تم إلغاء ترشيحك - المعدل أقل من المطلوب(حسبي الله فقط)

وربي شي يقهر وكمان كيف يرشحوك وبعدين يقولون ما فيه الله يعلن الواسطات يا شيخ .
وسع صدرك وادعي ربك وراح تتسهل ..
تبي نصيحه اخوك حاول توصل لمسؤل كبير واذا قالوا لك السكرتاريه ليش عندي موضوع شخصي اذا ما نفع حاول تحتفظ بجميع اوراقك واقرب صحيفه وطق شكوى والله ما ينفع معهم الا كذا واخر حل لا تيأس اذا الله كاتب لك تدرس راح تدرس غضب وانا اخوك انا جلست احاول على الابتعاث سنتين او اكثر وفي الاخير تسهلت ولازم تعرف .. ومن ترك شيئا لله عوضه خيرا منه والله يسهل امورررررررررررررك يارب

حسبي الله ونعم الوكيل في وزاره التحطيم العاليالله يصبرك ويعينك اخويوالله كل واحد فينا تعذب من هالوزاره بشكل او بآخرلكن ربك فوق كل شيدام اوراقك كامله احين ليش ماترووح تنشب لهم بالوزراه يعطونك تذاكر واطلع اول شهرين على حسابك وان شاءالله تحول بعثهكل شي بهالدنيا نصيب والخيره فيما اختاره اللهفاتمنى لك التوفيق وانه الله يفرجها عليكولا تنسونا من دعائكم ايضا ..

لا تشكيلي وابكيلك
يارجال اسمع قصتني انا بعد
انا صار لي 9 اشهر الحين في امريكا واخيرا طلع اسمي بالنظام تم قبولك
مافي احد بالعائله لا بشرته اليوم الصبح اتصلت على المايتسمي (العريني)
وهو رجل حاصل على شهاده دكتور بفن التحطيم قالي هذا مو شرط قبولك
قبلوك الوزاره بالرياض باقي الملحقيه تشوف وظعك يعني مؤشر خير بس
ولاكن مو اكيد وقالي بالحرف الواحد لا تبلغ احد من اهلك بالقبول لانه الي الحين مو اكيد
قسم بالله لو درو اهلي بعد مابشرتهم انها تصير مصبيه لهم انا الحين شايل همهم اكثر
من هم نفسي وهم وظيفتي الي ظاعت
لا بارك الله في موظفين الملحقيات الي بيدهم كل شي وهم ارذل البشر يطلع واحد
على شان يتجمل مع قريبه وليس لانه قريبه فقط لا يتجمل معه حتا يبين له قوته وسلطته
على حساب واحد خسر وظيفه
الله يكون بالعون بس

وانا اخوك لو تشكي مين تشكي

هاذي وزارة وراها ظهر

بس لو تراجع ديوان المظالم وترفع فيهم شكوى بأنهم قبلوك وتثبت ذلك ان شالله ينصفك

وخلي ماجد الحربي بعدها يتفلسف على قرار ديوان المظالم

اهم شئ تثبت انهم قالولك انك مقبول بمعدلك الأصلي وتجيب ورقة موافقتهم على تعديل بياناتك

هذا ممكن يكون حل بس مدري ينفع ولا لا

شوف حقون التعليم نشفوا ريق الوزير بديوان المظالم

شكرا جميعا على ردودكم وتفاعلكمـ

هذا الشيء اللي يقهر انك تسوي كل شيء بمساعدتهم هم اللي جابو القبول لي من امريكا وبعدين عطوني الضمان المالي على بريطانيا وبعدين يقولون طلع فيزتك بسرعه...

وبعد ماتسوي كل ذا يقولك ان الشروط ماتنطبق عليك؟؟؟ ليش؟ من الاساس رشحتوني...

حرمتوني وظايف كثيره وكان الانسان مخطط على البعثه وقفت اشياء كثيره عشان هالبعثه وبالاخير بعد مرور اكثر من نصف سنه تقولي مافي ترشيح؟؟؟؟؟؟؟؟؟

والشخص المسمى ماجد الحربي لا يعترف حتى بنسبه قليله انهم اخطأو ووجعل الخطأ كله علي.....!!؟؟
إنسان لا يريد ان يتفاهم
مع انه الشخص اللذي قام بإعطائي الضمان المالي لبريطانيا......!!!!

لكن الله فوق ولن اسامح أحد

وسوف ابدأ بإجراءات الشكوى الرسميه اذا لم تنفع المعاريض والمعاملات اللتي ارفعها

حتى لو وصل الأمر.... لرفع برقيه لخادم الحرمين الشريفين الملك عبدالله.....
ومعاي جميع اثباتات اللتي تثبت حقي وان كل هالتعب اللي سويته كان بتشجيع من نفس الوزارهـ...!!!

وبيني وبينكم لو احنا في دوله اجنبيه اوروبا مثلا او امريكا

سوف يعطوني تعويض عن الاتعاب المعنويه والنفسيه والماديه اللتي حصلت معــي

ولكـــن..............!!!

عوضك على الله اخوي

الله يكون بعونك وان شالله ربي يعوضك خير من هالبعثه وتأكد ان مااصابك لم يكن ليخطئك

واكيد انها خيره من ربي يمكن لو رحت وسافرت تجيك مصيبه تندم عاليوم اللي رحت فيه

انا انصحك واقولك لاتتعب نفسك بشكاوي وغيرها ترى مابتحصل شي غير الخساير

وكفايه اللي جاك منهم يعني تعب نفسي وجسدي الله يكون بعونك

خلاص لاتفكر فيهم وتتعب نفسك زياده وحاول تروح للوظايف اللي جاتك وقدم عليها من جديد

يمكن ربي يكتبلك الرزق فيها ماتعلم الغيب انت

اما حكاية الشكاوي هذي ماانصحك فيها لانه غيرك كتييييييير اشتكوا ولاحصلوا شي

يعني بالعربي اذا ماعندك ظهر وواسطه تساعدك بشكواك انسى الموضوع

وربك مايرد دعوة المظلوم

الله يفرجها عليك ويعوضك خير اخوي

شكرا أختي الحايره على ردك وتفاعلك...


ولكن للأسف مغيبه ثقافه الشكوى لدينـــاا


والمقصر لازم يأخذ عقابه...

اما اخليها على ربك...

فالله سبحانه بيحاسبهم بالاخره ويعطيني حقي

لكن أريد عقابهم من المسؤولين هنـا في الدنيا

وحسبي الله فقط

الله يعينك والله شيء يقهر ......... ان شاء الله تتيسر امورك يا غالي

اولا احب ادعيلك بان ربي يسهلك امرك وامري وامر كل متضرر من قرارات الوزاره الغريبه
انا سارلي نفس قصتك بس بسبب العمر وهو كم شهر بس
وللان براجع مع الوزاره وارسال خطابات للموسى والفوزان وغيرهم وللان ماني لاقيه احد يعطيني
الجواب الشافي
وانا دراستي راح تبدا في 30 مارس فمضطره اني اسافر على حسابي انا ومرافقي
في الاخير مااقول الا حسبي الله على كل من اتخذ منصبه وجار على الناس
واولا واخيرا مالك الا الدعاء واللجوء الى الله واكثر من الاستغفار وصلاه الليل