فزعتكم يا شباب المعهد في جامعه ball state university

ولا طلاب يدرس هناك والله غريبه مو معقول

السلام عليكم هلا اخوي انا كتبت موضوع قبلك ولا لقيت احد يرد علي والظاهر ان الجامعه ما فيها الا صينيين

انا والله يا اخوي بشيك على معهد بعد اسبوع وبرد لك خبر.

شكله الظاهر انه ما في سعوديين

الله يوفقك ويسهل امورك كلها وخبرنا وش يصير معك

الله يوفقكم يارب وان شاء الله احد يرد عليكمممم في اقرب وقت

السلام عليكم ..

معليش على التأخر بالرد .. والظاهر فعلا الجامعه هذي يبغى لها واحد يتفرغ بالردود عنها لأني من ايام مراسلاتي ما القى اجابات عن الاسئلة ,...

عموما في ادرس في الجامعه .. هي ما فيها معهد مستقل انما لما تأخذ قبول تختبر عندهم اختبار انجليزي ومنه يتحدد اذا تدرس لغة او لأ طبعا في كلاسات يعطوك اياه للغة في المهارات المختلفة محداثة كتابة مصطلحات استماع قواعد التدريس في المعهد من تجارب الزملاء جيد وفيه كرف جامد الدراسة يومية فيه من ثمانية الصبح الين 3 ونص العصر عدد المستويات يبدو لي ستة وبعضهم قالي عشرة الظاهر الدعوة ملخبطة لأنه ما فيه شئ واضح لكن المهم انك بسنة تقدر تخلص اللغة .. نسيت اقول المعهد - مجازا ولا اصلا ما فيه معهد مستقل - فيه حدود السبعه او ثمانية طلبة سعوديين خمسة طلاب وطالبتين ووحده من الكويت هذا في حد علمي ..

بالتوفيق للجميع ..

خاص لأخي Man U
مشكور على دعواتك الطيبة في موضوع سابق لي .. وتراني رديت على موضوعك اللي قبل ارجع تأكد وشف ردي بس انت ما علقت على ردي وكمان بموضوعي انا رديت على كثير من الاسئلة الي تخص الجامعه ..

الان صار لي شهر في المدينة والجامعه .. واقدر ارد على استفسارات مثل السكن الاسعار المدينة الطقس الخ قبل كنت مثلكم من السعودية اشارك فما اقدر افتي بالاشياء السابقة

الله يسهل لكم القبول والتوفيق

ابوغلا

مشكور ابو غلا على المعلومات وانا شفت ردك في الموضوع السابق وانت والله ما قصرت لكني اقصد ان الجامعه شكل ما فيها سعوديين الا قليل لان ما فيه احد يرد على الاستفسارات الا انت . وبصراحه الجامعه هاذي وهقتني وعدوني ان القبول راح يكون بعد 6 اسابيع والان لهم اكثر من شهرين وعشره ايام والمشكله ان عندي موعد بالسفاره ولا ادري وش اسوي .

وعليم السلام ورحمة الله بركاته

هلا اخوي
اولا اسفين على التاخير لاني مشغول ما اخش المنتدى كثير
ابو غلا صراحة ما قصر
لكن احب اقول انا ادرس في المعهد هذا وتدريسهم للغه معقول يعطوني ست كورسات محادثة وقواعد واستماع وقرائة وتحدث ونطق عموما المعهد مكثف شوي عندي من يوم الاثنين الى الاربعاء من 8الى 2:50 والخميس من12الى 2:50 والجمعه من8الى 11 كان عندي الجمعة الظهر وكلمتهم علشان صلاة الجمعة وغيرو موعد المحاضرة علشان المسلمين والهوم وورك تقدر تقول كل محاضرة فيها هوم وورك بسيط
ومدة الدراسة 6 لفلات كل ترم لفليل و الصيف لفل يعني يمديك تكمل اللغة في سنه باذن الله
عموما المدينه حلوه وفيها مسجد واسعراها حلوه انا ساكن بسكن الجامعة شقه ب600دولار تقريبا شامل للنت و الكهرباء و الماء وميزة المعهد انك اذا انتهيت منه تخش الجامعة على طولا ولا تحتاج لتوفل

وفي الاخير انصحك اذا بتدرس في هذي الجامعة تدرس اللغه في نفس معهدهم اما اذا بتدرس الفي جامعة ثانيه لاتخش معهد جامعة بول ستيت بس حط في بالك الدراسة في بول ستيت مهي سهله على كلام الي درسوا بس الناس في المدينة مره ممتازين والبرد فيها برد صحيح
والله ولي التوفيق

مشكور اخوي a.s.aa على المشاركه والتفاعل لكن عندي سؤال بالنسبه للصعوبه وش تقصد فيها والله خوفتني