اي خدمة لطلاب ولاية ميتشقن وبالأخص مدينة قراند رابيدز Grand Rapids انا حاضر لكم

يعطيك الف عافية اخوي افاتار

انا قدمت على الجامعة على اساس ابدا عندهم في الـ summer

بسالك كيف وضع الجامعة وكيف المجتمع الطلابي هناك ..

ثاني شيء نفسي تتواصل معاهم عشان الابليكشين حقي ودي يعطوني conditional admission على ماقريت في موقعهم يعطون

شاكر لك ومقدر

شكراااااااااا ماقصرت يعطيك العافيه

Mr. rekooo
هلا فيك والله ...
الجامعة ما اخفي عليك دراستها صعبة شوي ولكنها قوية .. حتى في معدل الريت بالنسبة للجامعات الامريكية ارتفع معدلها عن السنوات الماضية واصبحت متقدمة ..
ولكن التخصص يلعب دور كبير هل انت راح تدرس باكلوريوس او ماستر لأن الماستر سهل عندهم مقارنة بالبكلوريوس ... ايظا خذ في بالك ان التخصصات الطبية قوية جدا عندهم بالنسبة للبكلوريوس لذلك دراستها صعبة شوي .
المجتمع الطلابي من اي ناحية انت تقصد السعوديين او طلاب الجامعة بشكل عام ... طبعا فيه عدد سعودي لا بأس فيه ولكن اكاد اجزم انك راح تدرس سمستر كامل ويمكن ما تشوف ولا سعودي لأن الجامعة كبيرة ومزدحمة بالطلاب ... بشكل عام طلاب الجامعة تقدر تتواصل معاهم عن طريق القروبات وهذه راح تعرفها لما تندمج في الكلاسات .. ودودين جدا وسهل التواصل معاهم

بالنسبة للقبول المشروط الجامعة تعطي قبول مشروط وانا واحد من الطلاب اللي حصلت على قبول مشروط باللغة او التوفل او الايلتس .. كل ما في الامر انك تطلب من قسم الأنترناتشونال استيودنتس international students نوع القبول وهم يوفرونه لك عن طريق الابلكيشن اللي تعبيه

اتمنى اني افدتك ... وبالتوفيق

يا هلا فيك ولا شكر على تواصل يفيدنا جميعاً

انا عبيت الابيلكيشين وانا حاليا ادرس في ELS كولومبوس في ليفيل 109 وهذه الاسبوع بخلصه

وهم طالبين ليفيل 112 زي ما انت عارف وتقريبا بالكثير بخلصه في شهر 3 اذا رسبت لا سمح الله

تخصصي هو pre-pharmacy ما ادري ايش وضع التخصص هناك يوجد سعوديين يدرسون هذه التخصص

انا عبيت الابيليكيشين بس ما ادري خلال كم يوم ويعطوني قبول مشروط ؟ هل يطولون ولا مايطولون ؟

ودي ابدأ في fall 2012

هل بامكانك متابعة طلبي مع الجامعة لاني عبيت ابيليكيشين وودي في قبول مشروط لان ماعندي قبول حالياً

وهل بمكانك تسالهم كم سنة تزلمني لأخلص pre-pharmacy

واكون شاكر لك ومقدر

اخوي Mr. Rekooo

متى قدمت اوراقك للجامعة هنا ... لأنه نزل قرار جديد على ما اعتقد من شهرين تقريباً مفاده انهم ما صاروا يقبلون معهد els ومستوى 12 لأنه كثير من الطلاب يتخرجون من المعهد هذا ويدخلون الجامعة ولغتهم مازالت تحتاج الكثير فقررت ادارة الجامعة اشتراط التوفل او اختبار الايلتس ... ارجو انك تتأكد من الشخص اللي تراسله في الجامعة عشان ما تتوهق بعدين ويرفضون طلبك
راح اعطيك ايميل الشخص المسئول عن القبول اسمه Chris ممتاز جدا ويخدمك بأسرع وقت
hendreec@gvsu.edu
tell: 8007480246
واذا ما صار معك شيء جديد عطني خبر .... بالتوفيق

جزاك الله خير أخي...عندي لك كم استفسار:

- الجامعة اللي تدرس فيها....ايش شروطها للغة؟ وهل لها معهد تابع لها؟

- ممكن آخذ منها قبول مشروط؟

- تنصح بجامعات ثانية في ميتشغن؟ أو معاهد جيدة؟

- ياريت رابط موقع الجامعة ع النت...والمعهد لو تكرمت.

مشكوورة

الأخت هايدي :
- الجامعة اللي ادرس فيها كانت تشترط شهادة معهد ELS المستوى 12 أو التوفل أو اختبار الآيلتس ولكن صدر قرار جديد من ادارة الجامعة قبل شهرين تقريبا بعدم اعتماد شهادة معهد ELSلأن الطلاب اللي يتخرجون من المعهد تكون لغتهم ضعيفة وغير مؤهلين لمحاضرات الجامعة على حسب كلام الادارة .. طبعا الجامعة كانت متعاقدة مع معهد ELS ولدي المعهد مبنى بجانب الجامعة حيث ان الطالب اول ما يتخرج من المعهد تستقبله الجامعة على طوووول بدون شروط ولكن اعتقد ان الوضع تغير حالياً.

- تقدرين تأخذين منها قبول مشروط ولكن حددي تخصصك من البداية ونوع شهادتك هل هي بكالوريوس او ماستر او دكتوراه.

- شوفي بالنسبة للجامعات في ميتشقن او اي ولاية ثانية من وجهة نظري كلها سوى من ناحية الشهادات بالنسبة لوضعك في السعودية لأنك في الاخير راح ترجعين بشهادة من امريكا جامعية . بس فيه جامعات تكون الدراسة فيها سهلة بالنسبة للطالب وبعضها معقد وترى طلاب البكالوريوس دراستهم اصعب من الماستر في اي جامعة وعليهم ضغط اكثر. انتي اختاري اي جامعة في ميتشقن كلها جيدة ولكن الأهم انها تكون معترف فيها من الملحقية عشان كذا ادخلي على موقع الملحقية وشوفي الجامعات اللي معترف فيها في ولاية ميتشقن ... فيه جامعة ميتشقن تعد من اقوى الجامعات في امريكا بس دراستها صعبة شوي .. وعندك جامعة اسمها فرست في مدينة بق رابيدز ممتازة جدا ودراستها سهلة . وفيه جامعات كثير تحتاج لتفاصيل اكثر. اما المعاهد فصارت كلها تشترط درجة معينة في التوفل او الايلتس للبكالوريوس او الجيمات للماستر عشان تدخلين الجامعة حتى لو كان المعهد تابع للجامعة . عشان كذا ادخلي اي معهد وركزي على اختبار التوفل او الايلتس اذا تدرسين بكالوريوس او الجيمات اذا تدرسين ماستر.

- رابط الجامعة اللي ادرس فيها
http://www.gvsu.edu/

اما المعهد فهو
http://www.els.edu/en/ELSCenters/Detail?locid=GRR