استفسار ::: مدري وش اسوووووي ؟؟؟؟؟؟ >>> ):

وعليكم الســلآم

س1/ تكفي 40 الف ريال للمعهد والسكن عند عايله الى ماالتحق بالبعثه ان شاءالله ؟؟

والله على حسب صرفك انت لاكن يمكن تكفيك 4 شهور واكثر

س2/ اطلع فيزا سياحية او دراسية افضل ؟؟ واذا دراسية وش المطلوب ؟؟ علما بأنه باقي على بداية الكورس 5 اسابيع تقريبا

انا مانصحك في السياحيه طلع فيزا طالب افضل لك يآقلبي

س3/ وش افضل مكتب بالرياض يطلع الفيزا ووين مكانهم ؟؟

والله انا تعاملت مع مكتب الفيفآ وسوى لي كل شي 250 ريال

س4/ وش الفرق بين الفيزا السياحية والدراسية من حيث التكاليف هنا وهناك ؟؟

ههههههههههههه كلهم نفس بعض يآقلبي لاكن فيزآ السياحيه من 6 شهور واقل والفيزا الدراسيه من 6 شهور واكثر وانا انصحك وبقوه بالدراسه لان بعض الاحيان الملحقيه تقول لا فيزتك سياحيه

س5/ وش رايكم بالجامعة لاني ماني مرتاح لها ؟؟

والله ماقدر اجاوبك يآقلبووو لاني انا بكندا

ارجوو المساعده ولكم جزيل الشكر


بالتوفيق لك ولجميع الدرآسين على حســآبهم الخــآص



ههههههههههههه يمديك على الون

والله مدري وش اقولك ياخوي ...

انا بصراحه ماعندي اي معلومات عن استراليا بس طالما انك على حسابك وودك بالإلتحاق بالبعثة فكر في امريكا ومن بعدها كندا ....
الوضع صاير صعب في استراليا ... الا اذا عندك واسطه تمشي امورك في استراليا اقولك توكل على الله ....

رائد , ولد السلاطين

مشكورين وماقصرتوا وعسى الله يوفقكم دنيا واخره

أخوي نواف أنا طالب على حسابي الخاص في جامعة كانبرا والجامعة أوقفت الشهر الماضي بداعي تكدس الطلابة السعوديين

وأن كنت ترغب بمعرفة الأسعار هي كالتالي بالتحديد/ ..

تكاليف اللغة لمدة 50 أسبوع 17 الف دولار أسترالي (الدولار الأسترالي =3,77 هذا سعر الصرف الاسبوع هذا)

طبعآ للحصول على القبول النهائي لابد تدفع جزء من مبلغ اللغة بحدود 7000 دولار أسترالي+1050دولار تأمين=8150دولار

8150دولار استرالي = 30725الف ريال سعودي .

طبعآ الدفعة الثانية المُكملة لباقي مبلغ اللغة تكون بعد ثلاثة أشهـر ..يعني راح تدفع 10000دولار بالضبط .

اما فيما يخص أسعار العوائل بثلاث وجبات يوميآ 250دولار بالأسبوع 942ريال سعودي .

طبعآ لا أخفيك أن العوائل قليلة قياسآ بعدد الطلاب في مدينة كانبرا لذا عليك

مخاطبة جامعة كانبرا لحجز عائلة مبكرآ بقيمة 150دولار(هذا المبلغ مسترجع لو ماوفرو لك عائلة)

هاذي الأسعار العائلة بالأسبوع والمعهد التابع لجامعة كانبرا أما فيما يخص بالمصروفات الأخرى

شريحة الموبايل وشحن الرصيد وبطاقة صعود الباص متفاوتة حسب رغبتك .

بالطبع على ضوء الأسعار اللي ذكرتها لك حاول ترفع ميزانيتك لأنها بتكفيك شهر ونص فقط حسب استهلاك الشخص الأقتصادي.

أخيرآ شرط الأنضمام بالبعثة تكون فيزتك دراسية .

اخووي نجد مشكوور على معلوماتك القيمه والمهمه , وعسى الله يوفقك ويسعدك دنيا واخره ..
بس عندي استفسار بسيط اقدر ادفع للمعهد شهر بشهره ولا لازم على دفعتين زي ذكرت ؟؟

واتمنى اني ماطولت عليك ..

حياك الله أخوي ..ماتقدر تدفع شهر بشهره لأن فيزتك دراسية وتقدر تدفع شهريآ

لو كانت فيزتك سياحية ,هذا اللي أعرفه .

طبعآ أنا أشجعك بالدراسة في أستراليا للمرونة الموجودة ,وتقدر تبحث عن مدن

أقل تكلفة من كانبرا , مثل (أدليد,نيوأنجلند,برزبن,بيرث...ألخ) لأن بصراحة

السكن هنا بكانبرا غالي والمعهد أيضآ .