أي إستفسار أو خدمة من إنديانا بوليس أنا حاضر

اولا مشكوووووووووووور على خدمتك لاخوانك لاحرمك الله الاجر
انا بأذن الله جاي لا انديانابولس في سبتمبر القادم على معهدELS فما ادري كيف المعهد وهل فيه زحمة طلبه عرب وكيف اسعار الاجارات
وش الافضل السكن مع عايله او السكن لوحدي وهل هناك اماكن رخيصه قريبه من المعهد لاني جاي على حسابي الخاص وكيف حيكون الجو بهاالوقت بارد اولسى اكرر شكري لك

هلا اخوي السعوديين بالمعهد فوق ستين الان بس هم احسن من اليابانيين والصينين اقل شئ اذا تكلم انجليزي تعرف وش يقووول ومو ضروري تتكلم معاهم عربي يعني انت وهمتك
السكن بالعوائل عن طريق المعهد تقريبا 840 دولار للشهر والعوائل بس عشان محادثات وهذي تقدر تسويها بالشارع او بالاسواق والمطاعم
المعهد مو شين وتخرجو منه ناس ماشالله لغتهم ممتازه وناس ولا شئ
اللغه تعتمد عليك شخصيا اي معهد بامريكا او بغيرها مايعطيك اكثر من 30 الا 40 بالميه والباقي عليك
الجو بكون بداية برد اول ماتجي وانديانا معروفه بالشتاء ثلووج يعني دفي عمرك زين انت رح تجي على بدايات الخريف وربك يعين
اسعار السكن بالخارج تقدر تلاقي شقه غرفتين وصاله ومطبخ ودورتين مياه الله يشرفكم بسعر اقل من 900 دولار واحيانا تلاقي 3 غرف وصاله ومجلس ومطبخ ودورات مياه بنفس السعر
يعني انت وحظك لووووووه
اتمنى افدتك ولو بشئ قليل

السلام عليكم ورحمة الله وبركاته
مشكور عالموضوع وعلي مد يد العون لأخوانك والله لايحرمك الأجر.ودي بجامعه بانديانا ومعهد يعطوني التخصصين ذي وبكون شاكر لك التخصصات ماستر تربية رياضية باي فرع من فروعها.وماستر تاريخ.بس يالغالي اهم شي يكون قبول مشروط وتكون الجامعه معتمده بالتخصصات .وماتكون موقفه للتكدس.ولك كل التقدير والاحترام .

مشكور جدا على ردك وعسى الله يوفقك وحققلك ماتتمنى

انشالله انا حاضر وبرد لك خبر بأقرب فرصه انشالله تعالي

السلام عليكم ..
السكن ..
عندي سؤال ..
وين الأفضل سكن مع عائلة ولا سكن بشقة ..
من ناحية السعر (على حسابي ) ومن ناحية القرب من الباصات وغيرها ..

المعيشة ..
كم تكلفني المعيشة لمدة 6 اشهر ..

المدينة ..
هل المدينة حلووه وناسة ..؟؟

وشكرااا مقدما ..

اهلين اختي لقيت تخصص التاريخ بس تخصص التربيه الرياضيه صعب مالقيته بس بحاول بأقرب فرصه ارد لك خبر
لانو الظاهر تبين التخصصين بجامعه وحده ولا

اهلين اخوي كنق سعر السكن
اذا كنت مع عائلة وانت طالب بمعهد اي ال اس بيكون سعرها 840 دولار بالشهر
اذا كنت تدرس بمعهد ثاني غير ال اي ال اس بكون 575 دولار بالشهر
عاد اذا تبي لك شقه بلحالك اكيد بتكون اغلى من كذا سعر الشقق تقريبا هنا 900 الا اذا كان معك رومييت يعني يقل عليك الاجار
عن المعيشه ما اعرف بالضبط وش تقصد يعني السعر الاجمالي للمعهد والسكن والمبيعات ولا شنو بالضبط
المدينه حلوه يعني مو زي فلوريدا او كالفورنيا بس صرنا نحبها كانها مسقط رؤوسنا هههههههه

الله يعطيك العافية يخوي ويكثر من امثالك.اي والله ودي بالتخصصين بجامعة وحدة بس لو ماحصل ماودي اكلف عليك يكفيني التاريخ الأن وممكن نشوف جامعة ثانية بعد اللغة.بس اهم شي معترف فيها للتخصص ومهي موقفة هي ومعهدها.وياليت تعطيني اسمها.ولك كل التقدير والأحترام.