بأي سعودي يعرف يتكلم انجليزي
وجب المصحف أهم شيء

مصحف + سجاده + دفاتر وأقلام + دقشنري إاليكتروني + كتاب دقشنري إكسفورد عربي إنجلينزي إنجلينزي + الملابس على حسب الديره لكن كثر من البرموادات والشورتات لإننا بفترة الصيف + تمر + جبن سائل + رخصتك السعوديه + بعض البسكويتات وبعض الأكل على مابأل تتأقلم على أكلهم + عدة حلاقه +

وأنت ماوضحت وش سالفتك هل أنت مبتعث وإلا على حسابك الخاص

عالعموم أهم شي الأيتوني i-20 والجواز وصور شخصيه وشهاداتك مترجمه وصور لبطاقة الأحوال والله يسهل عليك

ههههههههههههههههه

أهم شي الجواز والفلوس والشهادات

ولا تخاف ماراح تبهدل

وعفشك أشحنة من الرياض قول ما اريد أستلمة إلا عند آخر محطة وصووول
ولا تآخذ معك فلوووس كاش واجد ...
خذ بفلوسك شيك مصرفي مو شيك سياحي تفتح حساب بالبنك وتصرفة بوقتة ما جلس معي أكثر من ربع ساعة إلا وهو بالحساب

ونصيحة أول ما توصل لمدينتك أفتح حساب 3 ايام وتجيلك الصرافة على البريد

وطلع رخصة سواقة على طول .... ولا تنسى تجيب معاك الرخصة السعودية لأنها تختصر عليك شي واجد ( الرخصة الجديدة )

ويحقلك تسوق بالرخصة السعودية الجديدة 3 أشهر من دخولك أمريكا ...

ولا تجيب معك ملابس خاصة إذا كنت تتبع الموضة لأن الموضة هنااا شي ثاني عنا ... بس ملابسنا بصراحة أفضل بكثير ...

وأنتبة على الاجهزة الكهربائية اللي معاك .. مثل اللاب توب ومكينة الحلاقة ووو الدقشنري والحاجات الثانية

حطها في شنطة العفش ولفها مضبوط لأني حصلت ضربات قووووية بشنطتي يووم استلمتها

وووو ايش ياربي ايش ..

ولا تشتري شريحة جوال من المطار لأنها تختلف عن شريحة الجوال اللي في ولايتك من ناحية الصرف .....
وإذا وصلت المطار بواشنطن وتريد تدق على أهلك
فيه بطايق بـ 5 دولار وفية تلفونات ثابتة تدخل رقم البطاقة وتدق على أهلك وتضيف (011966) وبعدين رقم جوالك تراني والله تبهدلت بالطريقة هذي

مثلاً جوال اللي بتدق علية رقمة (05444444444) من امريكا تدقة (011966544444444444)
ورب بهدلتي الطريقة هذي ما كلمت أهلي إلا عقب يووم من وصولي حتى جوالي السعودي ما رضى يدق وانا شاحنة ب 100 ريال من مطار الرياض ...

وووووووو سلااامتك

هلا اخوي
ماشاالله الشباب ماقصرو كفو ووفو
لكن بالنسبه لوقت السفر
احسب حسابك يبيلك يوم عمل بواشنطن اذا انت بتروح السفاره
مع انهم يقولون مايحتاج تروح السفاره يمديك تفتح ملف وتسوي كل شي بديرتك هذا الكلام اذا انت على حسابك
اذا مبتعث اكيد لازم تمرهم
واتوقع يبيلك ثلاث او اربع ايام قبل موعد الدراسه بالمدينه الي بتدرس فيها بتسكن بفندق لو تحجز من الحين ارخص لك بالنت
وطبعا العائله معروف نظامهم مايسكنونك الا قبل الدراسه بيوم
الله يوفقنا وياك يارب تروح وترجع بالسلامه ان شاالله

يابعد عمري يانونوبيبي مشكور على نصيحتك اللي احس معناها اني ضايع ضايع ... بس بصراحة طمنتي اني بشوف سعودي في المطار....

احييك على مرورك اللطيف............................................ ..........................................

اهلين بالاستاذ KASR الله يوفق قل آمين ..... وكل اللي ردوا علي .... بس تمر وجبن سايل والله لو تشوفها امي ان تشك فيني بتقول كاشت يابن اللذينا ...... ولكن ماعليك بدالها بجيب اندومي بنكهة الدجاج .......!!!!!!!!!!!!!!!!!!!!!!!!!!!!!!!!!!!!!!

لاتقطعنا الله يخليك........

بالتوفيق يالغالي ودرب السلامة ان شاء الله

دور في المنتدى في مواضيع مثل موضوعك موجوده من قبل

اخوي عزوز والله ما ادري وشلون اشكرك..... بصراحة نصايحك دسمة وبعضها باين انك ما قلتها الا بعد منكحة .... بس هانت يابطل ..


واخيرا عندي استفسار ياليت ترد لي اذا اعندك خلفية عن عنوان السفارة في واشنطن ...كيف اروح الى هناك بالتكسي يمكن مايفهم علي...وبعدين كيف ارجع للمطار ثم اروح الى ولايتي......... وآسف على الازعاج.......!!!!!!!!!!!!!!!!!!!!!!!!!!!!!!!!!!!! !!!!!!