.. عصـــــــــــ(تجربتي)ـــــــــــارة .. من A تـــو Z

الحقيقه معلومات مفيده الله يعطيكم العافيه


بس محتاج معلومات اكثر عن السكن اذا ممكن تحطوا قائمه بالسكن

اقرب سكن مرتب ونظيف لمعهد ELS الموجود بجامعه دومينكان

ولكم خالص الشكر والتقدير

الله يعافيك اذا جالس وقت قصير في واشنطن ماله داعي تفتح حساب من عنده .. انا وجهة نظري تفتح حساب في الفرع اللي راح تتعامل معاه وقريب لسكنك او ع الاقل في مدينتك.

تقدر تراسل المعهد نفسه وتستفسر اذا عندهم سكن او شي .. بالنسبة لي ما اعرف اي شي عن الجامعه هذي للاسف. لكن لو المعهد ما اعطاك شي .. عطني خبر واحاول اشوف لك.

موضوعك جا ف الوقت المناسب

الله يسعد قلبك اخوي

احكي لنا عن كولومبس فيما لا يقل عن خمسة اسطر !!

وكيف الجو هناك وكل ابو شي

لاني ناوية ان شاء الله ع المدينة ومعهدك كمان

وياليت تحكي عن المعهد برضو

شاكرة لك تعاونك

الله يوفقك ويعطيك لين يرضيك

شكرا

اخي العزيز نزيل كولومبوس
انا بجي مع العائله محتاج شقه من غرفتين

ممكن تعطيني المجماعات السكنيه الي العوايل ساكنيين فيها

ومتوفر جنبها مدارس وحضانات

امين وياك ويوفقك
بالنسبة لكولومبوس طبعا هي عاصمة اوهايو ستيت وسكانها فوق مليون.. مليانه مولات وسوبر ماركات وباركات وكل شي تقريبا يحتاجه الشخص موجود .. المدينة جدا اعجبتني لا فتنظيمها ولا في جمالها ولا في شعبها .. فيها نهرين و الاول يمر في حرم الجامعه اسمه اولنتانجي , والثاني في غرب المدينة اسمه سيوتا .. فالصيف تكون خضرااا وجو خيال وممتاز .. يبدا البرد فيها في وسط الخريف تقريبا ويبدا تساقد الثلج فيها عادة في نهاية ديسمبر لكن السنة ذي نزل في 1 ديسمبر .. درجة الحرارة ع كلامهم توصل الى -20 وبعض المرات انزل .. الان الثلج نازل والبرد فيها مو لهدرجة .. اذا تلبس الواحد وغطا اطرافه يدفى.. المدينة فيها باصات للتنقل .. باصات الجامعه وباصات المدينة .. والطالب يركبها فرري يروح للي يبي ما دام معاه بطاقة الطالب .. السكن فيه شي في حرم الجامعه وفي شي برا .. بعض الشقق والغرف تكون مفروشه وبعضها لا .. غرفة ستديو في مطبخها وسريرها تقريبا المتوسط من 500الى 600 .. الغرفتين والصالة بعيد عن الجامعه بس سهل فالباص التنقل تكون تقريبا 800 المتوسط طبعا.

بالنسبة للمعهد تبع اوهايو ستيت: نظام كوارتر فيه 5 لفلات والنهائي فيه 5a و 5b .. المعهد يعتمد اختبارات متشيقن كل مستوى لقياس مستوى اللغه للطلاب .. المعهد بصراحه ع حسب التيتشرز اللي يدرسون فيه لانهم يتغيرون بعض الاحيان .. لكن بشكل عام كويس من وجهة نظري ومن ناحية ثانية يعتبر قوي ولفله الاول مو سهل للي مراا مبتدئ.. نشاطات المعهد مرا حلوه وتطور اللغه للي يشترك فيها .. والجامعه مليانه ملاعب وصالات جيم يقدر يشترك الطالب فالكواتر ب 80 دولار .

ان شاء المعلومات ذي تفيد وبالتوفيق للجميع

هذي روابط المجمعات اللي يمدحونها اصحابها .. فيها برضو عرب وحلوه جدا ..

Luxury Apartments in Columbus | The Meridian Apartments هذا اقرب واحد لجامعه اوهايو ستيت وهو اغلاهم .. غرفتين وصاله موكيت مع ثلاجه وفرن وتكييف مركزي ب الف وحول ميتين ..

Sterling Place هذا غرفتين ونفس السابق ب 800 وشوي (حولها مدارس للاطفال) وفيه باصات تنقلهم خاصه لهم وفري

Governours Square - Apartments for Rent in Columbus , OH | Home هذا نفسهم بعد حول 800

- كلهم كويسين والباص يمر جنبهم وحولهم برضو سوبر ماركت ومطاعم. بالتوفيق

كل كوارتر تقريبا شهرين وشوي .. وكل نهاية كوارتر يختبر كل طالب اختبار متشيقن يحدد مستواه في اي لفل يروح .. مرات يطمرونك لي لفل عالي بناء ع المتشيقن .. ومسموح للطالب يعيد اللفل مرتين بس .. اذا رسب مرتين راح يفصلونه . ومتشيقن عبارة عن 3 اجزاء:
1/ ليسننق.
2/ اختبار ع القرمر+مفردات+قطع واسئله عليها
3/ رايتنق.

بالنسبة لاختبار المتشيقن

هل راح يكون الاختبار في اللي درسته الشهرين وشوي ..

ام اختبار عام ؟