Derby

وعليكم السلام والرحمة

الناس تمدح وتذم, لذلك انا اللي سويته اني بحثت في التصنيفات المعروفة دوليا ومنها تصنيف تايمس كيو اس:
THE - QS World University Rankings 2009 - top UK universities | Top Universities

وبناءا على هذا التصنيف قدمت على جامعتي بريستول وادنبرة ودخلت ادنبرة ولا اهتميت باللي قالولي صعبة او اللي قال اسكتلندا باردة أبعد عنها وغيره من الكلام اللي مااقتنع فيه.

انصحك تقدم على الجامعات ال25 الافضل حسب هذا التصنيف لجامعات بريطانيا لعام 2009.
التصنيف العالي للجامعة يعني سمعة طيبة, تدريس ممتاز, سمعة طيبة لدى الشركات لخريجيها, اعضاء هيئة تدريس دوليين (مش بس بريطانيين) وكذلك طلاب دوليين, وغيرها من المعايير المذكورة في الجدول.

بالتوفيق

انتا صح
وسالفة المرونه والله ما تنفع بدون مجهود
حتى لو كانت الجامعه في الحظيظ
بالتوفيق للجميع

الله يوفقك يالغالي

انا عندي قبول من جامعة داربي سنة اخيره وماشي خلال كم يوم بس انتظر الفيزا تطلع واعرف شباب في الجامعه يمدحون فيها
وللمعلومية ولو تتخرج من داربي ولا من اقوى جامعه ببريطانيا كلكم بكالوريوس
نصيحتي دور الجامعه المتساهلة عشان تطلع بمعدل حلو وش الفايده تدخل جامعه صعبة وتسقط ولا تطلع بمعدل فاشل

اختلاف الراي لا يفسد في الود قضية

اخوي ممكن افهم وش معنى كلمة متساهله ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يا جماعة الخير ترا متساهله هنا يعني تدريس سيء واهم شي عندهم الفلوس وتنجح ولا ما تنجح بستين داهيه وانا مجرررررب يا ناس
ترا وربي ما في ولا جامعه بتعطيك شهاده وانت نايم
بالتوفيق للجميع

ياشباب لاتتوقعوا انكم تلاقو جامعة الدكاترة فيها (حبيبين, يتوصو في الدرجات, ويتساهلو في التصحيح, او تروح له كل اسبوع الساعات المكتبية تسوي انك حريص وتبغى تتعلم عشان يعرفك ويفتكرك وقت التصحيح وغيرها من الحركات المعروفة اللي تمشي في السعودية)
اوراق الاختبارات ماينكتب فيها اسمك ولا رقمك الجامعي بل رقم خاص بالاختبار لكل طالب, والدكاترة تصحيحهم موضوعي بحت, يعني اذا اجابتك تؤهلك انك تاخذ ممتاز بتاخذه وان ظلمك تقدر تعترض وتاخذ حقك, وايضا لو اجابتك تعطيك جيد جدا مارح يدفك لممتاز عشانك مزبطه او يعرفك!! انسى!!! هذا هو الوضع بشكل عام ولكن ممكن تكون هناك حالات قليلة لجامعات تعبانة.

الزبدة, ابحث عن جامعة تدريسها ذو جودة عالية عشان تفهم وتقدر تجاوب على الاسئلة وايضا عشان تستفيد في مستقبلك بعد ماتتخرج باذن الله. راح الوقت اللي كانت فيه اي شهادة تخرج من دولة غربية (امريكا-بريطانيا-...الخ) عبارة عن ضمان لحاملها بالحصول على وظيفة مرموقة!! المبتعثين في الخارج الحين وصلو فوق الخمسين الف طالب وطالبة, وفي بريطانيا لوحدها 12 او 14 الف!! يعني الشركات وجهات التوظيف رح يكون قدامهم مئات من المتقدمين على الوظيفة مثلك وكلهم متخرجين من بريطانيا او غيرها, لذلك ابحث عن جامعة لها سمعة قوية ومحترمة.

فكر لبعيد, فكر في مستقبلك, ولاتكون اقصى نقطة يصل اليها بصرك هي شهادة التخرج!!