مبتعث إلى فرنسا.!؟ أخبرنا عن موعد دراستك وعن رأيك في المعهد

وويفقج اختي ..
انا حالين في تور ..
ترا هي مدينة حلوة ..
وحدايقة واجد ..
واليوم انشالله رايح اسكن عند عايلة .. وبيبدا دوامي يوم الاثنين الجاي ..

اخوي انت الحين نسقت العايله مع المعهد ... طيب شلون شفت الغرفه واتاكدت من نظافتها ومن هالكلام لان الموقع بس عارض الاسعار وانا ابس اشوف كل التفاصيل ممكن تعرفلي كيف بليييز ... وان شاء الله انطباعك يمون حلو عن العايله والمعهد ... بالتوفيق

إخوتي المبتعثين إلى فرنسا حتى اللحظة لم أحصل على قبول المعهـ ـد

وحتّى الآن الأستاذة جميلة مظلوم لاترد

اختي العايلة طيبه واجد ..
وبالنسبه للنضافه نضاف واجد بعد ..
ويحبون يخدمون الواحد ..
وبالنسبه للغرفه مب صغيره ولا كبيره ..
انتي علميني شتبين تعرفين بالضبط .. وانا بقولج ..

مشكور اخوي ماقصرت...

الاغلب الحين استلم صوره قبوله واللي مااستلمها يكلم مدام جميله يوم الاثنين بترسلها له على الايميل عموما اللي استلم صوره القبول يطلع الرياض يطلع الضمان المالي عشان اجراءات الفيزا انا كلمت مدام سلمى في القنصليه واعطتني الطلبات وقالتلي ممكن نمشي بصوره القبول يعني لاتشيوا هم ، هذي الطلبات حتى لو تكونوا عارفينها للاحتياط :

تعبئه الابليكشن عدد ٢ + صورتين شخصيه
صوره اول اربع صفحات من الجواز والاصل
صوره القبول
صوره الضمان المالي
صوره شهاده الميلاد مترجمه عند الدكتور احمد تيجاني هو المعتمد وهذا رقمه ٠٥٠٤٦٨٢٩٠١ يترجم الصفحه ب ٧٥ ريال
على فكره العام كانوا يترجموها في المملحقيه بس الحين من متطلبات الفيزا.
صوره اخر شهاده
السيفي (ان وجد)
حجز سكن حتى لو فندق
اما المرافق :
نفس الطلبات اللي فوق بزياده ضمانه المالي يكون ٨٠ الف ريال عشان يطلع فيزا طالب ..

أنا مرافق وطالع بفيزت زائر وبدرس على حساب الحكومه وتراها ما تفرق نفس مدت الفيزا ونفس كل شي يعني المرافقين خليهم يتوكلوا على الله ويطلعوا فيزت زائر ولو خلصوا اللغه وجابوا قبول جامعي تتحول الفيزا إلى طالب


الله يكتبلكم اللي فيه الخير وموفقين جميعاً

هيا قالتلي لو بيطلع بفيزا سائح يجيب كشف ثلاث شهور بس...

طيب اخوي كيف على دوامك كامل ولا جزئي ........؟؟

وفي حال اخذت ضمانك المالي من الملحقيه بعدين تقدر تغير لفيزا طالب ..........؟ وايش كانت نوع التأشيره الشنقن العادي اللي نطلعه في السياحه ...........؟؟؟

ما يحتاج لا كشف حساب ولا شي بالنسبة للضمان المالي الخاص فيكي يكون موجود فيه إسم المرافق وأسماء الأطفال في حال وجودهم وفي هذه الحاله تتوجهي على السفارة على طول وتكملي أوراقك وبالنسبة للفيزا مكتوب عليها زائر ماهم موضحين فيها إذا كانت شنقن ولا لأ ومدة الفيزا سنه والدوام كامل نفس فيزت الطالب وفي حال المرافق جاب قبول جامعي يتم إلحاقه وتتحول الفيزا إلى طالب ..

بالنسبة ليا أنا لسا ما جبت قبول جامعي لكن لو جبت بأشوف وش يصير معاي وأقولكم ...

موفقين جميعاً

إخواني أين أجد شهادة الميلاد إن لم تكن موجودة عندي.؟

كيف أصدر بدل فاقـد.؟

ثم ياأختي هل تقصدين أن مدام جميلة سترسل القبولات غدا الاثنين .؟ هل هذا لكل المعاهد ولكل الطلبة.؟

وشكرا

شهادة الميلاد أعتقد تروح الأحوال المدنية وتطلبهم بدل فقد

بالنسبة للقبولات في حال إنها ما وصلتك تتصل على مدام جميلة مظلوم وتعطيها إيميلك وهيه بترسلك القبول وإنت تطبعه وتروح تكمل إجراءاتك عشان تصدر الضمان المالي بعد كذا الفيزا وترجع للوزارة وتصدر قرار الإبتعاث وأمر الإركاب وتجي على فرنسا