استفسار عاجل لأهل بورت لاند

الصراحة انا باجاوبك من الواقع اللي شفته في بورتلاند عن السكن فقط وباقي ما طلبت ان شاء الله الأعضاء يقدرون يفيدونك فيها

في البداية موضوع الأمان في بورتلاند موضوع محسوم من البداية وهذا من احد الاسباب اللي خلت السعوديين يتكدسون في بورتلاند وكذلك عدم وجود ضرائب على المشتريات
ولكن مثل ما قالوا الدنيا أمان الا ساعه ,,, والصراحه ياما كنت اتمشى بالدوان تاون مشي على الاقدام بس مع بعض الزملاء في اوقات متاخره جدا بالليل ولله الحمد صار لي 7 شهور ما واجه اي موقف لحد الآن.....

طبعا مبلغ المكافئة للمبتعثين بعد زياده ابو متعب (الله يحفظه) حوالي 1800 دولار ,, اما المرافقين وراتب الحضانه ما عندي عنه اي علم....

ومثل ما ذكرت في موضوع سابق ارجع واذكر من جديد

طبعا الشقق اللي جبت لك اسعارها اغلبها في الدوان تاون (وسط البلد) يعني بالعربي لو ابتعدت برا راح تلقى ارخص وانظف وبمميزات اكثر,,,

عموما هذي بعض الاسعار من واقع معاينه شخصيه:
- المكونه من غرفه واحده تترواح اسعارها مابين 900-1300 دولار غير شامله فواتير الخدمات
-المكونه من غرفتين تترواح ما بين 1400-2000 دولار غير شامله فواتير الخدمات

وطبعا هذي اسعارها تختلف باختلاف المواسم,,,, يعني تتغير بحسب المواسم والطلب ولكن هذا هو معدل الاسعار التقريبي

انا ساكن مع صديق لي في شقه غرفه واحده وصاله ومطبخ ودورة مياه بــ 935 دولار شهريا بدون الفواتير.

وطبعا احسبوا حساب انه اغلبيه الشقق عقود التاجير عندها اقل 6 شهور والبعض 8 وكذلك يعني النظام يختلف باختلاف شروط صاحب العقار وطبعا يا حبايبي لا تنسون ان فيه وديعه تامين ترجع لك في حال انتهاء عقدك ولو كسرت العقد اخذوا عليك الوديعه حسبي الله عليهم .... طبعا الوديعه تختلف من مكان لاخر اعرف شباب اخذوا منهم 400 دولار واعرف شباب غيرهم اخذوا منهم 1800 دولار

طبعا بما ان زوجتك عندها جواز امريكي فمعنى هالكلام انها تقدر تستخرج رقم (Social Security Number) وهو عن طريق انها تقدم في اي وظيفه في اي مكان وتشتغل ولو يوم واحد على الاقل وبعدها تلقائيا يطلع لها هالرقم وله مزايا كثيره مثل (خصومات وبطاقات عروضات في بعض المحلات, وكذلك بعض الشقق تطلب منك وديعه اقل واحيانا ما تطلب شيء نهائيا في حال كان عند زوجتك Social Security

ولكن الحذر الحذر في التعامل مع هذا الرقم لان كل المدفوعات تسجل عليه من مدفوعات خدمات او قروض لان هذا الرقم عباره مثل السجل يسجل عليه تاريخك الائتماني وانتظامك في سداد مستحاق القروض والفواتيير يعني بالعربي لو تاريخك اسود في الدفع وانك انسان مماطل صدقني راح تخسر الكثير من القروض اللي تقدمها البنوك وكذلك ثقه مؤجري العقار لما يشيكون عليك عن طريق هالرقم)

عموما نرجع لموضوعنا من جديد الا وهو المساكن والشقق,,,,

طبعا فيه كذا موقع تعطيك فكرة عن الاسعار وموجد فيها وحدات سكنيه بجميع الانواع(شقق,منازل,...الخ)
بس افضل شي رفع السماعه والاتصال فيهم لان الاسعار احيانا تكون غير محدثه او تكون فيه عروض ما نزلت على الموقع

وهذي بعض الروابط فيها صور لشقق واسعار واحب اقول احيانا لا تغركم الصور .....
Homes for Rent, Apartments, Houses for Rent, Rental Homes
http://www.rent.com
Apartments For Rent - Nationwide Apartment Rental Search - ForRent.com
http://portland.craigslist.org/searc...ooms=&hasPic=1

اتمنى اكون افتدك وياليت تقرأ توقيعي

الله يسعدك ووالديك دنيا وآخرة بس نبي همة من الأخوان الله يوفقهم

السلام عليكم

اخوي هذي المنطقة بيفرتون الي ساكن فيها كم تبعد عن بورتلاند ؟؟

وهل هي مأثثه ولا لا ؟؟

وحولك عوايل سعودية عربية الا هي ولا اكثرهم عزاب ؟؟؟




وبالنسبة للحضانة اذا انتو بتدرسون بالجامعة فالجامعة فيها دي كير بس لازم تسوي حجز من قبل

شوف راسل الجامعة وتأكد لان الدي كير حق الجامعة اكيد بيكون ارخص

س : انتو جايين على اي طيران ؟؟ <<<<<< متوهقة بالطيران مادري وش اختار

وشكراً

يعطيكم العافية ويوفكم ربي ياللي رديتو..وبالنسبة لحضانة الجامعة وش اسمها وهل لها موقع خاص أو نفس حق الجامعة وكيف مستواها؟أما الطيران والله لسة ماأدري ولا عندي فكرة هل لازم أحجز على السعودية والا لا..لأن زوجي يقول مو متأكد وهل من الضروري ننزل واشنطن عشان الملحقية والا لالأنه بصراحة يفضل إننا ننزل ببورت لاند على طول عشان بهذلة المطارات الكبيرة..وهذه المنطقة سمعت إنها تبعد ربع ساعة تقريبا وإحنا ماراح نشتري سيارة بالبدايةفكيف بتكون المواصلات يعني الباصات كم تستغرق عشان تودينا للجامعة ولو بستأجر مبدئيا بالداون تاون كم لازم يكون العقد يعني ممكن أخليه شهر وأغير

هلا اختي

بالنسبة للطيران انا بصراحه اشوف KLM ممتاز لانه يوصلك الى مستردام ومن مستردام الى بورتلاند

وبحكم سؤالي لاصحابي عرفت ان الKLM تقريبا الافضل

ويمكن يكون في افضل منه انشاء الله يدلونك عليه الاخوان الموجودين

ومكان الحجز انا بالنسبة لي حجزت من مكتب الطيار

هذا موقع لشقق اسمها هاريسون تاورز(بالداون تاون) وعلى فكرة ياخذون اقل فتره تاجير عندهم 6 اشهر ولكن قالوا لي يقدرون ياجرونك مده اقل وهي 3 اشهر ولكن قسط الايجار راح يكون اغلى

وهذا موقعهم بس على فكرة لا تغرك الصور لانها احترافيه وبعدين ترا الشقق مو مفروشه يعني مو مثل اللي بالصور اللي على الموقع ... لاني شفتها بنفسي وناوي انقل لها قريبا.

بس الصراحه في هالفتره الحاليه يعتبرون افضل عرض شفته من ناحيه النظافه والسعر

Harrison Tower Apartments and Portland Apartments

الله يعطيكم العافية والصور مرة روعة بعدين أخوي أنت تقصد مو مؤثثة بالمرة أو مستوى التأثيث مو زي الصور

طبعا المطبخ فيه مايكرويف وثلاجه وادراج المطبخ وآله غسيل (dish washer) الصحون والصاله وغرف النوم مفروشه موكيت, ودورات المياه بادراجها ودواليبها
,,, يعني عليك فرشها من الكنب والاسره وعده المطبخ(الصحون,.....الخ)