هل تنصحوني بجامعة university of Washington-Seattle

اخوى لو عندك قبول من الجامعه قدم عليها هادى من احسن جامعات العالم وطلما انت مجتهد هتعدى انشاء اللة ويكفى انك تتخرج منها

اخوي ذا الجامعة من الجامعات ال Top في امريكا ..
قل ان شالله تقبلك .. ولو انقلبت رح ولا تفكر ..
واللي اتوقعه انها دامها قويه فهي دراستها صعبه جدا وتنافسيه ،، لاني فكرت اقدم عليهم ماجستير ادارة اعمال بس لما شفت متطلباتهم حسيت اوفر بالنسبه لي وتقدر تقول مستحيله خخخ.. والطلاب اللي عندهم من الأوائل واتوقع الــ geeks بعد خخخخخ

بالتوفيق

واذا تبي جامعات سهله وسهالات امورهم.. شف اللي فيها نوادي سعوديه وتكدس سعوديين خخخخخخخخخخخخ

فيه عدد من السعوديين.
الجامعه قويه وانصحك فيها.

الجامعه من التوب تن في أمريكا ورح يكون المشرف عنك مبسوط لأنك انقبلت فيها
ولا تخاف هناك التعليم مو زينا ، هناك فهم واستمتاع ، مو صم وسمع زي السعودية

أخي الكريم
جامعة واشنطن في مدينة سياتل من خيرة الجامعات (أرجو الرجوع إلى تصنيف شنجهاي للجامعات في العالم: آخر تصنيف عام 2009م): تصنيف جامعة شنجهاي في الصين الأدق والمعتبر عالميا فقد جاءت جامعة واشنطن/سياتل في المرتبة 16 عالميا 14 على جامعات الأمريكينين وكندا (أمريكا الشمالية والجنوبية وكندا) وتصنيفها حسب شنجهاي في الهندسة 26 على جامعات العالم قاطبة
إن قبلت فيها فأنت محظوظ بلاشك ولكن شد الحزام لأنها على درجة عالية من الجودة التعليمية. أنا تخرجت منها عام 1981م بكالوريوس هندسة كهربائية ربما قبل ولادتك ...لكنها منذ ذلك الحين وهي في القيادة وأحد أسباب ذلك أنا لجامعة مدعومة ماليا من شركة بونج لصناعة الطائرات والتي تستقطب خريجيها للعمل في مصانعها خاصة المهندسين بمختلف التخصصات وتريد شركة بونج أن تتأكد من أنها ستوظف أفضل الخريجين....فإن قبلت بها فتوكل على الله ولكن شد حيلك لأن المنافسة في هذه الجامعة شديدة وستزامل خيرة الطلبة ولكنك ستتخرج متعلما أصول الهندسة وسوف تستقبل بالأحضان في المملكة ...إن فكك الله من الواسطات وسخافتها...لاتتردد إن كنت ذو همة....وفقك الله تعالى وراسلني إن شئت فسأكون مسرورا لمساعدتك (تم حذف الإيميل لأن عرضه مخالف لشروط المنتدى)

اشكركم جميعا على ردودكم

واشكرك جزيل الشكر iomim على اهتمامك

باذن الله حتوكل واقدم عليها والله يكتب الي فيه الخير .. ووفقنا الله واياكم دنيا واخرة

اخي الكريم بالتوفيق مقدما
بس معلومة سريعه او كما يقولون quick hint
تخصصك موجود في الاف الجامعات في العالم وفي معظم الجامعات الامريكيه وليس كما قلت انه يوجد في جامعات قليله
يبدو لي انه التبس عليك الاسم لان الجامعات تختلف في تسمية التخصصات انت ابحث عنه من وصف التخصصات المعروضه في اقسام الهندسه وليس من عنوان التخصص
مثلا هذا التخصص شائع دراسته في قسم النظم في قسم مستقل او قسم النظم تحت قسم الهندسه الكهربائيه او قسم ال operation او قسم التحكم control وجميعها تكون في كليات الهندسه والحاسب بس طبعا ابعد عن اقسام الاداره لانه يكون تخصص اداري وليس هندسي حسب ماترغب انت

وبالنسبه للجامعه .. مايحتاج تشاور فيها الحين ... اول انت جيب قبول فيها وبعدين شاور
تحياتي

هذه الاجابة المميزة والنصيحه الرائعه