نقاط مختصره عن الرحله لامريكا

May 7th, 2010, 02:59 PM

الافضل ان تاخذ معك فيزا من البنك واطلب رقم سري للسحب(بس ادفع اخر الشهر عشان ماتدخل بالربا والفوائد)
احجز بدري لان كل ماقدمت تنزل القيمه ورح لمكتب افضل لك لان عندهم خصومات لهم
خل معك كم صوره لجوازك والفيزا باماكن مختلفه وحتى بالايميل بالمسودات
خذ معك شوي كاش عشرات لانه تحتاج للتاكسي
انزل بواشنطن واذهب للملحقيه (حوالي نص ساعه عن المطار) وسجل او رح للسفاره وسجل جوازك اذا زائر
الملحقيه والسفاره جنب بعض بفرجينيا في حي اسمه واترقيت
رح للبيت الابيض وخذ لك لفه بواشنطن دي سي حلوه لانه قريب من السفاره
اذا ماعندك حجز لداخل امريكا فيه سودانيه تابعه لمكتب الطيار وخدومه ممكن ترتب لك حجز رخيص
انتبهو
التدخين ممنوع بالمطارات والفنادق والاسواق وكل المرافق وعقوبة اللي يكسر النظام 250 دولار اقل شي
واذا طلعت برا ابعد 15 متر عن المداخل
لاتنسون تاخذون معكم شواحن للجوال وفيشه لتحول من دائري الى خط يعني افياشهم كذا II
خذ شريحة تي موبايل وترا بعد الساعه 5 مساء الى الساعه 7 صباح مجان داخل امريكا ومخفض للخارج وكذلك السبت والاحد مجان
لاتاخذ قهوه وخرابيط لان قهوتهم محمصه اكثر وافيد من قهوتنا النيه (يعني الدهون فيها محروووووق)
ممكن تاخذ تمر ولو انه موجود هناك بالسيفوي
لاتندفع وتستاجر اي شي وتتحسف
ممكن تسكن موتيل لمدة اسبوع وقل لهم يسوون لك خصم ودور على راحتك وقارن
اذا سكنت شف السوق اللي جنبك وسو عضويه (ميمبرشيب) معهم عشان تستفيد من الخصم
المطاعم عندهم اذا خدموك على طاوله لازم تدفع عموله للجرسون ( تيب ) بين 10 الى 20 بالميه من الفاتوره
10 يعني خدمه مش ممتازه ماشي حاله
20% يعني ممتاز
يعني اذا فاتورتك 20 دولار ادفع اربعه اذا ممتاز و3 اذا وسط بس اقل شي 2 لان رواتبهم من خدمتك
حتى اذا واحد خدمك بالمطار اعطه 5
بالتوفيق للجميع

• نشر عبر تويتر
• نشر عبر فيسبوك
• نشر عبر جوجل