مساعدة دكتوراة بدون ماجستير ...!!!!

انا اللي اعرفه انه في جامعات في امريكا تعطي دكتوراة بدون ماجستير بس اظن انهم يسوا لك اختبار

بس تأكد افضل لاني مو متاكدة من المعلومة بصراحة

نعم يوجد هذا النظام في امريكا ودول اوروبا

انا عرض على دكتور في بريطانيا وقال ادخلك ماجستير وبعد سنه ارفعك لمرحلة الدكتوراه مباشره وتحسب لك اول سنه كدكتوراه وتخلص بثلاث سنين!! لكن قلت اتأكد اول هل هذا النظام معتمد عندنا وارد لك خبر
فتأكد انت

كلنا عارفين الشي هذا لكن وين الجواب ... أنا ابغا الجواب وين الحريف اللي

يجاوب علا السوال البرنامج ماجستير ودكتوراه منفصلين او متصلين ؟؟؟

اولا : أعجبني ردك في موضوع الزواااااج


ثانيا : يبدو ان تخصصك اجتماعي ،،، الحين أنا أسأل وانت ترجع تسألني لكن

بجاوبك اللي اعرفه ان النظام هذا غير مسموح به وانا صراحه محتار ومستغرب

وين مبتعثين امريكا ليش مايعرفون !!!!!

اشكرك على تقييمك واطرائك!

بل تخصصي هندسه مدنيه(يعني طابوقه على طابوقه)

انا اقصد اسأل اذا النظام عندكم في السعوديه يعتمده!
لاني من الكويت
وهالموضوع تناقشت فيه مع دكتور في السفاره الكويتيه وقال هذا نظام جديد وسيعتمد

حبيبي هذا البرنامج غير معترف فيه
وحذرونا منه قبل نطلع
ولن تعادل شهادتك الدكتوراه من الوزارة

موفقين ان شاء الله.

يعتمد على الجهه اللي باعثتك اذا هي موافقه او لا

لكن اذا انت مبتعث على حساب وزارة التعليم العالي فالنظام هذا غير معتمد ولا تتم لك معادلة الشهاده

وبالتوفيق

مشكورين علا ردودكم

لكن القصد ايش المقصود بال phd هل هو دكتوراة و ماجستير متصلين او منفصلين ؟؟؟

والأمر الاخر انهم كاتبين لي في حالة الطلب مقبول والدرجه ألعلميه Graduate هل هذا معناه ماستر

او ماستر و دكتوراره لأني في الابليكيشن مختار phd لانهم قالوا غير طلبك من ماستر الا دكتوراة

ونقبلك و هذا اللي أنا عملته و حصلت علا القبول

أنا ابغا بس اعرف ايش قصدهم من الشي هذا

شكرا على اظافتكم يا اخوان .. ولكن ردودكم تتناقض مع ماورد في لائحة معادلة الشهادات في موقع وزارة التعليم العالي

حيث ورد التالي :

لمعادلة الدرجة الجامعية الثالثة ( الدكتوراه وما يعادلها ) يشترط بالإضافة إلى ما ورد في القاعدة التنفيذية (6-1) ما يلي :-
أ) الحصول المسبق على الدرجة الجامعية الأولى أو الدرجة الجامعية الثانية كما ورد في الفقرة (ح)من القاعدة التنفيذية (6-5) من هذه الأسس.
ب) أن لا تقل مدة الدراسة اللازمة للحصول على الدرجة الجامعية الثالثة عن سنتين دراسيتين بعد الحصول على الدرجة الجامعية الثانية أو ثلاث سنوات دراسية بعد الحصول على الدرجة الجامعية الأولى.
ج) الانتظام والتفرغ والإقامة في بلد الدراسة المدة اللازمة لدراسة المقررات المنهجية إن وجدت على أن لا تقل مدة الانتظام والتفرغ والإقامة في بلد الدراسة عن "السنة الدراسية الواحدة" بعد الماجستير أو سنتين بعد البكالوريوس في حالة دراسة الماجستير والدكتوراه خارج المملكة.
د ) يكون من متطلبات الحصول على الشهادة إجراء بحث علمي أو عدة أبحاث في حقل التخصص.
هـ) أن يكون موضوع دراسة الدكتوراه في تخصص دراسة الطالب في المرحلة الجامعية أو مرحلة الماجستير أو في مجال مساند، أو أن يكون الطالب قد اجتاز مقررات تكميلية كافية في حالة اختلاف التخصص، أو أن تجد اللجنة مبررا مقنعا لاختلاف التخصص .
و) أن تكون الدرجة أعلى شهادة أكاديمية يسجل لها الطالب في نظام التعليم العالي في ذلك البلد.
ح) يجوز للجنة النظر في معادلة الدرجة الجامعية الثالثة دون اشتراط الحصول على الدرجة الجامعية الثانية إذا كان نظام الجامعة يسمح بمواصلة الدراسة للحصول على الدرجة الجامعية الثالثة دون الحصول على الدرجة الجامعية الثانية.

انا استفساري (بالنسبة لمبتعثي الجامعات السعودية) هل سوف يعامل الحاصل على شهادة الدكتوارة بدون ماجستير او مايسمى Direct Phd معي اعضاء هيئة التدريس حاملي الماجستير والدكتوارة معا؟ من ناحية مرتبة التعيين والراتب وجميع النواحي ؟

ياليت احد يفيدنا

وبالنسبة لكاتب الموضوع .. الجامعة التي قبلتك يقصدون انك مقبول لبرنامج الدكتوارة مباشرة .. طبعا هالبرنامج راح تكون عليه زيادة بعض المواد تعويضا عن مرحلة الماجستير .. بالنسبة للنوعية من هالبرامج تستطيع ان تتوقف بعد سنه او سنة ونصف من الدراسة وتنتهي بالحصول على ماجستير .. او تكمل البرنامج وتنتهي بشهادة دكتوارة .. هالنظام معتمد في امريكا وكما قرأت في موضوع في بريطانيا ايضا .. بس السؤال هل هو معتمد لدى ربعنا في السعودية ام لا ..