بخصوص موعد استلام التأشيرات&ويش صار معي في الوزارة بخصوص القبولات

بسم الله الرحمن الرحيم

اهلا يا حبايب ..

1) بخصوص الموضوع الاول ..

انا اعرف واحد من الشباب من المرحلة الخامسة - الحين في المانيا - قال انو صار لنا زيكم ورحنا للمكتب وقالوا : راح تطلع التاشيرات بعد اسبوعين ..

بس الحقيقة أنها طلعت لبعض الشباب بس ، وبعضهم تأخرت الى شهر او شهر ونص !!! يعني اللي ما راح للمكتب يروح بسررعه ..

2) اما الموضوع الثاني ..

انا رحت للوزارة بخصوص القبولات ..
الموظف : عطني صورة جوازك و عب النموذج هذا وصوّر القبول لنا وخذ الاصل ورح للوزارة طلع تأشيرة !!!
ماركو : ؟؟؟؟ بس يا أخوي انا رحت للمكتب عشان جتني رسالة من الداد اني اطلع الفيزا من المكتب !
الموظف : ما ادري بس لازم تأخذ القبول عشان الامور الجايه .

رحت بعدها لموظف [ فاهم ] وقلت له القصة كااااملة . قال لي : مو مهم من وين تطلعها أهم شي تصير الفيزا معك !

ماركو : ممتاااااز طيب ياخوي بخصوص اصدار امر الاركاب متى اخذه ؟ الحين ؟
الموظف الفاهم : لا بدرييي اصبر شوي .


وبسس

# خلاصة #
- اللي ماراح المكتب يروح بسرعة لانه اسرع من السفارة <<< المكتب هم اللي قالوا لي كذا
- طلع الفيزا من اي محل . لو من البقالة اهم شي طلعها !
- القبول ما كان فيه اي معلومات عن اي شي . بس كان فيه معلومات الشراكة ما بين (داد) و (وزارة التعليم العالي) و ان الحكومة متكلفة بالتصاريف , وبسس . حيث << متعوب عليها حيث .. حيث لم يذكر فيه اي شي عن المعهد او المدينة !


وبسس ارجو اني افدتكم