LinkBack URL
About LinkBacks
هههه ،،
موضوع ممتع ،،
اتمنى انه يوصل لعدد صفحات فكاهية تتجاوزالـ 1000 ،،
بس مواااقف فكاهية ببريطانيا
أحسهااا قوية
وربي شعبكم يجيب الغم
ما اعتقد عندكم اي نوع من الفكااااااااااااااااااهة
بس بننتظر المزيد
7 " موضوع ممتع ،،
اتمنى انه يوصل لعدد صفحات فكاهية تتجاوزالـ 1000 ،،
بس مواااقف فكاهية ببريطانيا
أحسهااا قوية
وربي شعبكم يجيب الغم
ما اعتقد عندكم اي نوع من الفكااااااااااااااااااهة
بس بننتظر المزيد
July 26th, 2009, 07:32 PM
كل واحد فينا تصادفه أشياء حلوهـ وغريبه يوميـا . . .
وعشان نبـعد عن أجواء الدراسـه وهمومـها .... > أدري إن الملتقى هذا هدفه مساعدة أخواننا وأخواتنا في غربتهمـ وتسهيل أمورهمـ .. ..
لكن أيضا لا ننسى أن ندخل عامل البهجة والفرح في نفوسـنا وأن نعبر عما بداخلنـا بأسلوب وطرح رائع لا يخلو من الفكاهـه والسرور ...
حينـها ...
أردت أن أضع بين أيديكمـ يوميــات عتيــبي في بريــطانيــا >> مو عنصريـه ولا شي , لكن لأني عتيـبي ...
ورح تكون يوميــاتي مقسـمه على شكل حلقـات
ولا شكـ أنه تصير لي - ولكمـ أيضا - مواقف يوميــا مضحكـه وغريبـه >> طبعا لأني ملقوف وإجتماعي بزيادهـ
وأتدخل في كل شي . . .
وأيضا لا ننـسى أن الحياة تجارب ... وكلنا نتعلمـ منها سواءا من تجاربنا أو تجارب غيرنـا . . .
◄ الجـزء الأول ►
░░ الحلقـة الأولـى ░░
أنا طالب دراسات عليا تخصص بزنس ....
ساكن في ثاني أكبر مدينة في بريطانيا >> على باله ما رح يعرفون إسمــها .....
والشقة اللي أنا فيها في مكان راقي وحلو مرهـ في الستي سنتـر . . . لكن فيه واحد من الهنود الحمر مسبب لي قلق كل ويـك اند ...
يعزف ويطبل وما يخليني أنامـ زين . . . .سبحان الله يذكرني بأفلامـ الكرتون أيامـ زمان .. يوم كانوا الهنود الحمر يعزفون وفجأه ينزل مطر . . .. .
صدقوني هذا اللي قاعـد يصير لما يعزف شوي إلا ونازل مطر ما شاء الله . .
طبعا كله من بعـد أمر الله - سبحانه وتعالى - لكن هذا اللي قاعد يصير كل ويكـ اند . .
لدرجة أحيانـا نفسي أروح له واعطيه 50 باونـد وأقول لا عاد تجي هنا سببت لي قلق وإزعاج . . . . >> لكن ما أتوقع رح يرضى لأن زبائنه كثير ...
أنا من طبيعتي أنسان أحب أستكشـف كل شي وأعرف كل اللي حولي >> بالعربي ملقوف . . . .
لكن لقافـتي تجيـب نتيــجه دايــما ولله الحمــد . . .. .
اليومـ صحيـت على أزعاج قوي مرهـ ولما نزلت طلع فيه مهرجان للهنود >> الهنود ما منهمـ فكه أبدا ..
المهمـ افطرت > فطورهـ شاي وجبن يوميا ولا يمل منـه أبدا .. . . .
بعـدها نزلت عشان أستكشف المهرجان اللي مسبب لي قلق ومخرب علي نومتي . . .
أول ما طلعت طلع في وجهي ياباني مدري صيني .. المهمـ من اللي عيونهمـ صغار . . .. > ما يحبهمـ ..
قال كمـ رقمـ جوالكـ ... > على باله أجتماعي بقوهـ . . . .قلت ايش تبي فيه ؟ مسكين يقول أبي أكون صديقك
ما طاح إلا على الشخص اللي يكرهـ هالفئه مدري ليش . . . . مع أنهمـ طيبين مرهـ . . .
على كل حال عطيته رقمي - هو ساكن معي في العمارهـ - ورحت أشوف المهرجان ... . .
بصراحه حلو جدا ويستاهل قومتي من النومـ . .. . يووهـ يذكرني يومـ كنا صغار أنا وعيال عمي نروح لمزرعتنا ونتابع أفلامـ هنود عند العامل ... . والمصيبه الفيلمـ واحد ما يتغير حفظناهـ
مهرجان كأنك في نيودلهي . . رقص هنود وأغاني وحركات . . . حتى الشعب البريطاني صار يرقص معاهمـ ويردد كلامهمـ مع أنه مو فاهمـ شي .. >> شعب مغفل . . . .
المهـمـ . . . جتني حرمهـ كبيرهـ في السن وقالت خذ هذي دعوهـ عشان تحضر المهرجان اليومـ مجانا ... > يموت في شي بالمجان هنا في بريطانيا .. سواءا حلال أو حرامـ- طبعا حرامـ رح اعطيه لغير المسلمـ . ..
لكن بصراحه أنا ماكنت فاضي لهمـ >>> يا عيني من كثر شغلك .. كل وقتي فاضي أصلا . . .
رحت لكوستا >> قهوتـه المفضله ... وطبعا الموظفه حفظت الطلب حقي من كثر ما أتردد عليها .. كل ما علي أدفع الحساب وطلبي يجيني لحد عنـدي
طبعا كل اللي في المقهى اللي يقرأ كتاب واللي يسولف مع خويه . . . ..>> ناس تقدر الوقت وثمين عندها . . الله يرحمـ حالنا . . .
وأنا فاضي أتفرج في اللي رايح وجاي . . . . وبعدها أخذت لي لفتين في السوق كالعاده >>خلاص حفظت السوق كله وكل اللي فيه عرفوني . . .
رجعت بعدها لشقتي المتواضعه وتقريبـا أنتهـي يومي هذا . > طبعا يومـ الأحد من الأيام الممله والكئيبه هنا بالنسبه لنا . . .
موضوعي له تكمـلهـ . . . ويومياتي ما زالت مستمرهـ . . . .
بإنتــظار ردودكمـ وتفاعلكمـ معي . . . . .
---------------------------------------------
نظرا لكثرة الردود وتسهيلا للوصول لحلقاتي وضعت لكمـ روابطـها
وسوف تتـجدد الحلقـات ...
░░ الحلقـة الثانيـة ░░
░░ الحلقة الثالثـة ░░
░░ الحلقة الرابـعة ░░
░░ الحلقـة الخامـسة ░░
░░ الحلقـة السادسـة ░░
░░ الحلقـة السابـعة ░░
░░ الحلقـة الثامنـة ░░
░░ الحلقـة التاسعـة ░░
░░ الحلقـة العاشـرة ░░
^^^^^^^^^^^^^^^^^^^^^^^^^^
----------------------------------
◄ الجـزء الثانـي ►
░░ الحلقـة الأولى ░░
░░ الحلقـة الثانـية ░░
░░ الحلـقة الثالثـة ░░.
تــحياتــي لكمـ .. .. ..