استفسار بخصوص توقيع العطية

الله ييسر الامر

طيب ممكن احد يشرح بالتفصيل
وين نروح علشان اخلي الوالد يروح اي فرع واي يوم وعند العطية تمشي الامور
و واذا احد عنده صيغة خطاب لاهنت عطني وياه علشان استخدمة

الغربة اتعبتنا

ولا يهمك أخوي أنا أكتب لك خطاب وابين لك الأوراق المطلوبة والأشخاص اللي تروح لهم
بس لا تنساني من الدعاء واعذرني هالحين لأني مسطل والإرسال ضعيف بكره برسلك إن شاء الله كل شي

الله يجزاك بالخير ويوفقك يارب وهذس مبادره طيبه

وياليت انا اريد نسخه من الخطاب لان اخوي بيروح للوزاره بعد ماراحن اوراقي للموسى والحين اوراقي عند الموسى

وحنا ياشباب تكفون أفيدوونا

لأني يوم السبت رايح أن شاء الله

أنا والله يا ولييد رحت له و قع على معاملتي وقال أبشر وتبسم ومن عيوني وحولني على الإتصالات الإداريه ثم بعدها على وزارة الإبتعاث بحي الغدير وقالو الطلب مرفوض وجيت عده مرات انا
وأنا بأمريكا أخوي جاه ونفس الحكايه
تصررررررريييييييييييف
أبشر من عيوني يضحك
لا كن الله كريم الله يوفقنا ويااك

اقولكم شي يااخوان كم مره دخلت عليه والابتسامة العريضه وابشر ولاكن في النهاية مرفوضه

الشباب اللي أصابهم اليأس من العطية لا تيأسوا حاولوا مرة أخرى المسألة توفيق برب العالمين
أنا أملك واسطة قوية مع العطية نفسه مع ذلك معاملتي ما مشت وفيه أصدقاء لي والله دون واسطات
قدموا على العطية وتوفقوا الحمد الله وأكثر شخص يدعون له المويس لأنه كان متعاون معهم وساهم بشكل كبير في قرار إلحاقهم



بالنسبة لطريقة التقديم على العطية

أولاً تخلي الواحد أحد أقربائك يروح للعطية بمكتبه بمقر الوزارة فرع الناصرية
لكن بشرط أن يجونه من بدري من الساعة 7 لأنه ما يستقبل إلا فئه قليلة من المراجعين
والأولوية لمن يحضر بدري والمطلوب الآتي

1- خطاب موجه للعطية بطلب الإلحاق بالبعثه (ابكتب لك المسودة أدناه )
2- قبول جامعة
3- قبول معهد
4- خطاب بالمعهد ييفيد أنك مباشر بدراسة اللغة
5- صورة الجواز
6- صورة ختم الدخول لأمريكا
7- صورة آخر مؤهل
8- صورة البطاقة المدنية

واللي يراجع لك المعاملة خله يحاول يعبي نموذج طلب إلحاق بالبعثه أو انت عبه وارسله له عن طريق البريد الالكتروني النموذج تحصله على موقع الملحقية والعطية بدوره يوقع على خطابك ويحول المعاملة أحياناً على مكتبه وأحياناً إلى الإبتعاث وتاخذ مجراها وبإمكانك متابعتها عن طريق موقع الوزارة على الانترنت عن طريق خدمة متابعة المعاملات بالوزارة


معالي د. علي بن سليمان العطية حفظه الله
نائب وزير التعليم العالي

السلام عليكم ورحمة الله وبركاتة .... وبعد

نتقدم لمعاليكم بجزيل الشكر والتقدير على جهودكم المميزة في دعم مسيرة التعليم العالي بالمملكة العربية السعودية , كأحد الشباب السعودي الطموح أفيد معاليكم بأني مواظب على الدراسة حالياً في معهد ........ ولدي قبول في جامعة ........... تخصص ........... ونظراً لضعف إمكاناتي المادية والتي قد تهدد مسيرتي المستقبلية وتشكل عائق عن تحقيق طموحاتي أتقدم لمعاليكم بطلب المواافقة على الإلحاق في البعثة راجياً من الله ثم منكم دعمي لكي أواصل مسيرتي الدراسية والعودة لخدمة وطني .

وتقبلوا خالص التحية والتقدير





بالنسبة للأخوان اللي يبون أمر إركاب نفس الطريقة لكن عدلوا بصيغة الخطاب والأوراق المطلوبة قبول جامعة وقبول معهد وصورة الفيزا وصورة الجواز وآخر معهد

الله يوفقكم جميعاً ويحقق آمالكم وطموحاتكم