اي استفسار بخصوص آوهايو (( كليفلاند خصوصا )) ينبرش فيذا

الله يسعدك ويكثر من أمثالك يارب
أنا عندي مليوون سؤال بس أجمع كم معلومة وأسبوع إن شاء الله اتصل عليك عندي استفسارات كثيرة بخصوص السكن ..
لاتنسى بدق عليك بعد أسبووع (( سينشي )) تذكرني يعني
الله يوفقك ويجزاك خير على هالباادرة الطيبة منك

انا ابغى اسال عن عن معهد تابع لجامعه في اوهايو . وكيف الدراسه بالجامعه صعبه؟
وابغى اسال عن الحضانه للاطفال كيف سعرها

حياك الله حبيب قلبي في وقت

وش اسم الجامعه او اسم المعهد ؟

بالنسبة للحضانه اسعارها متفاوته تقريبا من ٣٥٠ دولار على حسب هل يجيون هما وياخذونه او انتي تودي الاولاد لهم تفرق .

تحياتي لك

مرحباااا خيووو ...
اللحين مع قرب موعد السفر احس اني ضايعه مادري ليش
اول شي انت كيفك ؟؟ اخبارك ؟؟ اخبار جوكم ؟؟ اخبار الدراسه ؟؟؟

اللحين نجي في الجد
ابغى اعرف كل الاوراق المطلوبه في المطاراللي لازم تكون معي ؟؟؟
وبصراحه انا في اشياء ما استغني عنها مادري اذا عادي اخذها معي في الشطنه ولا مايسمحون في دخولها امريكا ( التمر _ الكابتشينو _ الجالكسي ) مو طماعه واجد ؟؟
ملف الملحقيه اذا فتحته لازم اوراق المحرم تكون موجوده ؟؟ (( راح ادرس على حسابي الخاص )) وما معاي محرم
كم الوزن المسموح فيه للشنطه ؟؟ وكم شنطه اقدر اخذ معاي ؟؟
لغتي ميح تتوقع اني بامشي روحي في المطار اذا وصلت اهناك ولا لا ؟؟؟
جوازي وين احتفظ فيه بصراحه اخاف يضيع عندي او احد يسرقه ؟؟
الجو بعد اسبوعين كيف تتوقع ؟؟ ادري منت الاحوال الجويه بس يعني توقعاتك اني بارتب الشنطه حقتي خلاص وابي اخلي لي لبس يناسب الجو اللي عندكم ؟؟

للحين بس هذي لاسئله اللي عندي ... واول ما القى اسأله زياده برجع لك
مشكوووووور خيووووو ... موفقين جميعا يارب

السلام عليكم
ورقة قبول في المعهد ELS في اوهايو كليفلاند
و
ورقة قبول في جامعه في ولاية يوتا هندسه

س\ يمديني اغير دراستي الجامعيه الى اوهايو ؟
س\ معي الجواز الامريكي السافر عليه ولا على الجواز السعودي ( يمدين الدخل البعثه ) ؟

و مشكور اخوي ............

الله يعيطيك العافيةة اخوي

س1"
انا جاي من اسبوع او اكثر شوي ,, و كنت ساكن في University hotel
و الليله اول ليله لي في CSU campus
فاا لما قابلوني وعبيت الابليكشن حق الكآمبوس .. و شفت المكان و هيك
فاا عبيت نماذج .. و كآن في من ضمنها اذا عندك شرط عن الشخص اللي بتسكن معآه .. كتبت اني ابي امريكي
المهم جيت اليوم دخلت الغرفةة فيه اغراض الشخص بس هو مو موجود .. لانه عندهم اجآزة الى 17
المهم الغرفه كآنت شبه حوسه .. طبعآ انا الى الحين مآقبلت الشخص ولا اظن بقابله قبل اسبوع
فاا فكرت لو اطلب تغيير للغرفة و اروح اسكن مع ياباني ولا كوري ولا صيني .. من شرق اسيآ يعني
احسهم مرتبين و نظيفين و وش حليلهم !

وش رآيك ؟

س2"
انا ناقصني الـ
bedspread & pillow & shampoo & nail scissors & cotton bud
هالـ Stuff
عن جآمعة كليفلآند ستيت وين اقرب سوبرمآركت كبير و كويس فيه كل شي ؟

س3"
لي اسبوع هنآ مآشفت غير الدآون تآون البآيخ ! وش فيه شي زين بكليفلآند يمتّعنآ شوي !

_____________________________________

( درآستي بتبدأ في العآشر من هالشهر في معهد اللغة )

((((( و احب انوّه على اللي بيجون لامريكآ اهم شي و انت بمطآر السعوديه خلّو معكم الآي20 ,
لانه اذا مو معكم مآرآح تركبون الطيآره ,, و هذا اللي صار لي الآي20 تبعي كآن بالعفش .. و يالله لحقت اكلم المشرف و المشرف مدري من كلم
وراحو فتحو شنطتي و جآبوه لي انا اخر وآحد ركب ذآك اليوم والله كآن العسكري يقولي خلآص ترآ بنسكر البآب ,, مآ اقول الا الله يجزآه الف خير ذآك المشرف ))

و في مطآر وآشنطن للي يقول لغتي ميح ! مآتحتآج لغتك تعآملك بالاشآره نوعآما يكفي ! و بتكون فيه موظفه عربيه تسآعد اللي يحتآج مسآعده !
اللغةة تهمك شوي اذا جيت بتسآفر دآخلي من وآشنطن لولآيتك ! لكن في النهآيه بتمشي يعني من سأل مآ ضاع اسأل مره و مرتين و عشر حتى لو نفس شخص مآفيهآ شي , انت محتآج المسآعده !
وحطوآ نفسكم بمكآن انوه يجي احد يبغاك تسآعده حتى لو اكثر من مره !
بتقول عنه هذا غبي ولا مآيفهم , بتتفهم وضعه و بتعآونه , يعني مآفيهآ شي ! عمر الحيآآ مآ نفع في هالمواقف

و شكرآ ,, آسف عالاطآله .. اخوكم محمّد

هلا اختي انا بخير وصحه وسلامة.

لا تخافين ولا تحسين انك ضايعه ولا شي الامور كلها سهلات.
الاوراق هي تحطينها معاك بشنط اليد ومع بعض : ١ - I-20 . ٢ - جواز السفر. ٣ - ورقة رسوم السيفيز.
بالنسبة للتمر والكابتشينو والجالكسي لازم تكون مغلفه وعليها تاريخ انتهاء.
وما تقدري تشيليها معاك بشنطة اليد لازم تشيليها بالعفش.
ملف الملحقية يطلبونك منك تواجد المحرم هذا من شروط الانضمام.
الوزن المسموح لازم تكلمي الخطوط اللي تبروحي عليها وراح يعطونك كل شي بالتفصيل الممل.
بالنسبه للغتك تقدري تطلبي مترجم يعني لا تجلسي تجاوبي على اي شي من راسك الا شي فاهمته شي ما فهمتيه قولي ابي مترجم احسن لك ويفرون لك مترجم خاصه اذا كانت اول دخله لك لامريكا ممكن يسالونك بعض الاسئله العاديه.
تحتاجين عنوان سكن لانك راح تعبي نموذج I-94 بالطياره تحتاجي عنوان سكن واذا ما يحضرك عنوان سكن حطي عنوان المعهد وتلفونهم اللي موجوده بالاي توني حقك.
جوازك حاولي تحطينه بمكان كويس بنفس الفندق اللي بتسكني فيه.
بس ما قلتي لي انتي رايحه لاي مدينه واي معهد ؟؟؟؟
الجو برد اذا كنتي بولاية الوسط والشمال ثلوووج يعني البسي صح وجيبي معاك كل ملابسك الشتويه ولو حصل فروة ابوك مهيب شينه خخخخخخخخخ
ياهلا بك اتمنى اني افدتك يا بنووووته،،،،،

اذا احتجتي اي شي راسليني او اي حاجه ظروريه اتصلي علي انا اخوك رائد باي وقت تحياتي لك

هلا بك اخوي احمد اسفرت وانورت

بالنسبه للاي توي راح تدخل انت اوهايو يعني تدخل بالايتوني حق المعهد حق الجامعه خله بعدين اذا بديت تدخل جامعه ادخل فيه.

بالنسبه لجواز السفر الملحقيه تطلب منك I-94 وختم دخول والاشياء هذي فافضل انك تدخل بالجواز السعودي.

بامكانك تكلم المحلقيه وتسالهم عن حالتك بخصوص الجواز الامريكي ،،،، بصراحه لو تخدل بالجواز الامريكي اسهل لك بالاجراءت واسرع واحسن.

يمديك تدخل البعثه لان بالاستماره حاطين خيار لحاملين الجواز الامريكي.

واي استفسار انا حاضر يالغالي ،،،، تحياتي لك