استفسار وش يصير لو فسخت عقد السكن؟؟

في أي ولاية انت؟ يعتمد على الولاية ، بس اجمالا يقدر يرفع عليك قضية ومحاكم..

أحسن شي انك تتفاهم معهم..

والله انا ساحب على سكن مع اني دافعلهم حق 4 شهور وسكنت بس شهرين ..
لاني حاولت اتفاهم معاهم مارضيو قالو مافي فسخ للعقد لازم تدفع حق السنة كاملة ..

الافضل تروح تقولهم انا بنقل على ولاية ثانية , ولو تجيب قبول من اي جامعة ثانية في اي ولاية بعيدة عشان يفسخو العقد معاك ..

دامك ما بعد سكنت قلهم انا هونت واذا اخذوا رسوم الابلكيشن عادي

فيصل انت متاكد ؟؟ لاني اتوقع راس مالها ياخذو التامين ولا يعطوك
ME سمسون حلو الحركه حق الولايه الثانيه بس تتوقع ماراح انقفط بعدين؟؟ انت اش صار معك يوم سحبت عليهم؟؟
روكو انا سكنت بس يدوب اسبوع

ياهلا فيك اخوي
لازم اول شي تشوف العقد الي بينك وبينهم وتشوف كمان الشرط الجزائي
وكل نوع سكن له شروط خاصه ومالها علاقه الولايه وإختلافها
بعض انواع السكن يفرض عليك انك بأي حال من الاحوال ماتطلع
وبعضهم يسمح لك تطلع لكن تجيب احد تحول العقد بأسمه
وبعضهم يصادر التأمين وتدفع له كمان قيمة أجار شهر ويعطيك اخلاء طرف
لازم تسألهم ايش الشرط الجزائي بينك وبينهم .. وانتبه اخوي لاتسوي شي يخالف القانون
لأنهم يقدروا يجيبونك من اي مكان
بالتوفيق ان شاء الله

كل ولاية لها نظام مدني خاص (Civil code) من ضمنها قوانين التأجير. العقد لايمكن أن يخالف أي نقطة في النظام وفي نفس الوقت يحدد الاستثناءات التي تمكن المستأجر من كسر العقد "قانونيا". غالبا اذا قريت العقد بتلقى مكتوب فيه بشكل واضح ان المستأجر لازم يدفع قيمة اجار المدة كاملة في حالة عدم الالتزام بالعقد.

بشكل عام ، صاحب المبنى يقدر يرفع دعوى عليك ويخليك تدفع فلوس مدة العقد كلها وفوقها الأتعاب القانونية. طبعا اذا كان عنده زبائن يقدر يمشيها ومايرفع عليك قضية بس هذا الشي يرجع له.

وش المشكلة في السكن؟ اذا كان فيه ازعاج أو مو نظيف أو غير آمن فهذه تسمح لك تطلع في معظم الولايات ، بس لازم تكلمه في الأول.. وأهم شي لاتسوي شي غير قانوني..

أحسن شي ، قبل ماتكلمهم فكر في سبب قوي ، مثلا جب قبول معهد في ولاية ثانية وقول لهم انك بتحول علشان تكون قريب من خويانك.

شرح لقوانين التأجير في معظم الولايات:

Break a Lease - How To Information | eHow.com

هلاا اخوي

انا اعلمك بأنسب طريقه ..

اول شي بما انك باقي ماسكنت قلهم جاني قبول بولايه ثانيه وحاول يرجعون لك الديبازت واذا رفضوا قل طيب لكم الديبازت وخلوني اروح
ثاني شي اذا رفضوا كل شي وقالو لازم تكمل العقد قل بجيب مكاني واحد وانقل العقد بإسمه واتوقع هذا مايقدرون يعارضون عليه

طريقة نقل العقد :
1_ تعلن بالمواقع العربيه واقصد مبتعث وغيرها من المواقع اللي تختص بالعرب اللي بامريكا
وتقول عندي شقه مواصفاتها كذا وكذا واللي يبيها له الديبازت .

2_ اذا مالقيت احد عربي تتفق معه روح لمواقع التأجير بمدينتك واعرض شقتك فيها واكتب مواصفاتها
واكتب موضوع الاعلان (..... sublease from واكتب التاريخ ) وبعدها مواصفات الشقه وقول متنازل عن الديبازت ويجونك مثل النمل ..

بعطيك كذا موضوع مشابه بمواقع التأجير في مدينتي وسوو مثله

1268 Rushmoore Dr | Apartment for sublease Dekalb IL | Apartment Rentals | 2180498530 | Oodle

واكتب السبب في الموضوع وقول بأنقل ولايه ثانيه عشان مايتوقعون الشقه فيها مشكله ..


واخر شي اقولك انه انا سحبت على شقه في ولاية الباما والدعوه عوافي ماصار شي .
لكن يمكن على قولة الاخوان الدعوى تختلف من ولايه لولايه والحرص واجب ..


بالتوفيق لك

اسحب عليهم وبس
هم ماخذوا منك تأمين الا لأنهم مايقدرون يضمنون حقهم منك الا بهالطريقة.. يعني اذا مستعد تخسر التأمين وضعك أوكي.
ومستحيل يرفعون عليك قضية لأنها بتكلفهم وقت وفلوس والسالفة ماتستاهل.
وبما أن ماعندك سوشيل سيكورتي ولا كردت هيستوري ماحد بيدري عنك ولا يقدرون يجيبونك

وإذا كان الديبوزيت 2250 دولار؟؟
برضه نسحب عليهم