الدارس على حسابه الخاص...كم خسرة ميزانيه وأنت بأمريكا..؟؟؟

أول ماتخض أمريكا ماتقدر تحكم على معدل ميزانية الأشهر الباقية

معد صرفية الشهر حدود 1200 دولار .. ولا أدري كم خسرت

أنا الحين أخذت 4 شهور وكان عندي مبلغ 30 ألف والحمدلله تقريبا راحت نصها، بس عندي عوامل مساعدة مثل السكن سكنت برا الجامعه لأن الجامعة تاخذ حدود 700 علشان غرفة

أخذت شقة قريبة بنفس السعر وتقاسمت مع روميتي ..

إذا تبي أعطيك التفاصيل حاضر .. رتب نفسك وتعيش صح وعلى الله الرزق.

احب ان الرد على البعض النه بالعكس ممكن تكون خساره او مكسب تكون خساره النه مراح تجيك البعث وترجع ومستفدت شي بس اذا الحقت راح يكون استثمار حقيقي بعد ماتجيب الشهاده وشكرا

اهلا فيك اخوي مارفل
اتمنى تكتب لي التفصيل الممل عن مصروفاتك
اهم شي اسم الولاية والمدينة والمعهد هل هو تابع للجامعة ولا لا
والاسعاار من معهد وسكن ومعيشة
لان العرض مغري جدا

افضل عرض للميزانية للاخ مارفل الى الان ياليت تتكرم وتدخل معانا وتحكي لنا بالتفصيل حتى تعم الفائدة
وشكرا

دام الأخوان طلبو يعرفون كيف ميزنيتي .. راح أفصل بس مو بالمل .. اللي تلتبس عليه نقطة ومو واضحة أقدر افصلها في الردود اللاحقة انشالله

انشالله تكون هالمعلومات مفيدة لكم.

معلومات عن الولاية والجامعه:
أنا أدرس بولاية كنتاجي بجامعة كنتاكي الشمالية على حدود أوهايو عشر دقايق.
مستويى المعيشه نص ونص لا هو اللي غالي ولا هو الرخيص والوناسة.. بس الجامعة مستواها اللي مرة في كل التخصصات بس في حواليها احسن منها.

طبعا الرد السابق كلام سريع وتقريبي بس هنا بعطي التفاصيل بالدولار

بصورة عامة:
مصروفي الشهري 650 دولار يعني 4 شهور لو تلتزمون بالميزانية تصير 2600 دولار للمصروف الشخصي.
ترمين في المعهد خلال خمسة شهور الواحد 1800 دولار مايعادل يعني 3200 دولار.

المجموع الكلي رسوم الدراسة والمصاريف 5800 دولار.
اممم كأني قلت نص الثلاثين في الرد السابق .. يالله عذروني صارت 21.500 ريال.

التفاصيل:
طبعاً الرسوم الدراسية مايحتاج اتكلم فيها
المصاريف الشخصية انا حاسبها كذا وبعطيكم اياها للفايدة.

مصاريف السكن = 800 مع الكهربا والانترنت والماي مجانا.
270 مصاريف السكن. حنا 3 أشخاص في شقة مصممة ثلاثية.

مصاريف شخصية = 100 دولار للعزبة و 130 دولار لمطعم الجامعه والجوال 55 دولار

270 السكن + 285 شخصي = 555

أنا حاطها المصاريف الشهرية الشخصية 650 للاحتياط تفيض عندي 100 دولاء كل شهر يعني مثلا بغيت سينما ولا حاجة اروح ولا اتمشى كلها حاجات ماتاخذ شي. وشهر على شهر صارت فيها كم مية ادخرها وقت الحاجة لأن من الخطأ الكبير الالتزام بملغ وأصفى على الصفر.. مثل الأن بختبر أختبار أيلتس 180 دولا. وكلها ماراح تنقص علي الميزانية المحسوبة لأن الفايض هنا وقته ..!!


هذا التفاصيل .. واذا تحسون في شي غلط ولا مو واضحه انا مستعد أوضحه وأبين كيف انها اوكي .. لأن أدري البعض مستغرب كيف 100 اروح ابها سينما ومنا ومنا خخ.

للمعلومية كلامي عن الميزانية في أمريكا .. يعني سالفة تذاكر طيران ومادري ايش نهائيا مالتفت لها حتى في ردي السابق.

بالتوفيق للجميع

طيب كلام جميل اخ مارفل

انت قلت : طبعاً الرسوم الدراسية مايحتاج اتكلم فيها -- ممكن توضحلنا هنا !!!


طيب فية مشكلة وهي مشكلة السكن يكون غالي علينا
كيف الاقي ناس تسكن معاية عشان تخف عليا المصاريف -- وهل انت ساكن في السكن التابع للمعهد ولا ساكن خارج المعهد سكن خارجي ؟

انت دكرت انك تروح مطعم الجامعة وتدفع 130 دولار -- يعني هل المعهد تابع للجامعة ؟ وهل سعر المطعم قابل للزيادة والنقصان ولا ثابت

ليش اختبار الايليتس بفلوس يعني مو بلاش اقصد يعني اختبار الايليتس مو شامل مع المبلغ المدفوع للدراسه كلها ؟


طيب على حسبتك الممتازة دي تتوقع كم يطلع معاك في خلال 8 اشهر كم يطلع المبلغ المصروف ؟


هل رحت واشنطن واعطيتهم اوراقك ثم رحت كنتاكي ؟

وشاكر لك ومقدر على صبرك معاي

الله يعطيك العافية أخوي مارفل ومعلوماتك جدا مفيده
بس بخصوص المعهد هل يطلب دفع الرسوم كاملة أم مجزأه على كل مستوى
وياليت تفيدنا بالجواب على أسئلة الأخ
zezo7x7
وشكرا لك

يعطيكم العافية شباب بصراحة موضوع شيق ورائع واتمنى المزيد من الاخوان بالتفصيل علشان نستفيد والاخ مارفال نتمنى توضيح من ناحية المعهد وشكرا ونتمنى للجميع التوفيق

ان شاء الله يفيدونا الاخوان

طيب كلام جميل اخ مارفل

انت قلت : طبعاً الرسوم الدراسية مايحتاج اتكلم فيها -- ممكن توضحلنا هنا !!!

كنت اقصد ان مايحتاج أتكلم فيها لأن الرسوم مافيه تفصيل وتقطيع من السكن والعزبة وجوال ووو ..
الرسوم الدراسية ثابته 1800 في الترم الواحد وأنا خلال 5 شهور دفعت حق ترمين يعني 3600 دولار

طيب فية مشكلة وهي مشكلة السكن يكون غالي علينا
كيف الاقي ناس تسكن معاية عشان تخف عليا المصاريف -- وهل انت ساكن في السكن التابع للمعهد ولا ساكن خارج المعهد سكن خارجي ؟

أنا سكان مو وسط الجامعه .. برا في السكن الخارجي لكن مجاور.

لأن مثل ماقلت لك الجامعة ياخذون على الطالب مو على السكن
يعني.. لما تسكن في الجامعه ياخذون 700 دولار بس لما تجيب روميت هو ياخذون عليه 700 دولار بعد .. لان محسوب أسم طالب

أما اللي برا ياخذون على السكن مو على الطالب
يعني تاخذ السكن 700 دولار بس لما تجيب روميت مالهم دخل لأن ياخذون على السكن مو على الفرد.
علشان كذا حنا ثلاثة وحاسبينها بين بعضنا .. في النهاية كلنا تحت أسم واحد.

انت دكرت انك تروح مطعم الجامعة وتدفع 130 دولار -- يعني هل المعهد تابع للجامعة ؟ وهل سعر المطعم قابل للزيادة والنقصان ولا ثابت

المعهد اللي انا فيه تابع للجامعه .. وسعر المطعم يعتمد على نظامه في بعضه مفتوح سعر واحد وتشيل اللي تبغاه وبعضهم على حسب الطلب.

ليش اختبار الايليتس بفلوس يعني مو بلاش اقصد يعني اختبار الايليتس مو شامل مع المبلغ المدفوع للدراسه كلها ؟

لا مو شامل .. انا بقولك عن نظام جامعتنا اللي هي جامعة كنتاكي .. كل بين فترة يقام اختبار توفل حق الجامعه يعني مو معترف فيه برا الجامعه.. جبت الدراجة كان بها ماجبت يخلوك في اللغة.
غالبية الطلاب ياخذون الايلتس أو التوفل علشان أريح لهم وأسهل بكثير ولو حبيت تسجل ابه اي مكان ماعندك مشكلة.

طيب على حسبتك الممتازة دي تتوقع كم يطلع معاك في خلال 8 اشهر كم يطلع المبلغ المصروف ؟

إذا السؤال موجه لي فأقولك أنا شخصياً لاتحسب علي لأن وضعكم مختلف .. لأني ناوي أدخل كلاسات الجامعه بعد شهر انشالله
بس راح افترضها مجرد افتراض واحسبها كطالب في معهد اللغة.

8 شهور تقريبا فيها 3 أترام والترم قلنا سعره 1800
3 أترام = 5400 دولار

مصروف شخصي شهري 650
8 شهور = 5200 دولار

8 شهور = 5400 (رسوم دراسية) + 5200 (مصاريف شخصية) = 10600 دولار يعني تقريبا 38 ألف ريال سعودي

هل رحت واشنطن واعطيتهم اوراقك ثم رحت كنتاكي ؟

أي نعم رحت وخلصت أوراقي من عندهم لأن سمعت ان مشاكل ولايردون على الايميلات وساحبين على الطلاب، فقلت بحجز على واشنطن لمقر الملحقية وافتح المف وبعدها بيومين على ماوصلت كنتاكي شفت رسالة في ايميلي برقم ملفي وارتحت من وجع الراس اللي اشوفه من شكاوي في المنتدى على مراسلة الملحقية والاتصالات علشان فتح ملف.

وشاكر لك ومقدر على صبرك معاي

وأي شي لاتترددون سألوني عن نقطه مرت علي وماجاوبتها ولا حاجة ملتبسة عليكم ولا كذا ولا أي حاجة تتوقعون أقدر أجاوبكم كوني طالب في أمريكا بس أتمنى من الباقي الموجودين في امريكا يمرون على هالموضوع يشاركوني ويفيدون الشباب

حياك أخوي في أي وقت ومقدر وضعكم وحاس بمعناتكم وانشالله اقدر افيدكم باللي اقدر عليه والله يوفقكم ويسهل عليكم

لاتنسونا من دعائكم