معهد EF في أولـومـبيـا ابي معلومات عن المعهد

انا كمان موعد دراستي قبل موعد الفيزا
ما ني عارفه كيف اقدم على موعد قريب في السفاره
لان مافي مواعيد

ما ابغي احطم احد ..بس حرام تعانون في هذا المعهد من البداية ..حاولوا تغيروا المعهد يا بنات وخصوصا العوائل ..لايمكن العيش في هذه المنطقة..هي صحيح امنه ورخيصة طبيعتها ولا احلى ..يمكن للاولاد العزابية ممكن بس عوائل غير ممكن ..المعهد موجود في غابة وكمان المعهد التدريس فيه حق سياح مو لدراسة الاكاديمية وركزوا على كلمة اكاديمي ..واول ما توصلن ان شاء الله المشرفة في الملحقية بتقول لكم تغيرووه
انتبهوا المعهد مو اكاديمي ..حق لعب بس
تعذبت وااجد لما درست شهر ونص وبعدين غيرته الحمد لله
واسفة اخواني ..بس هذ الواقع
تحياتي لكم وبالتوفيق

الاخت zaina مرحبا اولا .... ثانيا انا اتعجب من كلامك الغير منطقي والمحبط صراحة لكل واحد يفكر يدرس في الخارج
صحيح كل واحد لة وجهة نظر ونحترمها لكن لاتكون بأسلوب التنفير ربما انتي تتكلمين انك نفسيا ما اتأقلمتي هناك بس ما يعني
ان المعهد فاشل .. كلنا نعرف ان معاهد EF لها فروع في دول عديدة من ضمنها السعودية وهو معهد جيد جدا من ناحية التدريس
برضو عارفين انة معهد تجاري يعني لايتبع الى جامعة بل مستقل بس لايعني انة اي كلام على قولك (حق لعب بس)
لعلمك المعاهد التجارية بالمئات في امريكا ومتكدسة بالطلاب هل يعقل انها كلها خرطي .. اذا كذا معنى كلامك معاهدنا هنا كلها
خرطي لانة كلها تجارية وليست تابعة لجامعات معينة
اعتقد بأمكانك الاستفادة من الدراسة هناك وفي نفس الوقت التقديم على التوفل ثم التقديم على اي جامعة اذا مستواك متطور
بس كلامك ان المدينة ماتنفع للعوائل ليش اذا العوائل تبحث عن المكان الآمن والرخيص والطبيعة الممتازة والشعب المحترم
اعتقد أختي ربما انتي ماتأقلمتي نفسيا هناك بس مايعني ان المكان فاشل .. وسامحيني للتوضيح والاطالة

زينا ومو معقول

تركم حيرتووووووووووووووووووووووووونا.....

طيب يااخت زينا انتي وين تدرسين وايش احسن معهد للدراسه؟؟؟

وسؤال اخر- ليش المعهد هذا موكويس؟؟

كم ليفل؟

بليز تكلمي عنه محتاجين كل معلومه.........

انا اعرف ان المعهد مشهور عالميا ...بس كل فرع يختلف عن الثاني
انا مو قصدي ابد احطم احد ..بس اعمل بما يقول احب لاخيك ما تحبه لنفسك وانا عانيت في المعهد والعيشة وماابغي احد يعاني بعدي اذا اني اقدر انصحه واساعده ..انا ما ادخل منتدى مبتعث صار لي سنه بس لما شفت رسالة ام معتز تعجبت ان للحين يبعثوا الطلاب لهيك معاهد ..المشرفة غادة تتعجب كيف يرسلوا الطلاب لهيك معاهد بعد
اولا المعهد في منطقة نائية وباص واحد او ثنين اعتقد اللي يطلع ويدخل لها وعشان تطلع تجيب لك شي تاكلها تاخذ يوم كامل
يضيع يومك ولا سويت شي
غيرشذي لايوجد غسالات للملابس داخل السكن ولكن لابد من الخروج والغسل في محل للغسيل مشترك لجميع سكان الحي ويمكن جميع طلاب المعهد والجامعه ولكم ن تتصوروا الوضع كيف
غير شذي ااذا على الكلام انت اا راح تتعلم تتكلم بس ما راح تاخذ ولا ماده اكاديمية يعني راح تتعلم لغة الشوارع ولا مادة عندهم تأهلك لتوفل واركز واعيد لابد من دراسة اللغة بشكل اكاديمي ..واغلب مواد المعهد حق لعب ..لا دروس قرمر ولا مواد تعلمك القرأة والكتابة الاكاديمية

قبل ما اروح نصحوني ان المعهد شذي قلت بجرب ..وصلت امريكا وسمعت نفس الكلام من مشرفة الولاية ...بس قلت بجرب وطلع كل شي انقال صحيح
اني ما لي مصلحة احطم احد ..بس اعيد وازيد اسمعو النصيحة من غيركم اللي سبقكم في القدوم الى امريكا لان فعلا المجرب يعرف اكثر
وحاولو قدر الامكان تستفسروا عن المكان الي بتروحوه
وما على الرسول الا البلاغ
اني قلت للي كانوا معاي في نفس المعهد وحولنا ولله الحمد لمعهد ثاني ان في طلاب من الدفعة الخامسة جاهم قبول من معهد EF..قالوا لي انصحيهم لعل وعسى تفيديهم ولا يشوفوا الا شفناه ..

والحين احنا في معهد اسمه معهد جامعة واشنطن ..يعتبر افضل معهد في ولاية واشنطن ..وكل الطلاب اللي يجون للولاية يحولون عليه ..لان المشرفة تنصحهم فيه
اذا تبغون عنوان المعهد بعطيكم اياه ..وعبوا ابليكشن ويجيكم القبول خلال ايام او يمكن اسبوع ..وترى القبول في معهد لغة مررررة سهل
مو مثل ما الكل متصور

وربي يوفقكم

عزيزتي زينا
انا بسافر مع اولادي وزوجي
الان انا استعديت للسفر
لكن من كلامك هذا يعتبر زي.........وقف الاشاره حمرا
الان اوقف كل الاجرائات
كل الاستعدادات
طيب لما اغير فين اروح مدينه سياتل نفسها في جامعه واشنطن
ولا قصدك مدينه واشنطن العاصمه
لان كل مدينه لها المناخ مختلف عن الثانيه
وهذا كله من الاستعداد
خصوصا للي عندها اطفال مثل حالتي
ياريت توضحيلي اكثر لاني فعلا مصدومه من اللي قلتيه
اسفه طولت عليك ولكن
اعذريني
صرت حاطه ايدي على خدي وانتظر الرد من الصدمه

انا كمان بنفس المعهد دا زيناا ياريت تقوليلنا من ايت دفعه انتي
وهل في مجال انو ممكن المعهد اتطور وسار افضل
وبجد مرآ خايفه
شكلي بغير المدينه....

اشكر للجميع رأيهم
و أرى أن الوزارة هي من احضرت قبولاتنا ولا مجال للتغيير حاليا
وما إن نذهب هناك بحول الله سنعرف من الملحقية الوضع و هم سيقومون بالازم
علما أن تخبطنا الأن قد يعرقل مسائل كثيرة كالفيزة و غيرها
و مشكورة زينة و مومعقول
بس أهم شي دحين نثبت رجولنا وزي الأخت زينة لو كان الوضع مو جيد هما إحولونا من الملحقية
خصوصا أنوا مكاتبنا ما حتغيير بالساهل ومافي وقت للإنتظار أي توني جديد
عموما أغلب الطلاب ولو كانوا في معاهد كويسة إلا ما يحولوا لمعهد الجامعة إلا أبغوا
بعد فترة لأسباب متعددة
أنا عن نفسي حستخير و أروح و ربي يسهل دراستي بحول الله حتكون في يوم 3 شهر 5
أشوفكم على خير في أولومبيا و ربي أكتبلنا الخير
(( نسألك ربي التوفيق و التسهيل و التيسير ))

يااااااااااربي ..

ضاق صدري وأحترت أكثر ..

وش الحل طيب ؟!!

ممكن يا أخت زينا تعطينا رابط المعهد إلا انتِ فيه ؟

ياليت لو تساعدينا والله يجزاك كل خير يارب

اهلين اخواتي
بالنسبة للي خلصو فيزا ....ما لهم الا يجون ويتحملوا ..وبعد فترة مشرفة الولاية اسمها غادة بتساعدكم تغيرون المعهد مثل ما ساعدتنا
ان صاحبتي جت مع اولادها وما عرفت الا بعد ما وصلت ان المعهد هذا وضعه فتحملت شهر ونقلت بعدين وهي الحين بسياتل ..
اول ما توصلون اولمبيا براحة بتحصلوا سكن جنب المعهد ..والامور بتتسهل من ناحية السكن
كل شي يمكن يهون ..بس الدراسة اللي حي الله هي المشكلة ..ومو بس هذا المعهد الوحيد اللي اغلب الطلاب ينقلون منه كما معهد ELSالطلاب اللي يجون يعانون نفس المشكلة
ولا تهمون نفسك ولا شي ...القبول في معاهد اللغة مرة مرة مرة سهل ويتحصل بسرعة وتقدرون تحولوا اول ما توصلوا
وهذا موقع معهد جامعة واشنطن..والمعهد موجود في سياتل..وهو اكثر معهد يستقبل طلاب في امريكا مثل ما سمعت وكل شي في سياتل متوفر عكس اولمبيا مافيها الا الايفرغرين
http://elp.washington.edu/elp/programs/online.asp