يا معيدات ومعيدين الى متى هذا الهروب؟

July 21st, 2009, 12:50 AM

اول شي مدري وش اقول بس من جد مقهووووووووووووووووووووووووووووره
بنات لنا حول السنه وحنا ندور وندور عن مكان ببريطانيا ومعهد زين وجامعه ومدينه زينه
ونبحث بهالتخصصات ونرفع طلب الابتعاث العام اننا بنروح لبريطانيا ونبدأ نهيأ نفسنا من كل شي
مثلا نقضي ملابس ونشوف حالنا واللي لنا واللي علينا
وكلن يقول ما شاء الله متى الروحه
وفجأه وبكل بساطه
لان ما عندي واو
ولاني مواطنه عاديه
فجأه
يقولك ان البعثات لبريطانيا توقفت وحتى اللي صدرت لهم قرارات ابتعاث برضوه موقف
الله واكبر عليكم
الله واكبر
شلون من شهور العميده ما عندها خبر
يعني تعب البحث يروح هباء منثورا
بالعربي بالطقاق اللي يطقنا
واللي يقهر اشوف الاغلبيه يقولون خلاص بنبحث بكندا ولا امريكا
يا سلام
خلاص بهالبساطه
كنهم بدل ما يقولون اروح اتسوق من الفيصليه لا اغير واروح المملكه
الموضوع جدا سهل
بحث عن مدينه تناسبك وتخصص يناسبك وجامعه تناسبك ومعهد يناسبك هذا شي تافه
والجامعه لا تنظر له البته
يعني انا وكم وحده بنضيق بريطانيا
بتصير زحمه فينا
طيب اوكي ما عندي مشكله ليش يوم طلبت الابتعاث العام اللي قلت بروح بريطانيا ليش محد قالي موقف
ليش يعقد مجلس قسم وجامعه
من هنا اطالبكم اخواني واخواتي لا تسكتوووووووووووووووووووون
اي شخص معيد او معيده جاب قبول قبل نهاية العام لازم يمشون اوراقنا
موب غلطتنا ان محد قالنا
ما ابي الضعف والهروب
لا احد يقول بندور بكندا ولا امريكا
تكفون تفاعلوا معي ونوصل هالموضوع لمدير الجامعه
انا للاسف اكتشفت اني تبع جامعة سعود
نحن معيدات المحافظات ضعنا بين مطرقة جامعة نوره وسنديان جامعة سعود

• نشر عبر تويتر
• نشر عبر فيسبوك
• نشر عبر جوجل