مبتعث جديد New Member
الولايات المتحدة الأمريكية
شمري ف , ذكر. مبتعث جديد New Member. من الولايات المتحدة الأمريكية
, مبتعث فى الولايات المتحدة الأمريكية
, تخصصى Industrial Engineering
, بجامعة california state university, East Bay
- california state university, East Bay
- Industrial Engineering
- ذكر
- San Francisco, CA
- الولايات المتحدة الأمريكية
- Aug 2009
المزيدl January 10th, 2010, 08:04 AM
January 10th, 2010, 08:04 AM
السلام عليكم ورحمة الله وبركاته
اخواني السعودين انا حاظر لاي سوال عن سان فرانسيسكو
وابشروا باللي يخدمكم من عيونه
اخوكم
الشمري
السلام عليكم كيف حالك اخوي
انا حبيت استفسر عن الجامعات الي في سان فرانسسكو وعن درجة الايلتس او التوفل في القبول في الهندسة باكالوريوس
وشكرااا اشكرك على المبادره الطيبه
قل قسم January 10th, 2010, 08:08 AM
7 " الله محيك اخوي
بالنسبه للجامعه انا الصراحه للحين ماقابلة احد بسان فرانسيسكو بالجامعه
والله مدري عنها اي شي
انا للحين بمعهد وانشاء الله الجامعه ناوي اطلع من سان لانها يالغالي المدينه غاليه حيل
والعيشه صعبه فيها
ولقيت هنا فلسطيني يقول السعوديين مايجون هنا لانها غاليه والراتب حق البعثات مايغطي
لاكن انشاء الله بسالك عنها
اسف لاني ماعرف شي عن الجامعه
تحياتي
شمري ف January 10th, 2010, 08:12 AM
7 " هلا بالشمري ،،
تصدق لي 4 شهور في لوس أنجلوس ،، أتمنى أجي لسان فرانسيسكو
أحسها روووووووووووعه ،، مع انهم يقولون اغلى من لوس أنجلوس ،،
بس من كثر ماشفتها في الافلام أمنيتي اجيها ،،
ان شاء الله اني بجيكم عن قريب ،، اذا كتب ربك ،،
بس خبرنا شوي عن المدينه كيف ؟ وعن الجو فيها ،،
وتحياتي لك
خــAــاSلــUــد January 10th, 2010, 09:44 AM
7 " اخوي خالد حياك الله
المدينه طبعا حسب كلام الناس عنها انها من احلى مدن امريكا
وفيها اكبر chinatown خارج الصين مايحتاج تروح الصين الصين عندك
والاجواء والله ممتازه مره قبل فتره بالهولدي قابلة شباب جاين من لوس انجلس
ويقولون ان جونا ابرد من جوكم وعلى كلام الامريكان يقولون بالصيف جوهم حلو
لاهو بحار ولاهو ببارد يعني ممتازه انك تجي بالصيف او الشتاء والاماكن السياحيه
وااجد واشهرها القولدن قيت الجسر المعلق الاحمر
وفيه عندنا سوق على البحر يجونه السياح وكويس بعد
وعندنا اليونين سكوير بالداون تاون هذا دايم مزحووم
وعلى فكره تراني جديد بالديره مالي االا شهرين
وفيه عندنا مسااجد واجد
وعندنا الجاليه اليمنيه شباب كويسن
وعندنا مطعم يمني توه فاتح حق كبسات ومضغوط ومضبي
والمطاااعم العربيه واجد
بس والله المدينه غاليه يعني ياطويل العمر اتعشى بمطعم مغربي يالله يشبعك 12 دولار
وانا اللحين ساكن عند عايله ادفع لهم على كل 4 اسابيع 1100 دولار
مدري انتوا صرفياااتكم مثلنا ولا
على العموم الله يعين
والله اني مثلك من جيت وانا ودي بعد اجي للوس انجلس
والله محيك
تحياتي
شمري ف January 10th, 2010, 11:01 AM
7 " اخوي انت في اي معهد تدرس ؟ و كيف السكن مع العائلة هل هو كويس ام لا ؟
mr.cash January 10th, 2010, 11:16 AM
7 " mr.cash
انا ياطويل العمر في معهد اسمه
kaplan aspect
والصراحه انا قصتي قصه مع سكن العايله
انا اول ماجيت استقبلني ولد عمي وخذيت عنده لي كم يوم
بعدين وصلني عند العايله ودخلت بيت العايله ادور عايله ماحولك احد شايب يهودي
وووووبس وتخيل المكتب اللي حاجزلي يقولي عايله كامل يعني انه ماوضح لي اني بسكن عند شايب يهودي مجمع لي عنده كم طالب ومخليهم خدم ينظفوون وانا حاط لي سرير بمرر يقول هذي غرفه وكل شوي واحد داخل واحد طالع ودورة المياه تكرموون يشاركني فيها الشايب الله يقلعه ملابسه موصخهم ومعلقهن ورا باب الحمام وتعال شوف الريحه
وانا جيته يوم السبت والاثنين اول ما دومت ولعت لك بالمعهد غسلتهم غسيل يحبه قلبك
وغيرو لي العايله حطوني عند عايله عندهم واحد سعودي من عمري وواحد ليبي ومره كبيره عمره بال40 وامها معنا المره شغاله ممرضه بالمستشفى والله ياهي حبيبه ونظيفه
وتخدمنا اتعبناااها معنا ومغير سوالف معها هي اللي تعلمت منها انقليزي وانا انصحك انك مع عايله اول شهرين ثلاث بعدين رح سكن الطلاب تبي تستانس انشاء الله
والله اني اول ماجيت وصارلي الحركه الشينه مع المعهد كرهت امريكا وبغيت ارجع السعوديه ضاقت فيني الوسيعه لكن اللحين لا والله مستانسين والامور تمام ولله الحمد
Mandoleen
والله انا انصح بSF للي مرتاح مادين المدينه ولله الحمد مافيها مشاكل ولا صادفتنا
بس الصراحه ماشفت فيها سعووديات ابد اخف تجين وماتلقين احد وانتي وكيفك
بس كاليفورنيا على العموم من احسن ولايات امريكا لانها اشهرهم من ناحية السياحه فشي طبيعي تكوون كويسه وانصح با اوهااايو الكل يمدحها بس انا ماجيتها
شمري ف January 10th, 2010, 11:37 AM
7 " 
LinkBack URL
About LinkBacks
January 10th, 2010, 08:04 AM
وابشروا باللي يخدمكم من عيونه
الشمري