طلب صغييييير ساعدوني فيه لو تكرمتم لسكان TEMPE في اريزونا!!

- المدينه رائعه وراح تنبسط فيها ان شاء الله
- السكن انواع واشكال في هذه المدينه لكن احرص انك تشوف السكن وتسأل عن العقد كم مدته ووشي العروض واختار الي يناسبك واصلا مهما كان السكن بعيد عن الجامعه الباصات متوفره بكل مكان يعني ماراح تصير مشكله بعد السكن وفيه شي اسمه النادي السعودي في اريزونا
اتصل عليهم ويستقبلونك و حتى يدورون السكن معك مايقصرون معك ان شاء الله واذا احتجت شي عطني خبر وابشر بالي تامر عليه بس اهم شي تصير هلالي ههههه امزح
- البنك انا فاتح حسابين واحد في ويلز فارغو والثاني بنك اوف امريكا
انصحك في بنك اوف امريكا لأنه منتشره الصرافات في كل مكان الملحقيه تتعامل مع هالبنك
- كثره السعوديين بصراحه كثير يعني الكلاس الواحد فيه 15 شخص 11 شخص سعودي و4 اجانب هذي المشكله الوحيده في هذه المدينه لكن يتقلص عدد السعوديين كل ماتقدمت بمستويات اللغه

اي شي تامر عليه انا في الخدمه وبالتوفـــــــــــــيق

السلام عليكم

لكل من أراد الاستفسار ... بس اسمحولي اقول كلمتين قبل ما أعلق .. لاحظت ان الكل يسأل أسأله عامة جدا ,, وأسئلة تقدر تحصل عليها من موقع المعهد ولا موقع الجامعة + موقع بلدية تمبي ... يا اخواني انصحكم تقرون ثم تقرون ثم تقرون ...






أنصح بتصفح الموقع قبل طرح أي سؤال يتعلق بالسعر وطريقة التدريس

• أما رأيي الشخصي بالمعهد من خلال الدراسة فيه لمدة 4 شهور فأعتقد أن المعهد متوسط ناحية مستوى وقيمة الفائدة المرجوة في تعلم اللغة الإنجليزية . << هذا قبل سنة والله أعلم حاليا

• وضع السعودين في المعهد في ازدياد .. لاحظت زيادة عدد السعودين في المدينة ولما سألت قالوا في كل فصل أقل شي 7 سعودين من 18 طالب من دول مختلفة , من ظمنها بعض الدولة العربية مثل الكويت وقطر والامارات وليبيا .

• الشيء المميز في المعهد انه يعطيك شي يسمونه (توفل ويفر) يعني إذا وصلت لآخر لفل وجبت فيه 80% وفوق الجامعة تشيل متطلب التوفل من عندك ... والميزة هذي ما سمعت عنها في أي معهد ثاني .

• المعهد راح يكون مفيد جدا للطالب في حال:

1- يحاول يختلط مع أجانب ,,, حتى لو بنقال أهم شي اترك عنك العرب لأنك ما راح تستفيد شي ... وعلى فكرى الشعب هناك لطيف جدا لدرجة إنك لو تشوف واحد بالشارع وتبتسم بوجه يمكن يسولف معك لين يوصل سيارته مثلا ... فلا تتردد إنك تقط مع الأجانب أبدا .
2- لما تسأل أو تسمع ان أحد الطلاب العرب يمدح مدرس أو مدرسة وانها تعطيك درجات والوضع سهالات ... حاول تبتعد عنها لأنك ماراح تستفيد شي من كلاسها ... دور لك مدرس يكرفك في الواجبات عشان تطلع بنتيجة كويسة .
3- لو عندك ألف سؤال لا تتردد إنك تسأله في الفصل وخل تضيع الحصة كلها عليه لا تستحي .
4- حاول تطلع طلعات مع أمريكان ... ولو لك في الكورة شوف لك جماعة كورة وتشبك معهم زي الحلاوة .

• أما ما يخص المدينة وطقسها ومستوى الأمان فيها:

موقع بلدية تمبي Tempe in Touch
أرجو تصفح الموقع لأخذ بعض المعلومات العامة عن المدينة .


غلاء المعيشة: متوسطة إلى غالية نسبيا .

الطقس: حار جدا في الصيف وبارد في الشتء ... نفس جو السعودية .

الأمان: آمنة بنسبة 90% .. توجد بعض حالات سرقات السيارات .

المواصلات: الباصات (تتحرك باسم الشارع .. يعني من التقاطع الفلاني لى التقاطع الفلاني وهي تكون بمبلغ مادي ويتوفر فيها اشتراك نصف سنوي أو سنوي) + باصات الآحياء (الآوربت - وهي تتحرك داخل الأحياء لتتجه إلى المحطات الرئيسية في المدينة وهي مجانية , لا أنصح باستخدامها بعد الساعة 9 والنف ليلا فيكثر فيها المتسولون نظرا لأنها مجانية) + قطار المدينة (وهو من أحدث القطارات الداخلية حيث تم تشغيله في ديسمبر 2009 فقط ,, ليس مجانا , ولكنك تستطيع استخدام نفس بطاقة الباصات للصعود عليه والعكس) + أخيرا التاكسي (عد واغلط , لكن أنا أنصح بشركة اليلو كاب فهي أرخص الموجودين تقريبا) .

السكن: من 550 دولار إلى 1300 دولار شهريا (بدون فاتورة الماء أو الكهرباء) . السكن المعقول راح يكلفك 900 دولار إلى 1000 دولار شهريا .
https://www.places4students.com/Index.aspx
هذا موقع راح يساعدك في البحث عن السكن ويعرض لك السعر والعنوان وبعض الصور وآراء بعض الناس .


المطاعم الإسلامية: لحسن الحظ أن هناك أكثر من مطعم وبقالات عربية في المدينة + مطاعم وبقالات منتشرة في المدن القريبة مثل فينكس أو شاندلر . zabihah.com - your guide to halal eating
هذا الموقع ممتاز جدا . ماعليك إلا انك تدخل اسم المدينة + الرمز البريدي ويعطيك المطاعم العربية الاسلامية الي حواليك ,,, هذا الموقع أنقذني أول ما وصلت .


البنوك: ينصح ببنكي شيس أو بنك أوف اميركا لإعتبارهم أكبر بنكين في أمريكا حاليا .
www.chase.com

https://www.bankofamerica.com/index.jsp



أتمنى للجميع الوصول بالسلامة أولا وأن يشركونا في صالح أدعيتهم وصلواتهم .
تحياتي: حكيم