انا يبغى عروسه علشان سوي زواج كويس

بسم الله الرحمن الرحمن
والصلاة والسلام على اشرف الانبياء والمرسلين سيدنا محمد وعلى اله وصحبه وسلم تسليما كثيرا
اما بعد
صبحكم الله بالخير والمسرات
الحين اكيد الكل يبي يفهم وش علاقة المقدمه بالموضوع
ههههههههههههههههههههههههههه
<<<<<مرجوج بس صادق
المهم
الموضوع مثل ما انتوا شايفين
انا نفر يبغى نفره سأوديه علشان سوي زواج سوا سوا
هههههههههههههه
ترى سعودي لا يغركم اللهجه
ههههههههههههههههههههههههه
ادري مو مصدقين
بس والله جد ابي عروس
هههههههههههههههههههه
طيب ليش تضحك ؟
مدري
بس ابي عروس

لا لا
تبون الجد


والله من جد ابي عروس
هههههههههههههههههههههههههههههههههههههههههههههههههه ههههههههه
<<<شوي شوي لا يطق لك عرق

طيب ولا يهمكم بابطل ثقالة دم واحكي جد
اللي حاصل طول الله اعماركم :<<<<بيبدأ في القصه الحقيقية
انا طالب مبتعث في بريطانيا
وباقي لي سنه وهالترم على التخرج من مرحلة البكالوريوس <<<<<<بيصير مهندس
واهلي ناشبين لي يبون يزوجوني اول ما ارجع السعوديه
طبعا كما هو معروف بيبدأون البحث عن عروس لي بالطريقة المعروفه بالسعوديه اللي هي انهم يناقزون من عرس في الثاني ويدورون على احلى بنت ويسالون عن " اهلها " <<<يعني العايله والنسب
المهم ويدزون ويخطبون
<<<<< الاخ الفاضل ما يبي
طيب وش اللي ابي ؟؟؟؟؟؟
انا اقولكم وش اللي ابي
اللي ابي هو اني ابي عروس تعجبني انا ما ابي عروس تعجب اهلي
طبعا الكل بيرد علي الحين ويقول " طيب حنا وش دخلنا يابو " <<<<مضيع على باله منتدى البحث عن زوجه
ههههههههههههه
لا لا مو مضيع
اللي خلاني اكتب الموضوع هنا 5 أسباب اهمها 3 هي:
1- ابي اراء من ناس متعلمين ومجربين ومثقفين امثالكم

<<<<<<<انواع اللخبطه مو عارف يرتب الحكي
لا تدورون اسباب زياده ترى هو سبب واحد بس نوع من التمويه
الزبده الموضوع مره مهم ومشغلني
لاني نفر عندي احلام كثييييييييييره عن شريكة العمر
واعتبر الزواج من اهم مشاريع العمر لانه ولادة جديدة للبني ادم وعندنا بالسعوديه مثل البطيخه
يا تصيب يا تخيب
وخايف انها تخيب
لان العروس اللي سيقع الاختيار عليها ستكون مناسبه في عيون امي واخواتي وممكن بعد تكون اراؤهم متناقضه <<<بلشه
طيب من اللي بيتزوج انا ولا هم ؟؟؟؟؟؟
والله سوال مهم
الاجابه : والله انا اللي باتزوج
طيب وش دخلهم هم يختارون <<<<<مسكين راحت عليه
طيب والحل
الحل بسيط : عطهم المواصفات اللي تبيها بدقه
اهااااااا
اي والله صح
طيب وش المواصفات اللي بيسالون عنها ؟
اكيد اول شي النسب يبون لي عايله مناسبه لعايلتنا
طيب وثاني شي ؟
ثاني شي الشكل يبون لي عروس حلوه
طيب ثالث شي ؟
ثالث شي ؟ هاه ؟؟؟؟!!!!!!!! انت قلت ثالث شي ؟
ما عاد فيه ثالث شي كفايه عليك كذا
افااااااااا <<<<<<راحت عليه من جد

طيب والاحلام والفلسفه اللي في دماغك والتفكير والتوافق الفكري والعلمي والاسلوب والطموح والاخلاق والتعامل و و و ......... الخ الخ

وقال ايش قال يبون رجال سعوديين عظماء <<<<<امحق
ههههههههههههههههه
اي عظماء وانتوا تختارون البنت المناسبه للرجل الغير مناسب
اي وراء كل رجل عظيم امراه واي خربطه
واحلى واقوى رد يسكت بهالموضوع اذا جاك احد يقوللك ياخي هذا نصيب
ياخوي دارين نصيب بس الرسول اللهم صلي وسلم عليه يقول " اعقلها وتوكل "
مو تروح تخلي اهلك يختارون وتقول ما اعجبتني

ولا يجيك واحد يقول اهم شي النيه
اي نيه يا بو واكثر حالات طلاق موجوده عندنا بالسعوديه
وانواع المشاكل الزوجيه بين المتزوجين
ما اختلفنا المشاكل ملح الحياه بس مشاكل معقوله
مو افلاااااااام

بيجيني واحد اكيييييد وبيقول تراك مكبر السالفه وهي صغيره
خلص دراسه اول بعدين تكلم
تدرون وش باقوله
باقوله وش يفرق الكلام الحين ولا بعد الدراسه يعني سبحان الله مزاج امي واخواتي بيصير نفس مزاجي اذا خلصت دراسه
ولا المجتمع السعودي بيتاثر بالمجتمع اللبناني من كثر الاعانات للبنان <<<وش دخلها بالموضوع

المهم
انا حبيت اسمع اكبر قدر ممكن من الاراء حول الموضوع
طبعا ما طلعت كل اللي بقلبي
بس اهم شي انكم فهمتوا الزبده
تحياتي للجميع