استفسار عن جامعة University of Southern Indiana

وعليكم السلام ورحمة الله وبركاته
انا كنت هناك فيها معهد قوي تبع الجامعة
المدينة دراسية
فيها مسجد
فيها تقريباً ثلاث مطاعم حلال
بقالة عربية
اسعار السكن رخيصة
فيها سعوديين العدد معقول ليس بكثير
وفيها جامعة ثانية خاصة اسمها University of Evansville قريبة من المسجد
الشعب فيها جداً طيب
مشكلتها انك تحتاج سيارة لو تبي المطاعم العربية او المسجد

اخي نايس 2009 بأسألك بخصوصالجامعة اذا جبت درجة عالية في اختبار تحديد مستوى اللغة هل ممكن يعفوني من دراسة اللغة وادرس جامعة ع طول ولا لازم ادرس لغة عندهم اول
وهل يقبلوا اختبار التوفل اذا جبتو من السعودية وكم الدرجة المطلوبة
وشكرا مقدما

السلام عليكم اخواني

اناا ان شاء الله تبي تكون دراستي في تاريخ 23 اغسطس

في مدينة Evansville وبجامعة University of Southern Indiana تخصص Business Administration

انا عرفت انه مدينة درسيه واماكن الترفيه قليله وهذا اللي اعجبني فيها
ولكن ابي اخذ معلومات اكثر عن الطقس في الوقت الحالي

اتمنى من الجميع مساعدتي ابي اعرف طريقة الاستقبال في واشنطن مع اني سأكون قادم عن طريق الخطوط البريطانيه
الرياض لندن واشنطن ...
وبعد الانتهاء من الملحقية التوجه الى مطار انديانا


اتمنى الرد

انا افكر اروح جامعة University of Southern Indiana هل هناك عرب كثير وانا خلال شهر الى شهرين بروح ارجوا الرد السريع

والله المدينه زينه بس دراسيه مره لان اماكن الترفيه فيها قليله ولا فيها تكاسي يعني تحتاج سياره الا اذا انت بتسكن في سكن الجامعه ممكن تروح من السكن كعابي او ممكن يشيلك الباص حق الجامعه وبالنسبه للسعوديين فيها تقريبا 50 طالب وطالبه من 12000 في الجامعه ومعهد الجامعه بعد موب شين انا اشوف انه كويس بحكم اني كنت طالب هناك لكن ترى مستوياته طويله شوي لانها بس اربعه وتوني مخلص وبدخل الجامعه بعد اسبوعين ان شاء الله وبالنسبه للجو في الشتاء يكون بااااااااااااااااااااارد مره < شف كم الف كتبت لك عشان تحس بالبرد ههههه

و عسى الله يوفق الجميع واي استفسار انا حاضر

الله يعطيك العافيه وما قصرت

واناا ان شاء الله رحلتي بكرى الساعه 8 على الخطوط البريطانية

وبداية الدراسه يوم 23 من شهر 8

اذا ما عليك امر ابي اسئلك عن سكن الجامعه لاني ناوي اسكن فيه عن النظافه وعن طريقة السكن

لك خالص شكري وتقديري

والله السكن موب بطال كويس انا امدحه وكثير ناس يمدحونه وطبعا يعتمد على اللي بيسكن معك

وحياك الله في كل وقت

فيه سكن عوائل ؟؟

عاجل وهام
اخواني الافاضل انا طالب جديد في UNIVERSITY OF SOUTHERN INDIANA كلية الهندسة / وسوف ابداء باذن الله بشهر يناير 2011م ، وارغب المساعدة فيما يلي :-
1- السكن مع عائلة لتعلم اللغة وهل هناك عناوين او مكاتب بهذا الشان .
2-هل يوجد شبكة قطارات بالمدينة .
3- هل يمكن السكن بالجامعة بغرفة خاصة
4- هل هناك شقق قريبة من الجامعة
5- كيف كلية الهندسة فيها هل هي قوية
شاكراً ومقدرا ...جهودكم
تحياتي