اللى جاي على جامعه وسترن متشغن بكلامازو WMU

مرحبا ..

بغيت اسألك اخوي متى الاترام تبدأ وتنتهي في WMU

لاني سجلت على سبرنق 2009 ولا عندي خبر متى بيكون اي شهر .. بانتظارك

هلا اختى ابداع

ان شاء الله دراستك تكون في شهر 1ميلادي وتنتهي تقريبا على نهايه شهر 4

وبعده الصيف يبدا بدايه 5 وينتهي على نهايه 7

وبعده الفول بدايه 8 وينتهى نهايه 11

كله تقريبا مو اكيد وتقدرين تشيكين على موقع الجامعه

http://www.wmich.edu/

الف شكر لك ....
بالنسبة لمدينة كالامازو .. وشلون المعيشة فيها .. راح اجي ومعاي اطفال .. عندك اي معلومات عنها تفيدني ؟ من ناحية الجو والاسعار والجامعه تنصح فيها والا لا؟؟

بالنسبه لسوالك عن المدينه المدينه حلوه ورخيصه ومدينه دراسه

والسكن هنا رخيص بالمره والجو 6 شهور تقريبا كله ثلووووج الله يعينكم بس

اقول المدينه حليوه ماهي شينه بس اذا جايه على المعهد انا اقول اذا لغتك ماهي متوسطه او فوق المتوسطه لاتجين صراحه مدته طويله اذا بديتي من المستوى الاول انا خلصت 3 مستويات في سنه كامله

وباقي لي في المعهد بعد 8 شهور يعني اكون على كذا خلصت 5 مستويات والله هد الحيل الله يقلعهم من جدا وش هاللغه يمديني اكلت اللغه اكل

والخيار الاول والاخير لك اختى ابداع

وبالتوفيق لكم وحياكم الله في اي وقت واذا فيه اسئله بعد لايردك الالكيبورد

السلام عليكم اخوي

الله يعطيك العافيه على المعلومات

عندي سؤال لو تكرمت عدد السعوديين فيها كثير والا قليل لاني حصلت قبول في احدى الجامعات بس طلعت المدينه فيها سعوديين اكثر من اهل البلد حتى واحد من الشباب قال لي لا تجي ترا ما تتكلم انجليزي الا في الجامعه من كثر السعوديين

والمدينه هذي مدينه كبيره والا مدينة جامعيه

اشكر تعاونك

هلا اخوي حياك الله

شف اذا جاي على الجامعه حياك الله

واذا جاي على المعهد لالالالالالالالا تجي

الطلاب في المعهد وااااااااجد سعوديين

والمعهد اذا طالب تجي اقل شئ على البرى ادفااانس او ادفانس حياك بعد علشان عندك للغه تمشي سلام سلام

واذا تبدا من اول مستوى في المعهد تكره حياتك مده طوووويله بالمره

والجامعه حلوه وامور الشباب في الجامعه اوكيه


حياك الله واذا فيه سوال اخر اسدحه لايردك الالكيبورد

الله يعطيك العافيه وفيت وكفيت

بس ما جاوبتني المدينه كبيره والا مدينه جامعيه يعني حقت دراسه صغيره

اكرر شكري وتقدير

المدينه صغيره متقارن بمدن كبيره

وحلوه وحقت دراسه جامعيه بعيده عن الازعاج والزحمه

يعطيك العافية اخوي ومشكور على مجهودك:
انا جاي ان شاء الله ب26 جون وعندي مجموعة اسئلة ودي تساعدني فيها:
1- المدينة فيها مطار ولا لازم انزل بديترويت وبعدين اروح على كلامازو
2- السكن " الجامعة ما توفرلك سكن مع عائلة وتنسق امورك من هنا قبل ما تجي والايجارات كيف اسعارها
3- انت تقول انه المعهد يطول ما تقدر تاخذ معهد في الفترة المسائية على حساب الملحقية
4- وش تنصحني فية قبل ما اجي عندكم ان شاء الله من جميع النواحي
واسمحي اذا كثرة الاسئله شوي ,,,,,
والــــــــــــــــــــــف شكـــــــــر اخوي