مساعدة معاناتي مع المشرفين الدراسيين وموضوع الانضمام للبعثة " في Colorado"

اطلع تفاهم مع هذا المشرف واذا ما نفع اطلع للملحق لية الحكومة تعطيهم فلوس ببلاش هم في خدمة الطالب وبعدين من الى يملك هذي القرارت المعقدة ويصدرها
طيب وش يعني اذا فية تكدس قالوا قالوا الثقافة الامريكية تطلعون عليها مضبوط لية تبون نكون مثلهم اعوذ بالله انا قايلة مشروع تغريبي محترم

سلام عليكم ..

اخوي انا مريت بحالة مشابه لحالتك .. قدمت ع جامعة قبل لا اجي ويوم جيت امريكا تكدست الجامعة .. وهالشي خلاني اتاخر في الانضمام ..
انا ما اختلف معاك نظام الوزارة لك عليه ..
فا انسب حل لك قدم عا اي جامعة تعطي قبول سريع عشان تنضم باقرب وقت .. وبعد ما تجيك البعثة بإذن الله غير الجامعة لاي جامعة ثانية تناسبك ..
انا قدمت ع جامعة اعطتني القبول في اقل من اسبوع ..

الله يعينك اخوي فعلاً هذا الحل الوحيد اللي قدامك
جيب قبول من جامعة ثانيه
بصراحة قمة الظلم المفروض يكون على موقع الملحقية تحديثات اول باول عن الجامعات المكدسه عشان الواحد ما يتورط
لاكن مين اللي يفهم معاناة الطلاب !!
لاحول ولا قوة الا بالله

الله يعين
ايش رايكم أكمل شهرين في معهدي المتكدس واتخرج وبعدها أقدم على البعثة ؟
ولا احول ولاية وانضم للبعثة ؟ وادرس دراسة معهد من جديد ؟

والله على حسب امكانياتك و ضعك
يعني لو انت خلاص دافع الاجار و رسوم الدراسه كمل
لان صعب انك تنقل
اما لو تقدر من دحين تنقل انقل افضلك والله يعينك على المصاريف

ان شاءالله الاخوان يساعدوك احسن مني

بس عندي سؤال لو وضع الجامعه كذا مكدس زي حال جامعتك تتوقع انها تقعد على طول مكدس ولا شهر وتنحل المشكلة؟؟

والله مو عااااارف ايش اسوي ;(

طيب لو تصبرت شهرين زيادة وتخرجت من المعهد .... بعدين كيف يضموني للبعثة وأنا انتهيت من اللغة !

اخوي انا ما اعرف تفاصيل كثيره عن دراستك و وضعك بس بحاول افترض و اجاوبك

الاول: اذا انت في الترم الاول لسا >>> جيب قبول من جامعه ثانيه قبول لغه للترم الثاني وقبل تخصص مشروط واذا خلصت الترم الاول تنقل للجامعة الثانيه
الثاني: اذا انت في الترم الثاني و لسا ما خلصت >>>>>> جيب قبول تخصص مشروط قبول جامعي ولما تتخرج من اللغة و تداوم في الجامعه خذ خطاب مباشرة من الجامعة وكمل الاوراق المطلوبه
يعني اذا خلصت لغة وبداءت تداوم في الجامعه سوي طلب الحاق


هذا الحل بوجهت نظري اتمنى احد يقدر يفيدك اكثر مني

تمنياتي لك بالتوفيق

بالتوفيق ان شالله نفذ لهم طلباتهم كلها
هات قبول جامعه مافيها تكدس
واكتب للمشرف انك دافع الشهرين في المعهد والسكن وغير قابله للاسترجاع واكتبله كلمتين تامل يرفع طلبك للوزاره وانك بعد الشهرين فورا بتنهي المعهد وبتترك الولايه وان شالله خير

والله حاله انا توي مقدم على جامعة في كلورادو وفي موقع الوزارة ماهي متكدسة والله النظام مو واضح الي اعرفه اذا معك قبول معهد وجامعة خلاص والله هبلو فينا